Archive - 28 Ака, 2017 - Хыпар

28 Ака, 2017

Каш кашлаччăр йăмрасем

Каçал тăрăхĕнчи Аслă Çĕрпÿел, Кĕçĕн Çĕрпÿел ялĕсенче хам пурнăçра темиçе хут та пулса курнă. Пĕр-пĕринчен шоссе çул çеç уйăрса тăрать вĕсене. Ютран килекенни кунта икĕ ял çума-çумăн ларнине тÿрех тавçăрса илеес те çук. Илемлĕ тăрăх! Тахçан ку енчисем йывăç-тĕм лартса ÿстерме ÿркенменни Аслă Çĕрпÿеле пырса кĕрсенех сисĕнет. Ял администрацине, больницăна илсе çитерекен çул хĕррипе — шурă хурăнсен аллейи. Унран инçех те мар — сип-симĕс хырлăх. Урам ик айккипе тĕрлĕ йывăç сарăлса ÿсет. Çырма-çатра, пĕве хĕррипе те çирĕк, йăмра-хăва туллиех. Улмуççи пахчинче кĕркунне панулми, чие-слива ăнса пулнине калаççĕ ял çыннисем. Асăннă парксемпе садсен хуçи — Кĕçĕн Çĕрпÿелте тĕпленнĕ Вениамин Северов.

Вениамин Васильевич Вăрнарти ял хуçалăх техникумĕнчен вĕренсе тухнă хыççăн тăван тăрăхах таврăннă. Çак специальноçа ахальтен суйласа илмен вăл. Ача чухнех ÿссен пысăк улмуççи сачĕ лартма ĕмĕтленнĕ-çке. Хăй ĕмĕрĕнче мĕн чухлĕ йывăç-тĕм çитĕнтермен-ши Вениамин Васильевич!? Килсерен мĕн чухлĕ улма йывăççи сыпса тутлă çимĕç парнелемен-ши ялта пурăнакансене? Кĕркунне йăтăнса пулакан кĕрпеклĕ те сĕтеклĕ панулмишĕн кашни килтех тав тăваççĕ ăна. Малалла вулас...

 

28 Ака, 2017

"Хыпар ", 61-62 (27176-27177) №, 28.04.2017

28 Ака, 2017

«Çиле хирĕç пулсан та малаллах утасчĕ»

Унăн пултарулăхĕнче тăван тăрăха, Тăван çĕршыва юратни, чăвашлăха упрасси, шкулпа ял пурнăçĕ, ача-пăча тĕнчи, çамрăклăхпа юрату, ĕненÿпе шанчăк, чун тасалăхĕпе кăмăл-туйăм тĕнчи тĕп вырăн йышăнаççĕ.

28 Ака, 2017

Аппăшĕ çук, пенси... пур

65 çулти çак хĕрарăм пĕр вăхăт икĕ пенси те илсе тăнă — хăйĕнне тата хурăнташ аппăшĕнне. Иккĕмĕш пенсишĕн халь суд умне тăма тивет. Следстви комитечĕн Шупашкарти Мускав районĕнчи пайĕ ун тĕлĕшпе ултавшăн пуçарнă уголовлă ĕçе тĕпчесе пĕтернĕ.

28 Ака, 2017

Чăнкăртатрĕç тенкĕсем, янăрарĕç сăвăсем

Патăрьел районĕнчи Нăрваш Шăхаль вăтам шкулне кун чухлĕ хăна пухăнни тахçанах пулманччĕ-тĕр. Пушшех те — Чăваш чĕлхин кунне çапла анлăн паллă туни. Ара, хальхинче районти кашни шкултан вĕрентекенсемпе вĕренекенсен ушкăнĕсем килсе çитрĕç-çке. Çанталăкĕ ăмăрччĕ пулин те ака уйăхĕн 24-мĕшĕ шкул историне чи ăшă кунсенчен пĕри пек кĕрсе юлĕ.

28 Ака, 2017

Ветерансем телеграмма яраççĕ

Тăван çĕршывăн Аслă вăрçине хутшăннă çынсемпе инваличĕсем çу уйăхĕн 10-мĕшĕччен Раççейĕн тĕрлĕ кĕтесне тата чикĕ леш енчи çывăхри çĕршывсене почта урлă тÿлевсĕрех телеграмма яма пултараççĕ.

Вăрçă вут-çулăмĕ витĕр тухнисемпе инваличĕсем çаптарма пултаракан телеграммăсен хисепне чикĕлемен. Çăмăллăха тивĕçмешкĕн Тăван çĕршывăн Аслă вăрçин ветеранĕ е инваличĕ пулнине çирĕплетекен документа кăтартмалла. Малалла вулас...

28 Ака, 2017

Чĕри ыратман хресчен пур-ши?

«АПК предприятийĕсемпе хресчен-фермер хуçалăхĕсем хире хăçан тухĕç-ши?» — тесе çур аки ертÿçĕсен куçĕнчен хăюллăн тинкерет пулин те, кашни ăна тĕрлĕрен кĕтсе илет.

«Кредит тÿлевĕн вăхăтне каяраха куçарсан аванччĕ те...»

28 Ака, 2017

Сĕнÿсене – «Халăх тĕрĕслевĕ» портала

Чăваш Республикинче пурăнакансем хăйсене хумхантаракан çивĕч ыйтусем пирки «Халăх тĕрĕслевĕ» информаци ресурсĕ урлă пĕлтерме пултараççĕ.

28 Ака, 2017

Хысна укçи пушшех шута юратать

«Регион тата муниципалитетсен шайĕнчи тĕрĕслевпе шутлав канашĕн тулашри патшалăх тĕрĕслевне пурнăçлассипе çыхăннă пĕлтерĕшĕ»... Теми кăткăс пулин те Правительство çуртĕнче ытларикун иртнĕ канашлушăн уяв сĕмĕ те кăтартуллă пулчĕ. Çапла пулмасăр! Канашлăва ЧР Тĕрĕслевпе шутлав палатине туса хунăранпа 20 çул çитнине халалланă-çке.

Pages