Archive - Çурла 2015 - Хыпар

август 25th

25 Çурла, 2015

Профессие те суйлама пĕлмелле

«Ачасемпе çамрăксен професси суйлавĕ - Чăваш Республикинчи патшалăх политикин приоритечĕ» шăпах çак темăпа иртрĕ кăçал республикăри вĕрентÿ ĕçченĕсен август уйăхĕнчи канашлăвĕ. Унта педагогсемпе пĕрлех влаç тата вырăнти хăйтытăмлăх органĕсен, вĕрентÿ организацийĕсемпе общество пĕрлешĕвĕсен представителĕсем, ĕç паракансемпе ветерансем хутшăнчĕç.

25 Çурла, 2015

Етĕрнесем, эсир ĕçре те маттур, канура та сатур

Çакăн пек пĕтĕмĕшле ят парас килчĕ Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев Етĕрне хулипе районĕн ĕç-хĕлĕпе паллашни, çыннисемпе курнăçни, вĕсен хастарлăхне хак пани çинчен хатĕрленĕ репортажа. Ахальтен çирĕпленмерĕ çак шухăш.

25 Çурла, 2015

Çивĕч ыйтусене пĕрле татса памалла

Правительство çуртĕнче çул çитменнисемпе ĕçлекен тата вĕсен прависене хÿтĕлекен комисси ларăвĕ иртрĕ. Профилактика ĕçĕшĕн яваплă органсем çул çитменнисен хушшинче çапкаланчăклăха, йĕркене пăснине пĕтерессипе çыхăннă ыйтусене пăхса тухрĕç. Çавăн пекех Чăваш Енри вĕренÿ учрежденийĕсене терроризмран, криминаллă ĕç-хĕлтен, ачасен сывлăхне сиен кÿрекен информацирен сыхлассине, ача усрама илекен çемьесен институтне вăйлатассине сÿтсе яврĕç.

Ларăва ЧР Сывлăх сыхлавĕн, Вĕрентÿ, Культура министерствисен, ШĔМ ытти тытăм представителĕсем, хутшăнчĕç.

25 Çурла, 2015

Усала тымар яма чăрмантар

Вăрттăнлăх мар ĕнтĕ - юлашки çулсенче наркомани этемлĕхшĕн чăн-чăн инкек пулса тăчĕ. Çак усал кашни çыннах пырса тивме, пысăк сăтăр тума пултарать. Телее, Чăваш Енре наркоманипе çыхăннă лару-тăру çивĕчлĕхĕ палăрмасть-ха. «Республикăра наркоманипе çыхăннă лару-тăрăва сăнасах тăратпăр. Пирĕн паянхи тĕллев - çак усала тарăн тымар яма чăрмантарасси», - терĕ ЧР Пуçлăхĕн тивĕçĕсене вăхăтлăх пурнăçлакан Михаил Игнатьев Чăваш Республикинчи наркотиксене хирĕç кĕрешекен комисси ларăвне уçнă май.

25 Çурла, 2015

Ветеринарсем хăйсен ĕçне пурнăçлаççĕ

Элĕк районĕнчи чĕрчун чирĕсемпе кĕрешекен станци коллективĕ килти хуçалăхсенчен пухакан сĕт пахалăхне тĕрĕслессишĕн нумай ĕç тăвать.

25 Çурла, 2015

Шыв çинчи уяв

«Шăратаççĕ çепĕç юрăсем, кимĕ çинчи хитре хĕрĕсем»

/Юрăран/

Ял уявĕсене ирттересси - ырă йăлара. Шупашкар районĕнчи Вăрман-Çĕктер ял тăрăхĕнчи Атăл<ялта вăл илемлĕ вырăнта - пĕве хĕрринче - пуçланчĕ.

25 Çурла, 2015

Чăваш ÿнерĕн мухтавĕ

Чăваш патшалăх ÿнер музейĕнче уçăлнă черетлĕ курав чăваш профессионал ÿнер искусствине йĕркелесе яраканĕсенчен пĕрин - Чăваш халăх художникĕн, РСФСР искусствăсен тава тивĕçлĕ деятелĕн Моисей Спиридоновăн - ячĕпе çыхăннă. Вăл çуралнăранпа августăн 24-мĕшĕнче 125 çул çитет.

25 Çурла, 2015

Раççейре чи ÿсĕррисем камсем?

Тухтăрсем эрех нумай ĕçекен профессисене палăртнă?

Мускаври медицинăпа стоматологи университечĕн клиника фармакологийĕн кафедрин ертÿçи Аркадий Верткин алкогольпе хăш отрасль ĕçченĕсем ытларах туслашни çинчен каласа кăтартнă. Унăн шухăшĕпе - шыв тата автотранспорт водителĕсем тăтăшрах ĕçеççĕ. Симĕс çĕлен ытамне лекнĕ граждансен тепĕр ушкăнĕ - ача сачĕсен тата поликлиникăсен хуралçисем. Стационарта куллен ĕçлесе пуян опыт пухнă врач-клинист сăмахĕсене ĕненмесĕр тăма май çук.

25 Çурла, 2015

Уçă влаç ­‐ вăйлă республика

Правительствăпа республикăра пурăнакансен хушшинчи тухăçлă диалог Чăваш Енĕн патшалăх политикин никĕсĕ пулни паллă.

Общество кĕтнине тивĕçтересси, çынсен çивĕч ыйтăвĕсемпе пайăррăн ĕçлесси, вĕсен пурнăçĕнчи улшăнусемпе пĕрле улшăнса пырасси - регион Правительствин тĕп тĕллевĕсенчен пĕри. Çак шухăша Чăваш Республикин Пуçлăхĕн тивĕçĕсене вăхăтлăх пурнăçлакан Михаил Игнатьев палăртрĕ. Правительствăпа çынсен диалогĕ Чăваш Енĕн малашнехи аталанăвне пулăшасси çинчен Михаил Игнатьев пирĕн хаçата каласа пачĕ.

август 24th

24 Çурла, 2015

"Тăван Атăл" журнал, 8 №, 2015 çул.

КĂЛАРĂМРА:

ПРОЗА

Елена МУСТАЕВА. Уй варринче çинçе хăва. Повесть

Елизавета ОСИПОВА. Ăшă çумăр. Повесть

 

Çырăнтаракан йышне ÿстернĕшĕн – диплом

 

ПОЭЗИ

Pages