Archive - 7 Çу, 2014 - Хыпар

7 Çу, 2014

Пилĕк авмасăр тырă акăнмасть

Çĕрпÿ районĕнчи 4 хуçалăх çурхи культурăсене çу уйăхĕн 5-мĕшĕ тĕлне акса пĕтернĕ, виççĕшĕ плана тултарнă. Çав вăхăтрах «Руно» ООО - 20 /10,1%/, «Память Ульянова» ЯХПК - 151 /16,3%/, Валентина Егорова хресчен-фермер хуçалăхĕ 20 гектар /14,8%/ çеç тырă акнă.

7 Çу, 2014

Тăпăлнă калчана чĕртеймĕн

Шкулта вĕреннĕ çулсенче хамăра "çĕнĕ пурнăç калчисем" тесе каланине тăтăшах илтме тÿр килетчĕ. Этеме ÿсен-тăранпа танлаштарни ăнăçлах та мар-и тен, çапах ку сăмах çаврăнăшĕ чĕрене темĕнле ырă варкăшпа витеретчĕ. Пурнăç малашне тата илемлĕрех, тĕнче çутăрах, çынсем ырăрах пулассăн туйăнатчĕ-ши? Çитĕнтĕмĕр. Самани ача чухнехинчен чăнах та урăхларах. Шел, "калчисем" те... Хамăра ăс-тăн панă аслă ăру шанăçне тÿрре кăларайрăмăр-и? Сочиненисенче шăрçаланă шухăшсен ытларах пайне пурнăçа кĕртеймерĕмĕр вĕт.

7 Çу, 2014

«Аслă ăруран тĕслĕх илĕр...»

Аслă Çĕнтерĕвĕн 69 çулхи кунĕ тĕлне пирĕн республикăра вун-вун мероприяти иртет. Вĕренÿ учрежденийĕсем те вĕсене хастар хутшăнаççĕ. ЧР Вĕренÿ тата çамрăксен политикин министерстви çамрăк авторсен патриот темипе çырнă сăввисен «Çĕр çинчи тăнăç пурнăçшăн» конкурсне пиллĕкмĕш хут йĕркеленĕ.

7 Çу, 2014

Институтри тĕл пулу

Чăваш патшалăх культурăпа искусство институчĕн Культура çулталăкĕнчи мероприятийĕсенчен пĕри унта вĕренекен студентсемшĕн çеç мар, театрсенче ĕçлекен актерсемшĕн те нумайлăха асра юлĕ. Сăмах çак кунсенче вырăс классика поэзийĕпе прозине вулаканĕпе, ÿнер сăмахĕн актерĕпе Рустем Галичпа ирттернĕ тĕл пулу пирки.

7 Çу, 2014

Халăх писателĕн юлашки романĕ

Чăваш кĕнеке издательствин Культура çулталăкĕнчи илемлĕ литература ассортименчĕ тата тепĕр кăларăмпа пуянланчĕ. Чăваш халăх писателĕн Лаврентий Таллеровăн /1929-2013/ «Ыр-хаяр» романĕ кун çути курчĕ.

7 Çу, 2014

Вулавăшра - паттăрлăх урокĕ

Ака уйăхĕн 30-мĕшĕнче Наци библиотекинче «Ачалăхăн йÿçĕ ас тăвăмĕ: вăрçă ачисем аса илеççĕ» паттăрлăх урокĕ иртнĕ. Çак куна ахальтен суйласа илмен, шăпах 1945 çулхи ака уйăхĕн 30-мĕшĕнче, Мускав вăхăчĕпе 22.40 сехетре, рейхстаг çийĕн Хĕрлĕ ялав вĕлкĕшме пуçланă.

7 Çу, 2014

Фестивальсен фестивалĕ

Ачасен пултарулăхĕн марафонĕ - Культура çулталăкĕнчи пĕлтерĕшлĕ проект. Вăл темиçе фестивальпе конкурса - ÿнер пултарулăхĕн «Черчен чечексем», юрлас ăсталăхăн «Уçă саслă ачалăх», хореографи коллективĕсен «Сывă-и, тĕнче!», чăваш тĕррин «Çĕр пин тĕрĕ çĕр-шывĕнче», чăваш фольклорĕн «Пĕчĕк çеç путене» - пĕрлештерет.

7 Çу, 2014

Çитĕнекен ăрăвăн хастарлăхĕ

Культура çулталăкĕ вăй илсе пырать. Республикăн культурăпа кану учрежденийĕсенче, вĕренÿ заведенийĕсенче вун-вун мероприяти иртет. Çав шутра - ятарлă фестивальсем, конкурссем, премьерăсем, концертсем. Вĕсене ачасене, çамрăксене ытларах явăçтарма тăрăшнине ырламалла, çитĕнекен ăрура культура никĕсне «хывса» хăвармалла. Çапла тума тăрăшаççĕ те.

7 Çу, 2014

Юрă-ташăра та, кĕрешÿре те ăста

Н.Петрова Уçырма вăтам шкулĕн пĕрремĕш класне çÿреме пуçласанах вĕрентекен пулас ĕмĕтпе авăрланнă. Татьяна Моисеевна Кузнецова мĕнле калаçни, вулани, хăйне тыткалани пĕчĕк Наташăна çав тери килĕшнĕ, хăйĕн те ун пекех пултаруллă пулас, уроксене интереслĕ ирттерес килнĕ. Ÿсерехпе çутă ĕмĕт çирĕпленсе, вăй илсе пынă.

Pages