Archive - Ака 2015 - Хыпар
- Date
- Type
апреля 30th
Хресченĕн чун-чĕрин тĕнĕлне хавшатмалла мар!
1951 çулхи июлĕн 25-мĕшĕнче Вăрнар районĕнчи Хурăнсур Çармăс ялĕнче çуралнă. Шкулта сакăр класс пĕтернĕ хыççăн Казахстанра водителе вĕреннĕ. Таврăнсан Совет çарне кайнă - салтак тивĕçне Германире пурнăçланă. 1975 çулта çемье çавăрнă хыççăн Коми республикинче икĕ çул пурăннă. Ватлăх кунĕсенче амăшне йывăр пулать тесе яла таврăннă, экспедиторта, ÇСМ /çунтармалли-сĕрмелли материалсем/ заведующийĕнче, ферма заведующийĕнче, ял Канашĕн председателĕнче, ПСО пуçлăхĕнче, 1993 çулта "Янгорчино" колхоз пайлансан "Хорнзор" хуçалăхăн тĕп инженерĕнче вунпĕр çул ĕçленĕ. Вăрнарти совхоз-техникумра заочно вĕреннĕ, агроном специальноçне илнĕ.
Телейлĕ çăлтăр айĕнче çуралнă художник
Чăваш патшалăх ÿнер музейĕнче Анатолий Рыбкин художникăн ĕçĕсен "Манăн ватă ырă çуртăм" куравĕ ĕçлет.
Анатолий Петровича чикĕ леш енче те аван пĕлеççĕ. Хăй вăл Питĕрте пурăнать. Тăван Чăваш Ене, хăйне кун çути кăтартнă тăрăха - Сĕнтĕрвăрри районĕнчи Ваçликассине - час-часах килсе çÿрет. Живописец, Раççей ÿнер академийĕн член-корреспонденчĕ, РФ тава тивĕçлĕ художникĕ, Чăваш халăх художникĕ пире тăваттăмĕш хут хăйĕн куравĕпе савăнтарать. Унăн пултарулăхне çывăх пĕлекенсем ăстан хăйне евĕр уйрăмлăхĕсене тата произведенийĕсен шухăш тарăнăшне палăртаççĕ.
Пахалăха кура тÿлеççĕ-и?
«Хыпарăн» апрель уйăхĕн 17-мĕшĕнчи номерĕнче Хĕрлĕ Чутай районĕнчи Хусанушкăнь ял тăрăхĕн депутачĕн Иван Никифоровăн çырăвĕ пичетленчĕ. Вăл килти хуçалăхсенчен пухакан сĕт хакĕ кăçалхи виçĕ уйăхра пĕлтĕрхи çав хушăринчен темиçе тенкĕ йÿнĕрех пулнăшăн тарăхать. Ăна Хĕрлĕ Чутай районĕнче çеç мар, республикипех чакарчĕç. Мĕншĕн? Ялхуçалăх министерстви «Хыпарта» е телекурав-радио урлă халăха ăнлантарса парсан лайăхчĕ.
Çуллен йывăç лартатпăр пулсан та
Вăрнар районĕнчи Ершепуç ял тăрăхĕнчи Хураçырма пуçне 5 çул каялла ешĕллентерме тытăнтăмăр. Çуллен темиçе çĕр хунав лартрăмăр. Халĕ унта икĕ пине яхăн йывăç çитĕнет. Тÿлевсĕр ĕçе вăйпитти çынсем мар, пенсионерсем хутшăнчĕç. Кăçалхи апрельте 200 ытла тĕпе тăпрана варăнтартăм. Тавралăха симĕслентерекенсене ял тăрăхĕн пуçлăхĕ Евгений Музяков хавхалантарать, пулăшать. Çырана тымарлантарма чылайăшĕ хутшăнмасть, килти выльăха ирĕке ярать. Вăл çамрăк хунавсене пĕтерет.
Улма пахчи тимлĕх кĕтет
Çуркунне çĕр ĕçĕпе, сад-пахчапа çыхăннă ыйтусемпе килекен çыру, шăнкăрав самаях йышланчĕ. Сад-пахчари хальхи ĕçсем çинчен ученăй-агроном, дендролог, Раççей Сад ăстисен союзĕн Чăваш уйрăмĕн наука канашĕн членĕ Владимир Алексеевич Богатовпа калаçрăмăр. Калаçăва пăшăрхантаракан темăран пуçларĕ пахчаçă:
Уйрăм çын шăпи те, халăх историйĕ те
"Тăван Атăл" журнал, 4 №, 2015 çул.
апреля 29th
«Самантăн» 4-мĕш номерĕ кун çути курчĕ.
Шаннă йăвара кайăк пулĕ-ши?
Патăрьел районĕнчи Турханта пурăнакан Эльвира Бузакина пĕчченех пилĕк ача çитĕнтерет, çав шутра виççĕшĕ - çула çитменскерсем. Тăрăшуллăскер малтанах колхозра поварта, çĕвĕçре, уборщицăра ĕçленĕ. Халĕ вара ял халăхне хаçат-журналпа тивĕçтерет. «Хамăн ĕçе питĕ юрататăп, - терĕ вăл кăмăллăн. - Ара, мана чÿречерен пăхса кĕтсе илеççĕ-çке. Эппин, эпĕ кама та пулин кирлех».