Archive - Утă 2015 - Хыпар

июля 24th

24 Утă, 2015

Студентсен отрячĕсенче ‐ чи хастаррисем, ÿркенменнисем

"Чăваш Республики студентсен ĕç отрячĕсен юхăмне аталантарас енĕпе малти вырăнсенчен пĕрне йышăнать, уйрăмах вожатăйсем нумай.

24 Утă, 2015

Ял пурнăçне килĕштернĕрен...

Элĕк районĕнчи Ехремкассинче çуралса ÿснĕ Олег Михайлов ял пурнăçне питĕ килĕштерет: "Ялта питĕ лайăх, сывлăш мĕн тери уçă! Уй-хире каятăп-и е вăрмана кĕрсе тухатăп-и, е тата урăх çĕре васкатăп-и - йĕри-тавра куç тулли илем! Вĕçен кайăксен юрри чуна çĕклентерет.

24 Утă, 2015

Патшалăх пулăшăвĕпе çурт хăпартасчĕ!

Пирĕн республикăра çамрăксене тĕрлĕ енлĕн пулăшма тăрăшаççĕ, çав шутрах - пурăнмалли çурт-йĕр условийĕсене лайăхлатма та. Хваттер туянма е çурт хăпартма субсидие тивĕçес тесен вĕсен вырăнти хăйтытăмлăх органĕсенче черетре тăмалла.

24 Утă, 2015

«Мана ан кĕт. Манăн урăххи пур»

Аслатипе çиçĕмрен мĕн пĕ­чĕк­­рен хăраттăм. Тÿпене хура пĕлĕтсем хупăрласа илсен, таçтан аякран кĕмсĕртетни илтĕнме тытăнсан шикленнипе вырăн çине кĕрсе выртаттăм, пуçа утиялпа хуплаттăм.

24 Утă, 2015

Кулак хĕрĕ

Пăрчăканпа танлаштарас килет ăна. Çулĕсемпе ватлăхалла кармашнă пулин те яланах вăр-вар, йăпăр-йăпăр çÿрет вăл. Кунĕпех килти хушма хуçалăхра кăштăртатать. Ирĕклĕрех вăхăт тупăнсан - тÿрех хаçат-журнал, кĕнеке вулама пикенет, сăмахкаçмăш тупсăмĕсене тупать.

24 Утă, 2015

Пĕтнĕк - хĕрарăмăн, хĕрлĕхен курăкĕ - арçыннăн...

Çулла - çырла, курăк, чечек, пахчаçимĕç вăхăчĕ. Анчах сиплĕ курăка та пĕлсе тата хăйĕн вăхăтĕнче пухмалла. Унсăрăн курăк сыватма кăна мар, чире яма та пултарать-мĕн...

июля 23rd

23 Утă, 2015

Кавăн евĕр пахчаçимĕç

Кабачокпа патиссон. Вĕсем кавăн шутне кĕреççĕ, анчах уйрăмлăх та пур. Çимĕçĕсене çамрăклах татса апат-çимĕç хатĕрлеме усă кураççĕ. Кабачокăн çимĕçĕ цилиндр евĕр пулать. Унăн тĕввисем тытăнсан 7-12 кунранах, вăррисем пулма пуçличчен, ăшаласа çиеççĕ, пăшăхлаççĕ, хĕле валли кабачок вăлчи хатĕрлеççĕ, маринадлаççĕ. Патиссон çимĕçĕ лаптак. Ăна тата та иртерех, 3-5 кунранах, татса маринадлаççĕ, ăшалаççĕ.

23 Утă, 2015

Пĕлме интереслĕ

  • Пирĕн ÿт-пÿ атомсенчен тăрать. Çав атомсем çăлтăрсем пулса кайнă тапхăрти евĕрлех.
  • Нейтрон çăлтăрĕн тĕввине /ядро/ апат кашăкĕ чухлĕ илсессĕн унăн йывăрăшĕ 90 миллиард фунт /43 миллиард кг/ тайнă пулĕччĕ.
  • Хĕвел системине пĕчĕклетсе Çĕре пăрçа пысăкăш хăварас-тăк Юпитер пăрçа-Çĕртен 300 метрта вырнаçĕччĕ, Плутон вара Çĕртен - 2,5 çухрăмра, унăн калăпăшĕ бактери пысăкăш юлĕччĕ. Пире чи çывăх çăлтăр Проксима Центавра Çĕртен 16000 çухрăм аякра пулĕччĕ.

Pages