Archive - 21 Feb, 2019

21 Feb, 2019

Пуçлăх урлă сиксе вăрçа кайнă

Рота командирĕшĕн Владимир Цветковшăн орден-медаль мар, салтак пурнăçĕ хаклăрах пулнă. Афганистан вăрçинче çар тивĕçне пурнăçланă чăваш арĕ юнлă çапăçусене хутшăннă, паттăрлăх кăтартса хисепе тивĕçнĕ.

21 Feb, 2019

Мăнукĕсен умĕнче макăрма хăранă

«Валя, Андрей ÿкрĕ!» — пахчана чупса тухнă мăшăрĕ çапла каланине илтсен япала çакса тăракан Валентина Буяндайкина пÿрте васканă. Ывăлĕ Андрей урайĕнче хускалмасăр выртнă. Амăшĕ ăна йăтса илнĕ, анчах тĕпренчĕкĕн юлашки сывлăшĕ тухма ĕлкĕрнĕ ĕнтĕ.

21 Feb, 2019

Тăванла салам

Паян – Пĕтĕм тĕнчери тăван чĕлхе кунĕ. Ăна çулсерен нарăсăн 21-мĕшĕнче уявлассине 1999 çулта çирĕплетнĕ. ЮНЕСКО палăртнă тăрăх, тĕнчери 6 пин чĕлхерен çурри çывăх вăхăтра пачах та çухалма пултарать. Ун чухне вара халăх та пĕтет.
Асăрханă-и, ют чĕлхе вĕренсен эсир тепĕр халăхăн шухăшлавĕпе паллашатăр, сирĕншĕн çĕнĕ тĕнче уçăлать. Çавăн пекех ачаранпах чăвашла пуплени халăхăн историне, тĕнче курăмне упраса хăварма май парать.

21 Feb, 2019

Ял историне пĕлетĕр-и?

Чăваш наци конгресĕн вĕренÿ комитечĕпе «Хыпар» Издательство çурчĕн «Тантăш» хаçат редакцийĕ «Ял историне пĕлетĕр-и?» конкурс пуçараççĕ.
Конкурс тĕллевĕсем:
— шкул ачисене тăван ял историне пухма тĕпчевлĕ-шыравлă ĕçе явăçтарасси;
— çамрăк тавра пĕлÿçĕсен тăван чĕлхе пуянлăхне, тавра курăмне ÿстерме пулăшасси;
— шыравлă ĕçе вĕрентекенсемпе ачасен ашшĕ-амăшне анлăрах явăçтарасси.
Пултарулăх ăмăртăвне 7-11-мĕш классенче вĕренекенсене хутшăнма чĕнетпĕр. Конкурс пуш уйăхĕн 1-мĕшĕнчен пуçласа акан 1-мĕшĕччен пырать. 

21 Feb, 2019

Пĕчĕкçĕ çăлтăр

Çапла чĕнеççĕ шкулти вĕрентекенсем пултаруллă та маттур хĕрачана. Шупашкар районĕнчи Кÿкеçри 1-мĕш шкулта ăс пухакан Ксения Федорова миçе конкурса хутшăнса çĕнтерÿçĕ тата дипломант ятне тивĕçмен пуль!