Archive - Пуш 2015

март 25th

25 Пуш, 2015

Çĕпĕр сиввинчен - чăваш ăшшине

Ял çĕрĕ тăрантарнă

- Хаçатра çакна вуланăччĕ: колорадо нăррине пуçтармалла, вĕтетсе тÿмелле, комбикормпа хутăштарса цесаркăсене çитермелле. Çакăн хыççăн вĕсем хăйсемех усал нăрăсене çиме тухĕç имĕш. Çавăнпа усрама пуçларăм цесаркăсене. Хальлĕхе çак кайăксем нăрăсем патне туртăннине курмастăп, анчах чăх, хур-кăвакал чĕпписене хурчкасенчен сыхлама пулăшаççĕ. Хальччен лешсем кил картине вĕçсе анса пĕчĕкскерсене туххăмрах çаклатса каятчĕç. Цесаркăсем хăйсен сассипе хăратма тытăннăранпа чĕпсем çухалма пăрахрĕç, - ăнлантарать мана ăшпиллĕ хĕрарăм.

25 Пуш, 2015

Тĕллевсене палăртнă

Çурхи уй-хир ĕçĕсене хатĕрленсе ирттерессипе çыхăннă семинар-канашлăва кăçал Вăрнар районĕнче йĕркеленĕ. Унта хутшăннисем малтанах Вăрнарти аш-какай комбиначĕн Малтикас Ялтăра ялĕнчи сĕт-çу фермипе паллашнă. Кунта 1100 ĕне тăрать. Республикăра кунашкал пысăк сĕт-çу ферми урăх çук.

Пĕр вăхăтра 40 ĕне сăвăнать. Вĕсене сăвакан операторсем çĕнĕ йышши техникăна алла илнĕ. Унсăрăн май та çук, мĕншĕн тесен ĕне сумалли пÿлĕмре автоматикăпа ĕçлекен хатĕрсем вырнаçтарнă, электрон программăсемпе усă кураççĕ.

25 Пуш, 2015

Сĕнÿ-канашпа пуянланчĕç

Муркаш районĕнче хурт-хăмăр ăстисен семинар-канашлăвĕ иртрĕ. Унта 2014 çулхи кăтартусемпе паллашрĕç, кăçалхи плансене палăртрĕç. Канашлăва «Агентство по пчеловодству» пĕрлешĕвĕн тĕп директорĕ Геннадий Максимов, район администрацийĕн экономика пайĕн пуçлăхĕ Нина Костина хутшăнчĕç.

Геннадий Антонович пыл хурчĕсене мĕнле пăхмаллине, çуркунне уçă вырăна хăçан кăлармаллине тата ытти ĕç-хĕл пирки каларĕ.

Çак ĕçе çамрăксем явăçни те савăнтарать. Ватăсем вĕсене вĕрентсе пыраççĕ. Акă Николай Данилов 83 çулта, Семен Иванов вара - 85-ре. Вĕсем халĕ те пыл хурчĕ тытаççĕ.

25 Пуш, 2015

Ырă кăмăл ылтăн-кĕмĕлрен хаклăрах

Чăваш АССР халăх артисчĕ, РСФСР искусство тава тивĕçлĕ ĕçченĕ, К.Станиславский ячĕллĕ РСФСР Патшалăх премийĕн лауреачĕ Леонид Родионов çуралнăранпа 100 çул çитрĕ. Çавна май К.В. Иванов ячĕллĕ Чăваш патшалăх академи драма театрĕнче асăну кунĕ иртрĕ.

25 Пуш, 2015

50 çул - йĕркелĕхпе хăрушсăрлăх хуралĕнче

1965 çулхи мартăн 22-мĕшĕнче Хусан хулин конвой хуралĕн 226-мĕш отрячĕн 2-мĕш дивизионĕн никĕсĕ çинче Общество йĕркине сыхлакан министерствăн конвой хуралĕн 912-мĕш уйрăм дивизионне йĕркеленĕ, вăл Шупашкар, Çĕнĕ Шупашкар, Улатăр тата Куславкка хулисенче айăпланнисене сыхлассипе çыхăннă ĕçе пурнăçланă.

25 Пуш, 2015

Чăваш халăхĕн культури пуян, ăна упраса малалла ăнтăлмалла!

Тунтикун ЧР Пуçлăхĕ Улатăрта пулчĕ. Совет Союзĕн Геройĕ П.Макаров ячĕллĕ шкулта ачасене вĕрентессине еплерех йĕркеленипе паллашрĕ.

25 Пуш, 2015

Чĕрен пĕркеленчĕксем çук...

Арăмĕ упăшкинчен аслăрах пулни мăшăра телейлĕ пулма кансĕрлемест-и? Çулсем иртнĕçемĕн кун пек çемьере арçын айккине чупма пуçламасть-и? Мĕншĕн хăйĕнчен 10 çул аслă йĕкĕте качча тухакан пикене никамах та сÿтсе явмасть, çав вăхăтрах этемлĕхĕн черчен çуррийĕ хăйĕнчен пĕр теçетке çул кĕçĕнрех каччăпа «пĕр сукмакпа утма» килĕшни пирки сăмах-юмах тăватех? Кун пек чухне мĕн каласси те - куçкĕрет, халăх «çăварĕ» иккĕшне те «чĕпĕтсе» илетех.

25 Пуш, 2015

Ял сăн-сăпачĕ çулсерен улшăнать

Тăван кĕтес кашниншĕнех хаклă. Элĕк районĕнчи Вырăс Сурăм вулавăшĕнче ĕçлекен Надежда Волкова хăй пурăнакан Анаткас Сурăм ял историйĕ пирки сехечĕ-сехечĕпе каласа пама пултарать.

- Ваттисем каланă тăрăх, Анаткас Сурăм XVII ĕмĕр пуçламăшĕнче пуçланса кайнă. Ял Сурăм вăрман хĕрринчи пысăк лупашкаллă вырăнта никĕсленме тытăннă. Анчах та ял çыннисене вăрă-хурахсем канăç паман, Чумак йăхĕ уйрăмах халăха пусмăрлама тăрăшнă, - каласа парать Надежда Волкова. - Çавăнпа та çынсем сăртлă вырăна куçнă.

25 Пуш, 2015

Акуç аппа

Акуç аппа 80 çул тултарать. Çамрăкрах чухне тĕлĕнетчĕ чылай çул пурăнакан çынсенчен. «Асапне те курман-тăр, чир-чĕр мĕн иккенне те пĕлмен-тĕр вĕсем», - тетчĕ. Халĕ хăй çак çула çитсен каялла çаврăнса пăхрĕ те – тĕлĕнчĕ. Хуйхи-суйхи çынсенчен те нумайрах пулнă пуль. Чир-чĕр пирки, чăнах та, аплах калаймăн.

Pages