Иван Никитин фронтовика тахçанах пĕлетĕп. Вăл эпĕ шкулта вĕреннĕ чухне аслă пиччене Ильяна çуралнă кун ячĕпе саламлама килнĕччĕ, хăйĕн кăкăрĕ çинче — орденсемпе медальсемччĕ.
Тăван çĕршывăн Аслă вăрçин çулĕсенче тылра ĕçленисенчен пĕри Леонтий Раськин Патăрьел районĕнчи Патăрьел ялĕнче пурăнать. 1960-1990 çулсенче республикăн «Сельхозтехника» пĕрлешĕвĕн вырăнти уйрăмĕсенче вăй хунисем, колхоз-совхоз техникине Патăрьелте юсаттарнисем ăна лайăх пĕлеççĕ.
1971 çулта Шупашкар районĕнчи «Звезда» колхозăн тĕп инженерĕнче ĕçлеме тытăнтăм. Трактор 20 яхăнччĕ, автомашина, тыр-пул пухса кĕртмелли комбайн, ытти машина 1980 çулсенчипе танлаштарсан сахалрахчĕ. Çулталăкра патшалăха ăсатмалли тимĕр-тăмăр планĕ 15 тоннăпа танлашатчĕ. Вунă çултан ăна 55 тонна шайне çитерчĕç. Мĕнле тултарнине халăх тĕрĕслевĕн комитечĕ çирĕп тĕрĕслетчĕ. 1976 çулхи пĕр кварталта сутма палăртнинчен 3 тонна сахалрах патăмăр. Çакăншăн комитет тĕп инженер оклачĕн виççĕмĕш пайне тытса юлма йышăнчĕ.
Чăвашла верси
Русская версия
Çĕнĕ комментарисем