Archive - 28 Çурла, 2015

28 Çурла, 2015

Уй-хир тулли тырри-пулли

- Шыраса тупайăр-ши вĕсене? - иккĕленчĕ Муркаш районĕнчи «Герой» хуçалăх ертÿçи Галина Иванова эпир уй-хире, тырă вырнă çĕре каяссине пĕлтерсен. Унтан вăхăчĕ хĕсĕккине пăхмасăр пире хăй хыççăн пыма ыйтрĕ те çăмăл машинине хускатрĕ.

28 Çурла, 2015

Пĕтĕмпех ĕне çинчен

Хăлхипе ĕне питĕ лайăх илтет. Авалхи йăхташĕсенченех пырать çакă. Чăтлăхсенче пурăннă чухне вĕсем ытларах куçĕсене мар, хăлхисене шаннă. Ĕне сасă вăйне уйăрать, сигналсене çăмăллăнах астуса юлать. Сигналпа кĕтÿçĕ кĕтĕве хăй тавра пуçтарма, шыв патне е киле илсе çитерме пултарать. Ăста кĕтÿçĕсем çакăн çинчен пĕлеççĕ, ĕçре усă кураççĕ. Ахальтен мар ĕлĕк кĕтÿçĕ пиçиххийĕ çинче çепĕç те янăравлă сасă кăларакан шăхличĕ çакса çÿренĕ. Халĕ ун пеккине кураймастăн. Пĕр хушă кĕтÿçĕсем пионер горнĕпе усă куратчĕç. Ăста аллинче вăл шиклентермелле мар, çăмăллăн та çепĕççĕн янăрать.

28 Çурла, 2015

Çĕрулмине хăçан кăлармалла?

Кĕркунне çĕрулмине йĕркеллĕ пуçтарса кĕртеймесен тухăç самай çухалать. Хăшĕ хуларан тăванĕсем килнипе е хĕвеллĕ çанталăкпа усă курса тымарçимĕç ÿссе, хуппи хытса çитмесĕрех ăна кăларма тытăнать. Тепри вара ытла кая юлать. «Иккĕмĕш çăкăр» хĕлле мĕнле упранасси ăна пуçтарса кĕртнипе тÿрремĕнех çыхăннă.

28 Çурла, 2015

Юратупа, пилпе çуралнисем - телейлĕ

Патăрьел районĕнчи Сăкăтра пурăнакан Петр Васильевичпа Зинаида Федоровна Кариковсем 14 ача çуратса ÿстернĕ. Турра шĕкĕр, пурте ырă-сывă. Паян вĕсем тĕпренчĕкĕсемпе çеç мар, 27 мăнукĕпе тата 8 кĕçĕн мăнукĕпе савăнаççĕ.

28 Çурла, 2015

«Хыпар» 168-169 (26820-26821) №№. 28.08.2015

28 Çурла, 2015

Сусăрсен паттăрлăхĕ - пирĕншĕн ырă тĕслĕх

Пурнăç йывăрлăхсемсĕр пулмасть. Пĕрисем вĕсене çĕнтерсе малалла талпăнаççĕ, теприсем айккине пăрăнма васкаççĕ, виççĕмĕшсен вара вĕсемпе кĕрешме вăй-хал çитмест. Сусăрсене тата та йывăртарах тивет. Çапах вĕсем пуç усмаççĕ, чи лайăххи пулма тăрăшаççĕ. Çакна вĕсем спорт аренине тухса хăйсен çитĕнĕвĕсемпе тĕлĕнтерсе те ĕнентереççĕ. Тинтерех çеç Чăваш Енре иртнĕ Пĕтĕм Раççейри инвалидсен спартакиади те ку тĕлĕшпе питĕ лайăх тĕслĕх пулса тăчĕ.

28 Çурла, 2015

Хаклă телекурав: «кирлĕ мар» палăксем...

Ытти чух вуннăра пуçтарăнаканччĕ, Министрсен Кабинечĕн ĕнерхи ларăвĕ вара ирхине 8 сехетрех пуçланчĕ. Ку вăхăтра çапла пулмалла та пуль: ĕççи, суйлав умĕнхи тапхăр... Чăн та, ларăвăн кун йĕркине кĕртнĕ темăсенче çак çивĕчлĕх палăрмарĕ - кулленхи ыйтусем темелле...

28 Çурла, 2015

Суйлав саккунĕ çирĕп

Республика Пуçлăхĕн тата вырăнти хăйтытăмлăх органĕсен суйлавĕ умĕнхи кампани чи хĕрÿ тапхăра кĕчĕ. Халĕ - суйлав умĕнхи агитаци тапхăрĕ. Сасăлав - сентябрĕн 13-мĕшĕнче. Çак кун суйлавçăсен республика тилхепине кандидатсенчен хăшне шанса парассине палăртмалла, районсен, ял тăрăхĕсен вырăнти хăйтытăмлăх органĕсен йышне йĕркелемелле. Граждансен сасăлаври активлăхĕ мĕнлерех пулĕ - суйланакан çынсен ят-сумĕ те çакăнтан килет. Тата - суйлавпа çыхăннă саккунсене мĕнле пурнăçланинчен.

Pages