Archive - 24 Раштав, 2014

24 Раштав, 2014

Студентсем наркотик сутнă

Наркотĕрĕслев службин республикăри управленийĕн сотрудникĕсем Шупашкарта кунта наркотик илсе килекен тата сутакан ушкăна сиенсĕрлетнĕ. Йышри икĕ çамрăк - Дагестан тата Чечня каччисем, республикăри аслă вĕренÿ заведенийĕсенчен пĕринче пĕлÿ пухаканскерсем.

24 Раштав, 2014

Ĕмĕтлĕ çын - çунатлă

Николай Лисаев фермерпа тĕл пулма малтанах калаçса татăлнăччĕ, анчах лара-тăра пĕлменскере тытма йывăр. Çапах аслă çул çинче тĕл пултăмăрах унпа. Яланхилле васкатчĕ пулин те пирĕнпе калаçма вăхăт тупрĕ.

Çĕклемĕ хамăн

24 Раштав, 2014

Чăрмавсăрах сутасчĕ

Хушма хуçалăхра выльăх-чĕрлĕх, кайăк-кĕшĕк йышлă усратпăр. Кĕркунне-хĕлле аш-какай, сĕт юр-варĕ сутма Ишек пасарне каятпăр. Анчах килте туса илнĕ продукци валли те ветеринари справки ыйтаççĕ. Ăна илме Кÿкеçе çити каймалла. Нивушлĕ ăна вырăнтах йĕркелеме май çук? Эпир нумай та сутмастпăр-çке?

Нина Семенова. Шупашкар районĕ, Хыркасси.

24 Раштав, 2014

Нимелле - кермен

Яштака пÿллĕ çамрăк хĕрарăмпа кантур çуртĕнче паллашрăмăр. Аллинче пĕр купа хут. Докуменчĕсене алă пустарасшăн чупса çÿрет иккен.

- Çурта ниепле те хута яраймастпăр-ха, - ăнлантарчĕ вăл мана. - Халĕ газ кĕртессипе ăшталанса çÿретĕп.

24 Раштав, 2014

Çĕр калаçтарать

Çĕрпе çыхăннă тавлашусем тĕрлĕ сăлтавпа сиксе тухаççĕ. Сăмахран, çĕр пирки килĕшÿ тунă чухне, çĕр лаптăкĕн вăл е ку чиккине палăртман вăхăтра, документсенчи тĕрĕс-марлăх калаçтарать. Çĕр правипе çыхăннă ыйтусене татса пама çăмăлах мар.

Çĕр лаптăкĕн хуçисем час-часах суда пулăшу ыйтса пыраççĕ. Çĕр ыйтăвне татса пама Росреестрăн Чăваш Енри управленийĕн çĕр йĕркелÿ ĕçне туса ирттернин кăтартăвĕсен патшалăх фончĕн докуменчĕсем пулăшаççĕ /Çĕр йĕркелÿ кăтартăвĕсен фончĕ/.

24 Раштав, 2014

Çамрăкран та ирттереççĕ

«Раççей пенсионерĕсен пĕрлĕхĕ» общество организацийĕ кăçал 20 çул тултарчĕ. Çавна май çак пĕрлĕхĕн Чăваш Енри уйрăмĕ форум йĕркелерĕ. Унта тĕрлĕ районпа хулари «Раççей пенсионерĕсен пĕрлĕхĕн» представителĕсем хутшăнчĕç. Çавăн пекех компьютер технологине алла илес тĕлĕшпе ирттерекен олимпиадăра тупăшакансем те. Сăмах май, вăл кăçалхипе виççĕмĕш хут иртрĕ. Малтанхи турĕ районсенче пулнă. Унта мала тухнисем республикăра ăмăртрĕç.

24 Раштав, 2014

«Атте, мана пĕрле илсе кай...»

Ача çуртне лекнĕ çичĕ çулти Максим ав хăйĕн пĕчĕк ĕмĕрĕнче мĕн кăна тÿссе ирттермен. Икĕ çул каялла ăна пĕр çемье ача çуртĕнчен усрава илнĕ. Килĕштерсех, юратсах. Анчах çĕнĕ ашшĕ ăна ытларах юратнă пулĕ çав. Çемье пуçĕ сарăмсăр вилсен "амăшĕ" ачана кирлĕ мар тесе каялла тавăрса парать. Çав вăхăтра арçын ачан кăмăлĕ кăна мар, сывлăхĕ те япăх пулни тухтăрсене те канăçсăрлантарнă. Ача калаçман, кулман, чупма та пултарайман. Пурне те асăнсан çÿç-пуç вирелле тăрĕ. Юрать халĕ вăл тепĕр çемьене лекнĕ. Кунта тин унăн кăмăлĕ уçăлма пуçланă, сывлăхĕ те çирĕпленнĕ.

24 Раштав, 2014

Çырнă сăмах çухалмасть

Борис Леонтьевич Борлен /Тихонов/ пурăннă пулсан декабрĕн 20-мĕшĕнче 80 çул тултармаллаччĕ. Вăл халăх хушшинче писатель, публицист, поэт, журналист тата педагог пек асра юлчĕ.

Иртнĕ эрнере Шупашкарти К.В.Иванов ячĕллĕ литература музейĕнче Борис Леонтьевича асăнса ятарлă каç иртрĕ. Унта унăн çывăх çыннисем, тăванĕсем, пĕлĕшĕсем пуçтарăнчĕç. Ăна пурте ырăпа аса илчĕç, пултарулăхне пысăка хурса хакларĕç. Шупашкарти 10-мĕш шкулта вĕренекенсем Борис Борленăн «Хаваслă паллашу» тата «Зоопаркра» кĕнекисенчи сăвăсене вуларĕç.

Pages