Чăвашла верси
Русская версия
"Кил-çурт, хушма хуçалăх ", 1 /798/ №, 15.01.2015
Çĕнĕ ăратлă чăхсем Кохинхин, Брама, Орпингтон. Пĕлĕшĕм илемлĕ пысăк чăхсем ĕрчетме пуçларĕ - Брама. «Тата ун евĕрлĕ урăх ăратсем те пур, ашĕ те, çăмарти те аван», - тет. Тĕплĕнрех çырса кăтартаймăр-ши вĕсем çинчен. С.ТРОФИМОВА. Шăмăршă.
Кивĕ турaшпа мĕн тумалла? Иконăсем питĕ нумай юлчĕç. Мĕн тумалла çав турăшсемпе?
Çĕнĕ ăратлă чăхсем Кохинхин, Брама, Орпингтон
Пĕлĕшĕм илемлĕ пысăк чăхсем ĕрчетме пуçларĕ - Брама. «Тата ун евĕрлĕ урăх ăратсем те пур, ашĕ те, çăмарти те аван», - тет. Тĕплĕнрех çырса кăтартаймăр-ши вĕсем çинчен?
С.ТРОФИМОВА.
Шăмăршă.
Брама ăратлă чăхсен тăван çĕршывĕ - Инди. Çак ăратăн автанĕсем питĕ хитре, пысăк, чĕрĕ виçи 4-5 кг яхăн, чăххийĕ - 3,5 кг. Чĕпĕсем хăвăрт çитĕнеççĕ, çулталăкне 120 çăмарта тума пултараççĕ. Ăрата ашлăх тĕллевпе кăларнă.
Кивĕ турaшпа мĕн тумалла?
Аппа Турра ĕненетчĕ. Хăй пурнăçран уйрăлса кайрĕ, иконăсем питĕ нумай юлчĕç. Мĕн тумалла çав турăшсемпе?
Р.ХОРАСКИНА.
Хĕрлĕ Чутай районĕ.
Кивĕ турăшсене, тĕн календарĕсене /чиркÿрен туяннă пулсан/, юрăхсăра тухнă, кивелнĕ Библи кĕнекисене чиркĕве кайса памалла. Унта вĕсене тĕн йăли-йĕркипе ятарлă кăмакара çунтараççĕ. Сире уншăн çылăх пулас çук, никам та тĕлĕнсе пăхмĕ.
Кăшарни - Крещени
Январĕн 19-мĕшĕнче Христос тĕнне ĕненекенсем Иисус шыва кĕнине палăртаççĕ. Турра ĕненекенсемшĕн 12 чи пĕлтерĕшлĕ уявсенчен пĕри вăл.
Банан хуппи усăллă
Банана тасатса хуппине çÿпĕ витрине вăркăнтарнă чухне хамăр йăнăшнине чухламастпăр та. Банан хуппи те сахал мар усă кÿме пултарать иккен.
Банан хуппи тĕксĕмленнĕ кĕмĕл савăт-сапана тасатма лайăх. Ăна блендерпа вĕтетмелле, шăл пасти пек пуличчен шыв хушмалла. Çак хутăша çемçе пусмапа илмелле те кĕмĕл япаласене сăтăрмалла. Тĕксĕм тĕс тасалсан банан юлашкине çуса ярăр та çемçе татăкпа шăлса типĕтĕр.
Çутçанталăк кÿнĕ çусен пахалăхне кура банан хуппи тир-сăран атă-пушмака тасатма юрăхлă. Банан хуппин шал енĕпе пушмака сăтăрăр, унтан типĕ пусма таткипе якатăр.
«Çамрăксен хаçачĕ» 1 (6042) №. 15.01.2015
Амăшне хĕненĕ, пăвнă, мăшкăлланă арçынна çирĕп режимлă колоние 12 çул çурăлăха ăсатнă. 4 стр.
Александр Егоров Чечняри командировкăран таврăнсан авланасшăн, хваттер туянасшăн пулнă. 5 стр.
"Ӳлĕмрен Мускав тесе çăвар та уçмастăп", - тет пирĕн корреспондент. Мĕншĕн? 6 стр.
Раиса Сарпи поэтессăн Польшăна, Италие, Америкăна, Кавказа... качча тухса пурăнма май пулнă. 8 стр.
Турккă çыравçин Хатидже Узгюлĕн чăвашсен мифологине тĕпе хурса роман çырма кăмăл пур. 9 стр.
Юрату гороскопĕ: Арăслан килĕштернĕ çынна хăй енне çавăрма ăнтăлĕ. 12 стр.
Шупашкарта - пăлансем
Çĕнĕ çул ячĕпе Чăваш Енре пурăнакансене Шупашкарти А.Николаев космонавт ячĕллĕ ача-пăча паркĕнчи "Ковчег" зоокĕтес ĕçченĕсем парне туса панă - пăлан аçипе амине илсе килнĕ. Хитре чĕрчунсене курма эпир те кайрăмăр.
Ĕçлеме ÿркенмен çынна кризис хăратмĕ
Евро, доллар кунсерен çĕпре çинчи пек ÿсни, тенкĕ пĕчĕкленсе пыни çинчен хăлха йÿçĕхмеллех пур çĕрте янратаççĕ. Санкцисем кĕртни, нефть хакĕ чакни çĕршыври экономика лару-тăрăвне лайăх енчен витĕм кÿмеççĕ. Çакă халăха пырса тиветех. Чылай тавар, апат-çимĕç, тĕрлĕ тытăмри пулăшу ĕçĕ хакланнине туйма ĕлкĕртĕмĕр.
“Çамрăксен хаçатне” Симферопольте те вулаççĕ
Патшана та пăхăнман вăхăт шăвать те шăвать - 2015 çулăн пĕрремĕш уйăхĕн çурри те хыçа юлчĕ. Ĕнер ирех пÿлĕм умĕнче мана кĕтсе пирĕн вулаканăмăр тăрать. Вăтам çулсенчи хĕрарăм сывлăх сунчĕ те: "Январь варри çитсе пырать, пĕр номер те килмерĕ. Сăлтавĕ мĕнпе çыхăннă-ши?" - ыйтрĕ вăл. Хисеплĕ вулаканăмăрсем, эсир "Çамрăксен хаçачĕсĕр" тунсăхлани кăмăла çĕклет, пире, журналистсене, тата та тăрăшарах ĕçлеме хавхалантарать. Мĕн тăвăн? Влаçрисем январьте пурин валли те каникул туса пачĕç те - хаçат кăларакансем те канаççĕ.
Тăрă шыв çине кăларнă
Кăçал январĕн 1-11-мĕшĕсенче РФ ФСКНĕн Чăваш Енри управленийĕн сотрудникĕсем оперативлă мероприятисем ирттернĕ. Çулталăкăн пĕрремĕш кунĕсенчех уголовлă ĕçсем пуçарнă.
Январĕн 1-мĕшĕнче Шупашкарти çурçĕр-хĕвеланăç районĕнчи пĕр çурт подъездĕнче наркотик хутăшĕ тултарнă хутаç тупни тĕлĕшпе уголовлă ĕç пуçарнă. Кун пирки çынсем "шанăç телефонĕпе" пĕлтернĕ.
