Archive - 12 Раштав, 2014 - Хыпар

PDF-версия

«Капкăн» журналăн кăçалхи 23-мĕш номерĕ кун çути курчĕ. Вăл Сергей Мягковăн «Хаксем ÿсеççĕ» ÿкерчĕкĕпе уçăлать. Иккĕмĕш страницăра "Усалтан тар, ырă патне пыр" корреспонденци тата «Кунашкаллине астивменччĕ-ха...» ÿкерчĕк вырнаçтарнă.

Ялти лавккара каштан мăйăрĕ сутрĕç. Кăмăла кайрĕ. Çимĕçне питĕ усăллă теççĕ. Калăр-ха, тархасшăн, пирĕн тăрăхра ÿстерме пулать-и ăна?

Владимир Волков. Елчĕк районĕ, Аслă Шăхаль.

Хисеплĕ Владимир Мефодьевич, каштан пирĕн тăрăхра та ÿсет. Çÿллĕ те капмар çитĕнекенскер, çеçкере ларнă вăхăтра таврана калама çук ырă шăршă сарать. Çеçки мĕне тăрать! Тĕлĕнтермĕш йывăçа мĕнле лартса ÿстермелли çинчен каласа пама ЧР Çутçанталăк министерствин специалисчĕ Галина Кузнецова килĕшрĕ:

Пĕлĕшĕмпе вешенка кăмпа ÿстерсе пăхасшăн. Мĕнле пуçламалла-ши.

Петр ТРИФОНОВ.

Куславкка.

Килти хуçалăхра вешенка кăмпа çитĕнтерме кăткăс мар. .ркенмесен, кам çак ĕçпе тимлеме пуçлать, лайăх тухăç илме пултарать. Çакăн валли пĕр-пĕр таса пÿлĕм, пахалăхлă мицелий /кăмпа вăрлăхĕ/, кăмпа çитĕнтермелли материал - субстрат - кирлĕ.

1. Кунне çур сехет физкультура тума вăхăт уйăрăр. Ăна икке пайлама юрать. 15 минут ирхине, 15 минут кун каçиччен. Каçа та хăварма юрать. Тĕрлĕ хускану усăллă. Ташă е теннис, чупни е хăвăрт утни - пурпĕрех. Пĕлтерĕшли - хусканусем кăмăла çĕклеччĕр, кунсеренех пулччăр, кĕлеткен тĕрлĕ пайĕсене хускатчăр.

2. Шыв çителĕклĕ ĕçĕр. Çакăн пирки яланах калаççĕ пулсан та хăшĕ-пĕри шыв питĕ сахал ĕçет. Шыв - вăй-хал хушать, сиенлĕ япаласене организмран кăларать, юна шĕветет, ÿте якатать.

Пирĕн организмăн пысăк пайĕ - шыв. Шыв çителĕклĕ пулсан ăш-чикри органсем йĕркеллĕ ĕçлеççĕ.