Archive

Правительство çуртĕнче ĕнер Пĕтĕм Раççейри Çемье, юрату тата шанăç кунĕ ячĕпе Чăваш Енĕн ятлă-сумлă çыннисене Раççей Федерацийĕн тата Чăваш Республикин патшалăх наградисемпе чысларĕç.

Тăван тавралăха сыхласси çĕр-шывăн политика, экономика тата общество пурнăçĕн приоритетлă ыйтăвĕ шутне кĕрет тата наци хăрушсăрлăхĕн тĕллевĕ пулса тăрать.

Промышленноç индустрийĕ тата этем ĕçĕ-хĕлĕпе çыхăннă ытти пулăм аталаннă май экологи лару-тăрăвĕ çивĕчленсех пырать. Унăн ыйтăвĕсене пĕрлехи вăйпа татса пама пултарни кăна малашлăха ырă витĕм кÿрĕ.

Чăваш Республикинче туса кăларакан производствăсем, электроэнерги объекчĕсем сахал мар, автомобиль транспорчĕ çуллен хушăнса пырать.

Чăваш наци конгресĕн черетсĕр саккăрмĕш Аслă Пухăвне килнĕ делегатсен пĕр ушкăнĕпе тĕп хулари Хĕрлĕ тÿремре тĕл пултăмăр.

Юлашки икĕ уйăх чăвашлăхпа çыхăннă мероприятисемпе пуян пулчĕ. Шупашкарта та, ун тулашĕнче те, ытти регионта та иртрĕç вĕсем. Сăмахăм, тĕпрен илсен, Пĕтĕм чăвашсен иккĕмĕш Акатуйĕ, Тутарстанри йăхташсен Уявĕ тата Чăваш наци конгресĕн Мăн Канашĕпе Аслă Пухăвĕ пирки. Тĕрлĕ хутлăхра тĕпленсе пурăнакан чăвашсене хускатса илчĕç вĕсем.

«Дорстрой» общество Комсомольски ялĕнчи Комсомольски урамĕнчен пуçланса Луцки ялне çитекен çула юсаса пĕтернĕ. Вăл Калинино-Патăрьел-Елчĕк-Хырай Ĕнел-Чăваш Республикин чикки автоçула сыпăнтарать. 5,161 çухрăма тăсăлать.

20 çул каяллахи тÿлек те ăшă куна аса илетĕп. Утă уйăхĕн варринче ун чухне Шупашкарăн хĕвел анăç районĕнчи сарлака та тарăн çырма таврашĕнче хывнă йывăр трасса çинче пуçласа маунтинбайк енĕпе Раççей чемпионатне ирттерчĕç.

Чăваш Ен Пуçлăхĕ Михаил Игнатьев ĕнер Министрсен Кабинечĕн членĕсемпе, федераци ведомствисен территори органĕсен тата муниципалитетсен ертÿçисемпе канашлу ирттернĕ.

Утă уйăхĕн 12-мĕшĕнче Чăваш Ен Пуçлăхĕ Михаил Игнатьев Эрĕнпурти «Наци ялĕ» культура комплексĕнче вырнаçнă чăваш килĕнче пулса курнă. Çак комплекс - уçă тÿпе айĕнчи хăйне евĕр музей, Эрĕнпур çĕрĕнче тĕпленнĕ халăхсен туслăхне, юратăвне, пĕрлĕхне çирĕплетекен паллă.