Archive - 17 May, 2018

Салам, редакци! Эсир пулăшнипе пĕр ыйту уçăмлатасшăн. Иртнĕ эрнере Атăл леш енне, Астраханка хĕррине, çемьепе канма каяс терĕм. Çул çинче вăрмана кĕме чаракан плакатсене асăрхамарăмăр. Вырăна çитрĕмĕр. Пĕр теçетке çăмăл автомашина тăратчĕ. Кăвайт чĕртрĕмĕр, шашлăк ăшалама хатĕрлентĕмĕр.

2017 çулхи çурла уйăхĕн 22-мĕшĕнче Йĕпреç районĕнчи Пăкăянта хăрушă ĕç-пуç пулса иртнĕ. Следстви тишкернĕ, суд çирĕплетнĕ тăрăх, Валерий Архипов юлташне Анатолий Никитина çĕçĕпе чиксе вĕлернĕ. Анчах ял халăхĕ кун пирки пĕр уйăхран тин пĕлнĕ, мĕншĕн тесен Валера вилене хăйĕн килĕнчи тĕп сакайне чавса чикнĕ.

Чăваш Енрен аякра çуралса ÿснĕ пулсан та шăпа ăна тăван халăхăмăршăн, унăн культуришĕн ĕçлеме пилленĕ. ЧР композиторсен ассоциацийĕн членĕ Родион ДОЛГОВ: «Шупашкара мана ăнсăртлăх илсе çитерчĕ», — тет. Пĕлетпĕр ĕнтĕ, нимĕнле ăнсăртлăх та ăнсăртран мар. Республикăри культура училищинче баян вăрттăнлăхне алла илме пулăшакан педагогпа, вокал ушкăнĕсен ертÿçипе çывăхрах паллашас тесе унăн ĕç вырăнне çитрĕм.

Герман Лебедев чĕннипе

Муркаш районĕнчи Купăрля ялĕ çулсеренех хăнасене çывăх тăвана кĕтсе илнĕ пек йышăнать. Паллă ăсчаха, историке, тĕпчевçе Николай Никольские сума суса кăçал та çу уйăхĕн 19-мĕшĕнче халăх палăк умне пуçтарăнĕ, пуç тайса чечексем хурĕ. Купăрляна пырса кĕме те питĕ кăмăллă. Ял варринче — кÿлĕ, Никольский ячĕллĕ парк… Çыннисем ентешĕпе мăнаçланнине илтме пĕрре мар тÿр килнĕччĕ.

Çемье

Хаклă редакци! Йĕпреç районĕнчи Çĕнĕ Выçли ялĕнчен çыратăп. <...Ку çырăва çырма пире инкек хистерĕ-ха. Ăна вара манăн арăм çынна питĕ шаннипе, айванлăхне пула, хăйĕн валли хăй тупрĕ.

Хĕрлĕ Чутайри ача-пăча пултарулăхĕн çуртне çÿрекен Юлиана Никифорова /ертÿçи — хушма пĕлÿ паракан педагог Татьяна Горбунова/ ача-пăча пултарулăх ĕçĕсен «Золотые кружева России» ăмăртăвне хутшăннă. Ку телекурав конкурсĕ кăçалхи пуш уйăхĕн 6-мĕшĕнчен пуçласа çу уйăхĕн 5-мĕшĕччен пĕрремĕш хут иртнĕ. Ăна «Медиа покорение» продюсер центрĕ «Будильник» ача-пăча интернет телеканалĕпе пĕрле йĕркеленĕ. Юлиана конкурсра 1-мĕш степеньлĕ «кĕмĕл» лауреат пулса тăнă. Жюри вăл хатĕрленĕ тухьяна хакланă, ăсталăхĕнчен тĕлĕннĕ.

Шкул пурнăçĕ — тĕлĕнмелле савăк та хавхалануллă вăхăт. Кашни ăрăвăн аса илмелли пайтах. Етĕрнери 3-мĕш шкулти 11-мĕш «а» класри ултă вĕренекеншĕн çамрăклăх сукмакĕнчи ăнăçлă пĕрремĕш утăм ЧР Пуçлăхĕн стипендине тивĕçнипе пуçланнă ахăр. Çак хавхаланăва епле йышăннă вĕсем, мĕнле тĕллевсем илĕртеççĕ пĕр яшпа пилĕк хĕре?
Антон ЛУКИН: «Районти культура çуртĕнчи театр студине чун туртнипе темиçе çул сукмак хыврăм. Унта аслисемпе те, тантăшсемпе те сцена çине тухатăп. Кунпа çеç лăпланмастăп. Волонтер юхăмĕн членĕ те эпĕ.

Pages