Archive - Пуш 2015 - Хыпар

Тăван кĕтес кашниншĕнех хаклă. Элĕк районĕнчи Вырăс Сурăм вулавăшĕнче ĕçлекен Надежда Волкова хăй пурăнакан Анаткас Сурăм ял историйĕ пирки сехечĕ-сехечĕпе каласа пама пултарать.

- Ваттисем каланă тăрăх, Анаткас Сурăм XVII ĕмĕр пуçламăшĕнче пуçланса кайнă. Ял Сурăм вăрман хĕрринчи пысăк лупашкаллă вырăнта никĕсленме тытăннă. Анчах та ял çыннисене вăрă-хурахсем канăç паман, Чумак йăхĕ уйрăмах халăха пусмăрлама тăрăшнă, - каласа парать Надежда Волкова. - Çавăнпа та çынсем сăртлă вырăна куçнă.

Акуç аппа 80 çул тултарать. Çамрăкрах чухне тĕлĕнетчĕ чылай çул пурăнакан çынсенчен. «Асапне те курман-тăр, чир-чĕр мĕн иккенне те пĕлмен-тĕр вĕсем», - тетчĕ. Халĕ хăй çак çула çитсен каялла çаврăнса пăхрĕ те – тĕлĕнчĕ. Хуйхи-суйхи çынсенчен те нумайрах пулнă пуль. Чир-чĕр пирки, чăнах та, аплах калаймăн.

«Хыпарăн» мартăн 6-мĕшĕнчи номерĕнче Владимир Мутиков профессорăн «Биологи меслечĕн пĕлтерĕшĕ пысăк» статья пичетленнĕ. Унпа тĕплĕн паллашрăм. Владимир Михайловича лайăх пĕлетĕп. Вăл пире вĕрентнĕ. Шухăшĕпе йăлтах килĕшетĕп.

Çулсем иртеççĕ - асаилÿсем нумайланса-тарăнланса пыраççĕ. Канаш районĕнчи Сиккассинчи эпир вĕреннĕ шкул та мартăн 28-мĕшĕнче 170 çул тултарать.

Ăна Козьмодемьянски чиркĕвĕ çумĕнче пĕр класлă çуртра уçнă. Унта 32 ача вĕреннĕ, 1 учитель ĕçленĕ. Каярахпа шкул 5 çурт таран пысăкланнă, вĕсенче 13 класс вырнаçса вĕренме пуçланă. Шкул çурчĕсем пĕр-пĕринчен уйрăмшарăн пысăк ункă пек вырнаçнă. Йĕри-тавра чупма, физкультура урокĕсем ирттерме самаях пысăк вырăн пурччĕ.

Афганистанран совет салтакĕсене илсе тухнăранпа чĕрĕк ĕмĕр те иртсе кайрĕ. Сахал мар вăхăт. Унта пулнисен ÿт суранĕсем тахçанах пĕрченĕ пулин те чун ыратăвĕ çаплах хăй çинчен аса илтерсе тăрать. Çак вăрçа Тăвай тăрăхĕнчен 157 çамрăк хутшăннă.

Чăваш кĕнеке издательствине вулакансем тăтăшах çыраççĕ çырусем, сĕнÿсем параççĕ. Кĕнеке кăлараканпа вулакан хушшинчи çыхăну коллектива çăмăл мар ĕçре хавхалантарса, вăй-хал парса пырать.

Март вĕçĕнче сиплев валли пирченĕ, анчах уçăлма ĕлкĕреймен хурăн папкине пухаççĕ. Чĕртавара лайăх уçăлтаракан хуралтăра е ятарлă сушилкăра 30 градус ăшăра типĕтмелле. Пир хутаçа тултарса икĕ çул таран упрама юрать.

Халăх медицининче хурăн папкинчен хатĕрленĕ препаратсемпе манкана çемçетсе кăларма, шăк, сехре хăвалама усă кураççĕ. Вĕсем тата шыççа, бактерисене хирĕçле, хутлатнине ирттерекен витĕмпе палăрса тăраççĕ.

Март вĕçĕнче сиплев валли пирченĕ, анчах уçăлма ĕлкĕреймен хурăн папкине пухаççĕ. Чĕртавара лайăх уçăлтаракан хуралтăра е ятарлă сушилкăра 30 градус ăшăра типĕтмелле. Пир хутаçа тултарса икĕ çул таран упрама юрать.

Халăх медицининче хурăн папкинчен хатĕрленĕ препаратсемпе манкана çемçетсе кăларма, шăк, сехре хăвалама усă кураççĕ. Вĕсем тата шыççа, бактерисене хирĕçле, хутлатнине ирттерекен витĕмпе палăрса тăраççĕ.