Archive - Юпа 2019 - Чăваш хĕрарăмĕ

юпа 28th

28 Юпа, 2019

Амазонкăсен çулне хĕвел çутатать

Республикăри илемпе мода фестивальне хутшăнакансем пурнăç уттипе тан пынине çирĕплетсех калама пулать. Çак конкурсра парикмахерсем, дизайнерсем, визажистсем, фотографсем хăйсен ăсталăхне кăтартрĕç. Профессионалсемпе вĕренекенсен пултарулăхне уйрăммăн хакларĕç.

28 Юпа, 2019

Купăспа юрласа кăмака хăпартрăмăр

Пĕччен ларнă май иртнĕ кунсем аса килеççĕ. Эпир иккĕмĕш мăшăрпа пĕр ялти, пĕр урамри юнашар çуртсенче выляса çитĕнтĕмĕр. Иксĕмĕр те çемье çавăртăмăр. Анчах телей нумая тăсăлмарĕ. Мăшăрсем пирĕнтен вăхăтсăр уйрăлса кайрĕç. Эпир, 4-шар ачапа юлнăскерсем, пĕрле пурăнма шухăшларăмăр. Ывăл-хĕре хамăрпа пĕрле ĕçлеме хăнăхтартăмăр, вăрман касма илсе кайрăмăр. Ара, икĕ пÿрте ăшăтмалла-çке. Газ кĕртсен пысăк кăмакана пăсса пĕчĕкреххине тăвас терĕмĕр. Упăшка хăех ĕçе пуçăнчĕ. Каннă вăхăтра вăл, эрех сыпкаланăскер, купăс каларĕ, эпĕ юрларăм.

28 Юпа, 2019

Хĕртен арăм — туххăмрах…

…Аннепе унăн арчинчи япаласене тĕрĕслетпĕр — чиперех упранаççĕ-и, кĕве таврашĕ тапăнман-и? Пир кĕпесем, саппунсем, тутăрсем… Сарлака хăю евĕр япала манăн куçа илĕртет. Чăваш тĕррипе капăрлатнă ăна, хĕрлĕ тĕслĕскерне. Ăна алла илмесĕр пултараймастăп. «Масмак ку, — эпĕ кăсăкланнине кура ăнлантарать çывăх çыннăм. — Ăна çамка çине вырнаçтарнă». Манăн та масмака хăйĕн вырăнне хурса пăхас килет. «Ан хăйнă пултăр!» — халĕ кăна шăкăл-шăкăл калаçакан анне пĕр кĕтмен çĕртен сассине хăпартнипе шартах сикетĕп. Мĕн пулнă?

юпа 21st

21 Юпа, 2019

Чăваш туйне Австралире те курнă

«Мир 24» телеканал «Вĕçĕ-хĕррисĕр юрату» кăларăмра Раççейри тата Еврази çĕршывĕсенчи тĕрлĕ халăхăн туй хăйне евĕрлĕхĕпе паллаштарать. Юпа уйăхĕн 12-мĕшĕнче сенкер экранпа чăваш туйне кăтартрĕç. Ăна утă уйăхĕн 26-28-мĕшĕсенче Шупашкар районĕнчи Котеркассинче ÿкернĕ.
Чăваш халăхĕ çинчен федераци каналĕпе каласа кăтартни, паллах, кăмăллă. Çав вăхăтрах ку кăларăм куракансене тивĕçтернĕ-и?

21 Юпа, 2019

Чăн-чăн чăваш хĕрарăмĕсем… республика тулашĕнче пурăнаççĕ

Ÿссе çитсен, кайăк чĕпписем пек, пурте атте-анне килĕнчен вĕçсе тухса каятпăр. Ачаран тĕвĕленнĕ пуçра çак шухăш. Анчах та манăн, ах, каяс килместчĕ хулана. Çук, çывăх çыннăмсен хÿттинче ăшă та хăтлă пулнипе кăна мар. Вулакан пуçне темĕн чухлĕ çĕмĕрсен те сăлтавне тупаяс çук, çавăнпа асаплантармасăр тÿрех калам — йăлтах… ĕнепе çыхăннă. Ара, хулари хваттерте усраймастăн вĕт-ха ăна. Сĕт-турăхне, чăн та, лавккара та туянма пулать-ха, апла тăк, ĕнине усрамасассăн та юрать. Анчах та ырри, ĕне ырри! Ăна лавккара сутмаççĕ. Эпĕ вара ăна вилсе каясла юрататăп.

21 Юпа, 2019

Пуриншĕн те — «хамăр ял»

Вăрманта тĕрлĕ йывăç ÿсет те — тĕчере вара мĕн тĕрлĕ кăна çын пурăнмасть! Хăшĕ-пĕри пур-çук йывăрлăха нăйкăшмасăр çĕнтереймест тĕк теприсем ураран ÿкермелли инкек-пăтăрмах çине-çине сиксе тухсан та пурнăçра савăнăç, хавхалану тупма пĕлеççĕ. Ку кăна-и, ыттисен кăмăлне çĕклеме те пултараççĕ вĕсем. Нумаях пулмасть шăп çавнашкал тĕлĕнмелле хĕрарăмпа, тапса тăракан хавас туйăмлăскерпе, паллашма тÿр килчĕ.

юпа 14th

14 Юпа, 2019

Спорт маншăн — пĕтĕм пурнăç

Инкек ăна ураран ÿкернĕ. Ăнсăртран ÿксе аманнăскерĕн çурăм шăмми хуçăлнă. 30 çулти çамрăк малашлăх пирки чылай шухăшланă, пăшăрханнă. Çапах пуç усман, малалла талпăннă. Унтанпа 20 çула яхăн иртнĕ ĕнтĕ.

Pages