Archive - Чÿк 2019 - Чăваш хĕрарăмĕ

ноябрь 11th

11 Чÿк, 2019

Ветерансем... ташлаççĕ

Фитнес-залра вырăс халăх илемлĕ кĕвви янăрать. Урай варринче тăракансем саркаланса ташша çапма тытăнассăнах туйăнать. Чăн та, питех те хастаррăн хускалаççĕ вĕсем. Анчах урăхла курăнать халăх ташши. Çĕнĕлле. Степ теççĕ ăна.

11 Чÿк, 2019

30 пин йывăç сыхласа хăварнă

Пĕлĕшĕмсем çĕнĕ хваттере куçма хатĕрленеççĕ. Эпир япаласем пуçтарма вĕсемпе пĕрлех картон курупкасем шыратпăр. Усă курнăскерсене тĕрлĕ тавар сутакан вырăнтан ахалех ыйтса илессĕн туйăнать. Çапах вĕсене пур лавккара та йăпăр-япăр парса ярасшăнах мар. Апла пулин те пирĕн тĕле ырă кăмăллă сутуçăсем лекрĕç: пĕр çыхă картон курупка тыттарчĕç. Эпир, ĕç ăннăшăн савăннăскерсем, хваттере васкатпăр. Унччен те пулмарĕ, пĕлĕшĕн кÿрши килĕнчен тухса пирĕн еннелле сиввĕн пăхрĕ. «Выçса вилсен те картон курупка пуçтарса çÿреместĕпех», — пурте илтмелле юриех хыттăн каларĕ вăл.

ноябрь 5th

5 Чÿк, 2019

«Кашни кунах уяв пек туйăнать халĕ»

Чÿк уйăхĕн 4-мĕшĕнче Раççейре Халăх пĕрлĕхĕн кунне уявлаççĕ. Унăн историйĕ XVII ĕмĕр пуçламăшĕнчи пăтравлă çулсемпе çыхăннă. Хаяр Иван патша вилнĕ хыççăн влаçа камăн йышăнмалли тавра тавлашу-хирĕçÿ пынă. Шăп çав вăхăтра Польша салтакĕсем тапăнса кĕнĕ. Кузьма Мининпа Дмитрий Пожарский ертсе пынипе Раççейре пурăнакан тĕрлĕ халăх çыннисем поляксене Мускавран хăваласа яма пултарнă.
Çак уяв çинчен халăх мĕн пĕлет? Ыйту хуравне шыраса Шупашкарти хула урамне тухрăмăр.

5 Чÿк, 2019

Саппуна куççуль шăлма çакас мар тесен...

«Ача-пăча ту хăвна савăнма. Умна саппун çак куççульна шăлма», – тесе каланине илтме тивет хăш-пĕр ашшĕ-амăшĕнчен. Ача-пăча куççуль тăктармасси, савăнăç кÿресси ывăл-хĕр мĕнле çемьере ÿснинчен килет. Çапла шухăшлать Республикăн наркологи диспансерĕн психиатр-наркологĕ Лидия Григорьева.
«Ачасем – çемье тĕкĕрĕ. Вĕсем пирĕн йăла-йĕркене, эпир хамăра мĕнле тытнине курса ÿсеççĕ. Ача умĕнче сиксе тухнă ыйтăва унăн ашшĕ-амăшĕпе ĕçлемесĕр татса пама май çук», – тет ачасемпе ашшĕ- амăшĕ хушшинчи ыйтусемпе ĕçлекен пуян опытлă врач.

5 Чÿк, 2019

Явăнаççĕ кураксем…

Шупашкарта тахçанах пулманччĕ. Канмалли кун çитсен, пахча çимĕç е какай пĕтсен, ачасем яла хăйсем пыраканччĕ. Хăна-таврашне килмелли те тупăнманччĕ ку тапхăрта. Тепĕр тесен, ĕçке-çике пуçтарăнсан тĕп хула урамĕсем тăрăх уçăлса çÿреетĕн-и вара? «Саккас» автобуса лартаççĕ те кил умĕнчен кафе-ресторан алăк уратийĕ тĕлнех çитереççĕ. Юрласа-ташласа тăраннă хыççăн малтанхи маршрутпа киле таврăнатăн.

5 Чÿк, 2019

Наци проекчĕ: Çамрăксен театрĕн çурчĕ çĕнелчĕ

Çĕнелсе илемленнĕ Çамрăксен театрĕнче чÿк уйăхĕн 11-20-мĕшĕсенче Шупашкарти театр форумĕ ĕçлĕ. Вăл виçĕ юхăма — Пĕтĕм Раççейри çамрăксен наци театрĕсен «Атăл юмахĕ» фестивальне, ача-пăча наци драматургĕсен лабораторине, ăсталăх класĕсене — пĕрлештерет.

Pages