Archive - 2015 - Хресчен сасси

август 14th

14 Çурла, 2015

Чăваш кăларăмĕсем - «Çырăнтару лидерĕ» çĕнтерÿçисем

«Хыпар» Издательство çурчĕ кăларса тăракан «Çамрăксен хаçачĕн», «Хресчен сасси» хаçатăн тата «Тăван Атăл» журналăн редакцийĕсене Мускавра Дипломпа наградăларĕç.

14 Çурла, 2015

Тырă вырăнне - çумкурăк

Çĕр çынсене ĕмĕртен вăрçтарнă. Унпа çыхăннă ыйтусем халĕ те çивĕч. Çакна Россельхознадзорăн Чăваш Енри управленине килекен çырусем те çирĕплетеççĕ. Кăçалхи çур çулта кăна 17 çăхав çитнĕ. Çынсем ыйтăва вырăнта татса парайманнипе специалистсенчен пулăшу ыйтаççĕ. Вĕсене ыттисем çĕрпе мĕнле усă курни канăç памасть. Çакна та палăртмалла: çăхавсем тăрăх – административлă тĕпчевсем ирттерсе должноçри икĕ çынна явап тыттарнă.

Çулсерен инспекторсем район тата ял тăрăхĕн администрацийĕсенчен килнĕ çырусемпе çула тухаççĕ, лару-тăрупа вырăнта паллашса ыйтăва татса пама тăрăшаççĕ.

14 Çурла, 2015

Пахчи-пахчи иçĕм çырли...

Чăваш Енре кăçал «Фермер ĕçне пуçăнакан» программăна хутшăнса 33 фермер, «Çемье ферми» программăпа вара 9 фермер хуçалăхĕ грант çĕнсе илме пултарчĕ. Çак хастарсен хушшинче Канаш районĕнчи Ăвăспÿрт Кипеч ялĕнчи Павел Семенов та пур.

август 7th

7 Çурла, 2015

"Хресчен сасси" 53 /2566/ №, 7.08.2015

7 Çурла, 2015

Хушма хуçалăх, çĕр... - пурне те шутлĕç

2016 çулхи июль уйăхĕн 1 - августăн 15-мĕшĕсенче Пĕтĕм Раççейри ялхуçалăх çыравĕ иртмелле. Паллă мероприятие Чăваш Енре те хатĕрленме пуçланă ĕнтĕ: яваплă çынсене çирĕплетнĕ, ĕç планне палăртнă тата ытти те.

Ят-шыв вăрттăнлăхра юлĕ

7 Çурла, 2015

Шупашкартан - тĕнче чемпионатне

Августăн 3-5-мĕшĕсенче Шупашкарти «Олимпийский» тĕп стадионта çăмăл атлетика енĕпе пулса иртнĕ çĕршывăн чемпионатĕнче 64 регионти 794 спортсмен вăй виçрĕ. Йăлана кĕнĕ тăрăх - суперлигăра пĕр-пĕринпе вунă команда тупăшрĕ. Малти виçĕ вырăна Мускав хулин 1-мĕш, Мускав облаçĕн тата Санкт-Петербург командисем йышăнчĕç.

7 Çурла, 2015

Ама - çемье пуçĕ

Пыл хурчĕсен çемйинче ама тĕп вырăн йышăнать. Вăл ĕç хурчĕсенчен палăрмаллах уйрăлса тăрать. Вăрăм, тулли, вĕçĕнче çавракарах хырăмĕ çиелтен темиçе çутă йĕрпе витĕннĕ. Унăн кĕлетки тĕттĕм хăмăр тĕслĕ, ылтăн тĕсли те пулать. Ку вăл ăратран килет. Çунаттисем кĕлеткин çуррине кăна хуплаççĕ. Карас çийĕн ама васкамасăр, мăнаçлăн çÿрет. Вăл çăмарта тума тытăнсан ĕç хурчĕсем ăна çул параççĕ, пуçĕсемпе яланах ун еннелле çаврăнаççĕ. Çывăха пыма тăрăшаççĕ, ăмăртсах амана апат сĕнеççĕ, асăрханса сĕртĕнеççĕ, чĕлхисемпе, урисемпе тасатаççĕ, ăна хÿтĕлеççĕ.

7 Çурла, 2015

Помидор çулçи пĕрĕнет

Парка шăтса тухнă, чечеке ларнă томатăн çулçи сасартăк пĕрĕнме тытăнать. Ÿсен-тăран çимĕç параймасăрах шанать. Мĕнпе çыхăннă ку?

Тĕп сăлтав - çĕре азот удобренийĕ, курăк шĕвекĕ, органика ытлашшипех хывни, çав хушăрах цинк, кали, фосфор çителĕксĕрри. Кун пек чухне комплекслă удобренипе апатлантармалла. Сăмахран, монофосфат калийĕ, растоврин. Çавăн пекех ÿсен-тăрана апатлантарас йĕркене те пăхăнмалла.

Çĕрмен тислĕке йăран çине сапалани сиенлĕ. Аммиак çимĕçе, çулçа юрăхсăра кăларать.

июля 31st

Pages