Archive

ЧР Патшалăх Канашĕн кĕçнерни кун иртнĕ черетлĕ ХХ сессийĕн кун йĕрки чăннипех анлă пулчĕ. Пĕтĕмпе икĕ теçетке ыйту, çав шутра 15 саккун проекчĕ. Апла пулин те тĕп вырăнта, паллах, республика Пуçлăхĕ ЧР Министрсен Кабинечĕн 2013 çулхи ĕç-хĕлĕн кăтартăвĕсем çинчен тунă доклад пулчĕ.

Пуш уйăхĕн 19-мĕшĕнче, Пĕрлехи информаци кунĕнче, ЧР Пуçлăхĕ Михаил Игнатьев Раççей ШĔМĕн Шупашкарти управленийĕнче тата «СМАК» фирмăра пулнă.

Пуш уйăхĕн 20-мĕшĕнче Чăваш Республикин влаç органĕсен официаллă порталĕнче «Вырăнти хăй тытăмлăх органĕсен ĕç-хĕлĕн тухăçлăхĕн хаклавĕ» сасăлава хута янă. Пуш уйăхĕн 21-мĕшĕнчи ир тĕлне интернет-сасăлава 60 ытла çын хутшăнма ĕлкĕрнĕ.

«Çавал» фольклор ушкăнĕн хаваслă юрри-кĕвви, чăваш кĕпи тата... монтажник каски /вăл хĕрсен илемне пачах та пăсмасть иккен/ тăхăннă пикесем - кунашкаллине режимлă объектра, электростанцире, куллен кураймăн. Сăлтавĕ те пур çав: Çĕнĕ Шупашкарти 3-мĕш ТЭЦра кĕçнерни кун 80 МВт хăватлă çĕнĕ турбоагрегата хута ячĕç. Юлашки теçетке çурă çул хушшинче республикăри пĕр энергообъектра та çакăн пекки пулман - кунпа шайлашуллă пысăк проектсене ас тумастăп.

Экватор хыçа юлчĕ

Чăваш Енри кайăксемпе туллин паллаштаракан кĕнеке пур-и? Хамăр тăрăхри çунатлă туссем пирки питĕ пĕлес килет. Анчах кăмăла тивĕçтерекен материал тупаймастăп.

С.АНИСИМОВ.

Элĕк районĕ.

Нумаях пулмасть "Чăваш Республикинчи кайăксем. 1 том" монографи кун çути курчĕ. Шел те, кĕнеке хальхи вăхăтра çак темăна çутатакан пĕрремĕш тата пĕртен пĕр ăслăлăх кăларăмĕ шутланать.

Раççейри пĕр информагентство Шупашкар телейлĕ хуласен шутне кĕнине пĕлтерчĕ. Мĕне тĕпе хурса çакăн пек пĕтĕмлетÿ тунă?

М.СЕМЕНОВ.

Канаш районĕ.

Чăваш Енре иртекен Культура çулталăкĕн "арчине" Тăван çĕр-шывăмăрти культурăпа çыхăннă кашни организаци хăйĕн "ахах-мерченне" хума тăрăшать.

Кăçалтан ЧР Культура министерстви туризм ыйтăвĕпе те ĕçлеме пуçларĕ. Халĕччен çак отрасльшăн Физкультурăпа спорт министерстви яваплăччĕ. Вăл тинех тивĕçлĕ хуçине тупрĕ тенĕ пулăттăм. Çапла шухăшлама мĕн хистет-ха? Туризмпа культурăра пĕр пеклĕхсем чылай, çавăнпа та вĕсене пĕр «тĕвве» пухни лару-тăрăва лайăхлатма пулăшасса шанас килет. Тата ку ĕçшĕн министерствăра унчченхи пек пĕр çын çеç мар, тăваттăн яваплă.

Муркаш районĕнчи Сосновка ял библиотекине пырса кĕрсен тĕлĕнмелле лăпкăлăх та хăтлăх хуçаланнине туйса илетĕн. Вулавăш ĕçченĕн тивĕçĕ - çынсене кĕнекепе тивĕçтерни çеç мар, библиотека пирĕншĕн - чăннипех культура центрĕ. Акă паянхи пурнăçа сăнлакан кĕнеке куравĕсем вăхăт иртнĕ май улшăнсах тăраççĕ.