Archive - 14 Ака, 2015

14 Ака, 2015

Леш касри Ваçук çуртне юсама мĕншĕн манран укçа ыйтаççĕ?

Нумай хваттерлĕ çуртсен капиталлă юсавĕ валли халăхран укçа пухма йышăнса влаçсем шахматра «пат» текен терминпа хаклакан йышши лару-тăрăва лекессе кĕтмен те пуль. Лекрĕç вĕт, лекмеллипех лекрĕç.

14 Ака, 2015

Геннадий АФАНАСЬЕВ: Рабочи профессийĕллисем ытларах кирлĕ

Патăрьел районĕнчи халăха ĕçпе тивĕçтерекен центра кăçалхи январь-март уйăхĕсенче пулăшу ыйтмашкăн 255 çын пынă /иртнĕ çулхи çав вăхăтра - 281/. Вĕсенчен 71-шĕ е пĕтĕм йышăн 27,8 проценчĕ ĕçсĕрлĕх статусне официаллă йĕркепе тивĕçнĕ. Вырăн шыракансен шучĕпе регистрацие тăнисен хушшинче хĕрарăмсем - 121 /47,4 процент/, 16-29 çулсенчи çамрăксем - 78 /30,6/, 14-18 çултисем - 97 /38/, тивĕçлĕ кану ÿсĕмне çитиччен икĕ çул юлнисем - 8 /3,1/ çын.

14 Ака, 2015

Йышпа канашласан - çăмăлрах

Сĕнтĕрвăрри районĕнче 12 ял тăрăхĕ. Вĕсен администрацийĕсене ертсе пыракансем вăхăтран-вăхăт тĕлпулса çивĕч ыйтусене сÿтсе яваççĕ. «Пĕччен хулă хуçăлать, ушкăнпа - хуçаймăн» ваттисен сăмахне тĕпе хурса йывăрлăхра пĕр-пĕрне пулăшас, малта пыракансен опытне анлăрах сарас тĕллевпе клуб йĕркеленĕ.

14 Ака, 2015

Пайтаçăсем Комсомольски ветеринарĕсене тав тăваççĕ

«Хыпар» ыйтăвĕсене районти чĕрчун чирĕсемпе кĕрешекен станци ертÿçи Рустем Велимухаметов хуравлать.

14 Ака, 2015

Етĕрнесем сĕте шыв хушаççĕ-и?

Чĕрчун чирĕсемпе кĕрешекен станци специалисчĕсем пахалăха «Лактан-4» тата «Лактан-1-4М» приборсемпе тĕрĕслеççĕ. Апрелĕн 8-мĕшĕ тĕлне 2980 килти хуçалăхран пухнă сĕтрен 770 тĕслĕх илнĕ. 49-шĕ /6,4%/ продукцие шыв янине çирĕплетнĕ. Ытти лайăх пахалăхлă.

14 Ака, 2015

Килти хуçалăхсем сутакан продукцишĕн тÿлессипе Хĕрлĕ Чутайсем мĕнле ĕçлеççĕ?

- Сĕт пуçтаракансемпе тата ветеринари специалисчĕсемпе мартăн 26-мĕшĕнче канашлу ирттертĕмĕр. Чи малтанах пахалăха палăртма тĕллев лартрăмăр, - пĕлтерчĕ район администрацийĕн пуçлăхĕ Александр Башкиров. - Вăл епле пурнăçланнине ял тăрăхĕсен пуçлăхĕсемпе ирттерекен кашни ларурах сÿтсе яватпăр. Хальлĕхе сĕт пуçтаракансемпе паракансем продукци сутасси-туянасси пирки килĕшÿ çирĕплетнине, çынсене пахалăха кура тÿлеме тытăннине пĕлместĕп. Ку ĕçе апрелĕн 26-мĕшĕнче тишкеретпĕр.

14 Ака, 2015

Унсăр шкул та тĕксĕмленĕ

Унăн пархатарлă ĕçĕ çинчен эпĕ сахал мар илтнĕ, анчах хăйĕнпе куçа-куçăн калаçма ниепле те май тупаймарăм. Вара пĕррехинче ятарласа Янкăлч шкулне çул тытрăм. Çулне кура мар вăшăл-вашăл Калиса Михайловна Иванова питĕ ăшшăн кĕтсе илчĕ.

Pages