Archive - Утă 2018 - Чăваш хĕрарăмĕ

июля 16th

16 Утă, 2018

Тăван хулана юрататăр-и?

«Хăвăрпа пĕрле тĕкĕр чиксе тухма маннă-и? Апла тăк çул çине пăхăр!» — федераци шайĕнчи «Хăрушсăр тата пахалăхлă çулсем» программăпа килĕшÿллĕн Шупашкар урамĕсенче сарнă асфальта çапла мухтаççĕ хула çыннисем. Юлашки çулсенче ятарлă техника вĕçĕмсĕр ĕçленине хăнăхрăмăр ĕнтĕ. Йăлтах хамăр валли-çке. Пушшех те, яка та пахалăхлă çул хăрушсăрлăхпа тивĕçтерет. Çавăнпах çул хĕрринче вырнаçнă çуртсенчи хваттерсенче пурăнакансем те шăв-шава ăнланса йышăнаççĕ. Пĕлеççĕ: ку вăхăтлăх кăна. Çул вара — яланлăх.

16 Утă, 2018

Ватăлнă йăмрасем…

Вут-шанкă ыйтăвĕ çивĕч-ши ялта? Ĕлĕкхи мар çав пурнăç. Пÿрт-çурт хăтлă-и, хăтсăр-и — газпа ăшăнать. Вут татса-çурса тертленме те кирлĕ мар. Çурăм тăрăх шăпăр-шăпăр тар та юхмасть. Тепĕр тесен, вучах умĕнче те тăпăртатса вăхăт иртмест. «Сенкер çулăм» çинче туххăмрах вĕри апат пиçет, сĕтел тулли çимĕç пăсланать.

июля 7th

7 Утă, 2018

Пĕтĕмпех тĕл пулуран пуçланать…

Елчĕк районĕнчи Элпуçĕнче пурăнакан Раиса Михайловнăпа Николай Васильевич пĕрлешнĕренпе кăçал 55 çул çитнĕ.
— Пурнăçра савăнмалли те, кулянмалли те тупăнать. Çемьере те çаплах. Чашăк-тирĕк шăкăртатмасăр пулмасть тесе ахальтен каламан вĕт. Мухтаса та илетпĕр, вăрçăнмалли те тупăнать. Пĕр-пĕрне каçарма пĕлмелле. Хирĕç сăмах каличчен шухăшламалла, — тет Раиса Михайловна. Ватлăх çулĕнче хисеп туни хавхалантарнине палăртать.

7 Утă, 2018

Ачалăх…

Ăнăçсăр çемьере ÿсрĕ Вера. Ашшĕпе амăшĕ ĕçетчĕç те çапăçма тытăнатчĕç. Хирĕçсен-хирĕçсен чарăнатчĕç те тепре ÿсĕрĕличчен лăпланатчĕç. Ĕçкĕçсем теме те çукчĕ-ха вĕсем пирки. Уйăхра виçĕ-тăватă хутчен иртĕхетчĕç хаяррипе, тепĕр кун мухмăр чĕртетчĕç ĕнтĕ.

Pages