«Капкăн» журналăн кăçалхи çирĕм иккĕмĕш номерĕ кун çути курчĕ. Вăл Сергей Мягковăн «Ĕçпе хÿтлĕх - хамăрта» ÿкерчĕкĕпе уçăлать. Иккĕмĕш страницăра «Çул-йĕр правилине пăсрăн - явап тыт!» ÿкерчĕк вырнаçтарнă.
Раççейре юлашки вунă çулта сахăр диабечĕпе чирлĕ çынсен йышĕ икĕ хут ÿснĕ. Ытларах пайĕ 2 тип диабетпа аптрать. Вăхăтра палăртман тата сиплемен чир вара юн тымарĕсем хăвăрт тата йывăр сиенленес хăрушлăха ÿстерет.
Тĕслĕхрен, куçри юн тымарĕсем патракланаççĕ, диабет ретинопатийĕ аталанать, çавна пула çын суккăрланма та пултарать. Урасем, пÿресем, чĕрепе пуç миминчи юн тымарĕсем япăхаççĕ, инфаркт, инсульт аптратса ÿкерме пултараççĕ.
Кун кĕскелсе пынă тапхăрта организм кахалланма тытăнать, вĕçĕмсĕр ыйхăлаттарать. Ку çутă çитменнипе çыхăннă. Мĕн тумалла-ха?
Пÿртре çутă ытларах пулсан лайăх. Уçă сывлăшра хускану ытларах тумалла, чупмалла, çуран нумай çÿремелле. Ирхи зарядка пирки те ан манăр. Организма витаминсем кирлĕ, хамăр тăрăхра çитĕнекен пахча çимĕçпе улма-çырла ытларах çимелле.
Чăвашла верси
Русская версия
