Республикăра пурăнакансен 32% - чăвашсем мар, ытти халăх çыннисем. Çак лару-тăрура чăвашсемшĕн кăтартуллă çураçулăх пĕлтерĕшĕ пысăк. Ăна «толерантлăх» теççĕ, çак пахалăх пирĕншĕн хайхи ăнлав Раççейре çураличчен чылай маларахах кăтартуллă пулнă. Çапах сисчĕвлентерекен уйрăм самантсем çук тееймĕн.
Муркаш районĕнчи Шомикри психоневрологи интерначĕн директорĕ Сергей Вачаев пĕлтĕрхи çу уйăхĕнче учреждени кассине хăйĕн кĕсйипе арпаштарнăшăн суд умне тăнăччĕ. Ĕç-пуç вĕçленмен иккен, унăн каллех приговор итлеме тивет-тĕр.
Следстви комитечĕн Етĕрнери пайĕ интернат экс-директорĕ тĕлĕшпе тата 11 уголовлă ĕç пуçарнă. Ăна служба вырăнĕпе усă курса улталанă тесе шанмаççĕ.
Чăваш патшалăх академи драма театрĕ çĕнĕ сезона уçнă май, юпа уйăхĕн 17-мĕшĕнче, «Сутăн илнĕ чыс» драмăпа савăнтарчĕ. Пьеса авторĕпе Анатолий Хмытпа «ЧХ» вулаканне çийĕнчех паллаштартăмăр, ăнăçлă ĕçшĕн унпа пĕрле савăнтăмăр.
Чăвашла верси
Русская версия
