Archive - 24 Çĕртме, 2014 - Хыпар

24 Çĕртме, 2014

Туссене çирĕм иккĕмĕш хут пухрĕ

Юрă-ташă уявĕ, пурте кĕтнĕ уяв - Пĕтĕм Раççейри халăх пултарулăхĕн «Раççей çăл куçĕсем» фестивалĕ - туссене 22-мĕш хут пухрĕ. Çĕртме уйăхĕн 23-мĕшĕнче Шупашкарти Хĕрлĕ тÿремре халăх пултарулăхĕн уявне савăнăçлă лару-тăрура уçрĕç.

24 Çĕртме, 2014

Пысăк тухăçлă ĕçе вырнаçма професси хатĕрленĕвĕ çÿллĕ шайра пулмалла

Рынокри лару-тăрупа паянхи кăларăмра Чăваш Ен Халăха ĕçпе тивĕçтерекен патшалăх службин ертÿçи Сергей Петрович Димитриев паллаштарать.

24 Çĕртме, 2014

Çтерлĕк ытларах ĕрчĕ

Нумаях пулмасть Куйбышев шыв управне, Шупашкар ГЭСĕн хыçне, 14 пин çтерлĕк лăкки янă. ЧР чĕр чун тĕнчин объекчĕсемпе вăл пурăнакан вырăнсене сыхлакан, тĕрĕслекен тата унпа усă курассине йĕркелекен патшалăх службин пай ертÿçи Владимир Шабалкин вĕсем çитĕнсе промышленноç меслечĕпе тата харпăр хăй валли пулă тытакансене савăнтарасса шанать. Вăл кăмăса ăшăхлăха чăмтарнине çирĕплетрĕ.

24 Çĕртме, 2014

ЧНК: Устав çĕнелчĕ, ĕç-хĕл карти аслăланчĕ

Республика кунне уявлама тĕрлĕ регионтан йăхташсем килсе çитрĕç. Çак пулăмпа усă курса Чăваш наци конгресĕ Мăн Канаш ларăвне ирттерчĕ.

24 Çĕртме, 2014

Китайпа алла-аллăн

Чăваш Ен Пуçлăхĕ Михаил Игнатьев ĕнер Самарта федерацин Атăлçи округĕнчи тата Китай Халăх Республикинчи Янцзы шывĕн Тури тата Вăтам юхăмĕнчи регионсен ертÿçисен «çавра сĕтелĕн» виççĕмĕш ларăвне хутшăннă.

24 Çĕртме, 2014

Хăнасене ăшшăн кĕтсе илчĕç

I Пĕтĕм чăваш экономика форумне хутшăнма Шупашкарта пуçтарăннисем çĕртме уйăхĕн 22-мĕшĕнче акционерсен "Шупашкарти сăра вĕретекен "Чăваш Ен букечĕ" фирма" уçă обществине çитрĕç.

24 Çĕртме, 2014

Тĕп вырăнта - çивĕч ыйтусем

Çĕртме уйăхĕн 23-мĕшĕнче ЧР премьер-министрĕ Иван Моторин ертсе пынипе республика Правительствин членĕсемпе, федераци ведомствисен территори органĕсен тата муниципалитетсен ертÿçисемпе канашлу иртнĕ.

24 Çĕртме, 2014

Строительство комплексĕн ĕçне лайăх хак панă

Çĕртме уйăхĕн 20-мĕшĕнче Мускавра Чăваш Ен Пуçлăхĕ Михаил Игнатьев РФ строительство, пурăнмалли çурт-йĕрпе коммуналлă хуçалăх министрĕпе Михаил Меньпе тĕл пулнă.

Михаил Игнатьев Михаил Мене Чăваш Енри строительство комплексĕ 5 уйăхра мĕнле ĕçлени çинчен каласа кăтартнă. Республика çĕр-шывăн пирвайхи регионĕсен хушшинче «Раççей çемйи валли пурăнмалли çурт-йĕр» патшалăх программине хутшăннă. Çак программăна пурнăçласа республикăра 2017 çулччен 210 пин тăваткал метр эконом-класс йышши пурăнмалли çурт-йĕр тăвĕç.

24 Çĕртме, 2014

Çыхăнусем вăй илччĕр

Çĕртме уйăхĕн 20-мĕшĕнче Чăваш Ен Пуçлăхĕ Михаил Игнатьев Мускавра РФ субъекчĕсен пуçлăхĕсен Раççей Ют çĕр-шывсен ĕçĕсен министерстви çумĕнчи канашĕн XXIII ларăвне хутшăннă. Унта пăхса тухнă тĕп ыйту - НППП анлăшĕнчи интеграци процесĕсене аталантарас енĕпе регионсем килĕштерсе ĕçлессин пĕлтерĕшĕ.