Archive - Ака 2014 - Çамрăксен хаçачĕ

апреля 4th

4 Ака, 2014

Нĕркеç Геройне нимĕçсем чĕрĕллех çунтарнă

Статьясен ярăмне малалла тăсма Комсомольски районĕнчи Нĕркеç ялне çитсе килтĕм. Унта Совет Союзĕн Геройĕ Георгий Чернов çуралнă.

4 Ака, 2014

Ыхра типет

Ыхрана çивĕтлесе хунă суханпа юнашар упратăп. Суханĕ чиперех тăрать-ха, анчах ыхра типсе пырать. Мĕн тумалла-ши?

Лайăххисене суйласа кĕленчене тултармалла, капрон хупăпа хупса сивĕтмĕше (холодильника) лартмалла. Типме пуçланисене те урăх кĕленчене тултарса çавăнтах лартăр. Çулла унпа настойка туса ÿсен-тăрана сиенлĕ хурт-кăпшанкăран хÿтĕлеме пултаратăр.

4 Ака, 2014

Çурхи сада им-çамласси

Çанталăк ăшăтсан, туратсем çинче пĕрремĕш папкасем курăнма пуçласан сад-пахчари йывăç-тĕ-ме, ун айĕнчи лаптăксене им-çампа сирпĕтмелле.

Йывăçсене извеç шĕвекĕпе пĕрĕхни. Çак им-çампа «шуратнă» йывăç-тĕм ахаль чухнехинчен 5-7 кун каярах çеçке çурать, çакă вĕсене çурхи тăм ÿкнĕ вăхăтра упрама пулăшать. Извеç сĕчĕ туратсене çÿхе сийпе хуплани вĕсем çинче хĕл каçакан сиенлĕ хурт-кăпшанкă личинкисенчен, куколкăсенчен, кăпшанкăсем хывакан çăмартасенчен хÿтĕлет.

Ирĕлчĕке хатĕрлеме ансат: тин çеç сÿнтернĕ 1-2 кг извеçе 10 литр шывра ирĕлтермелле.

4 Ака, 2014

Калча тaсaласран

Калча ытла ÿссе кайнине ла­йăхах теме çук. Мĕншĕн тесен ытла шултра хунавăн тымарĕсем те пысăкланса каяççĕ, чÿлмекри тăпрара ун валли тутлăхлă япаласем çитейми пулаççĕ. Çавна май пахчаçă çирĕп тымарлă, вăйлă калча вырнне имшер, тăсăлса кайнă ÿсен-тăран кăна илейрет.

Калча çак сăлтавсене пула тăсăлса каять:

- çур сивĕ, вăрăм тăнăран калчасене йăрансем çине вăхăтра куçарса лартма май килменран*

- ÿсен-тăрана ытлашши шăварсан, минерал удобренийĕ­­семпе нумай апатлантарсан*

- чÿрече анинче çутă çителĕ­­ксĕр пулсан.

Ытлашши тăсăлса каясран çапларах тумалла:

апреля 3rd

3 Ака, 2014

«Тантăшпа» ачаранах туслă

Пирĕн хаçата ачасем çеç мар, вĕсен ашшĕ-амăшĕ те, аслашшĕ-асламăшĕ те хаваспах вулаççĕ. Хĕр ачасемпе арçын ачасем кĕçĕн классенче вĕреннĕ чухнех "Тантăш" тĕнчине "путнă". Хаçатпа пĕрре те туслă çыхăнăва татман – ăна кашни çул çырăнса илеççĕ, хаваспах вулаççĕ. Çавнашкал ачасемпе тĕл пулса калаçма тÿр килчĕ.

Ольга Семеновăпа Ирина Алендеева иккĕшĕ те Куславкка районĕнчи Аслă Куснар шкулĕнче 11-мĕш класра вĕренеççĕ. "Тантăша" ачаранпах çырăнса парать вĕсене ашшĕ-амăшĕ.

3 Ака, 2014

Çамрăксен Николаев Вулавĕн VII конкурсĕн пĕтĕмлетĕвĕ

Нумаях пулмасть Сĕнтĕрвăрри районĕнчи Шуршăлта Çамрăксен Николаев Вулавĕн VII конкурсне пĕтĕмлетрĕç. Конкурс йĕркелÿçисем – ЧР Вĕренÿ тата çамрăксен политикин министерстви, ЧР Вĕренÿ министерствин Ачасене хушма пĕлÿ паракан «ЮНИТЭКС» центрĕ, А.Г. Николаев космонавт-летчикăн асăну комплексĕ тата Чăваш Ен Космонавтика ветеранĕсен пĕрлешĕвĕ.

3 Ака, 2014

Сан Саныч разведчик

1941 çул. Пирĕн çĕр çинче нимĕç салтакĕсем çÿреççĕ, ялсене çунтараççĕ, ачасемпе хĕрарăмсене тыткăна илеççĕ. Ашшĕ фронта кайнă чухне ывăлне çапла хушса хăварать: «Аннÿне сыхла, Санька!» Арçын ачан та çара каяс килет, анчах унăн туртăмне чăна хуракан çук.

3 Ака, 2014

ХЫТĂ ЫРАТСА ПУÇЛАНАТЬ

Ангина пыр тăрук тата хытă ыратнипе /ку уйрăмах çăтнă чухне палăрать/ пуçланать. Температура 39-40 градуса çити ÿсет, вăй чакать, пуç ыратать, лимфа тĕввисем пысăкланаççĕ, хăш чухне хăстарать. Хăвăртрах сипленме пуçламалла, тухтăр сĕнĕвĕсене пурнăçланипе пĕрлех килти мелсем пирки те манмалла мар.

Чĕркени

- Чĕрĕ тăпăрча йĕтĕн пусма татăкне çÿхе сийпе сĕрмелле те унпа мăя чĕркемелле. Çиелтен çăм тутăрпа е шарфпа çыхмалла. Компресс сивĕ те, ăшă та пулма пултарать. Ăна çĕрĕпех тытмалла.

3 Ака, 2014

СĂЛТАВĔ ÇУК ПЕК ТУЙĂНСАН ТА

Апат начар çиекен ачасем ашшĕ-амăшне хытах шухăшлаттараççĕ. Анчах çакăншăн чылай чухне хăйсемех айăплă. Тухтăрсем çапла ăнлантараççĕ.

Чирсенчен чылайăшĕ, çав шутра япăхрах аталанни те, апат анассине чакараççĕ. Чи малтанах ку вар-хырăмпа пыршăлăх, сывлав çулĕсен чирĕсем пуррипе, хăлха шыçнипе çыхăнма пултарать. Шĕвĕрĕлчен пулсан та аппетит пĕтет. Çавăнпа ачăр сăлтавсăрах тенĕ пек апат начар çиме пуçларĕ тĕк тухтăрпа канашлани ытлашши пулмĕ.

3 Ака, 2014

ШĔШКĔ ÇУЛÇИ, УТМĂЛ ТУРАТ...

Ар парĕн шыççинчен /аденома простаты/ сипленнĕ чухне килти мелсем те ырă витĕм кÿреççĕ. Халăхра тĕрĕсленнĕ темиçе мелпе паллаштаратпăр.

vШĕшкĕ çулçине е хуппине 2 апат кашăкĕ илсе тин вĕренĕ çур литр шыва ямалла, 2 сехетрен сăрăхтармалла. Кунне 3-5 хут çуршар стакан ĕçмелле.

v10 грамм типĕтнĕ пылак тымара /солодка/ 1 стакан шыва ярса 20 минут вĕретмелле. Кунне 4-5 хут 1-ер апат кашăкĕ 10 кун ĕçмелле.

Pages