Archive - Пуш 2017 - Çамрăксен хаçачĕ

март 23rd

23 Пуш, 2017

«Арçын сассиллĕ юрăç»

Пĕчĕк чухне вăл радио калаçма пуçласанах ăна чарса хунă, чăваш тата вырăс юррисене мар, чикĕ леш енчисене кăсăкланса итленĕ. Пурнăçне журналистикăпа çыхăнтарассине тĕлĕкре те курман. Пурнăç çулĕ вара тÿрĕ çеç пымасть, кашни пăрăнăçра кĕтменлĕхпе тĕл пулатăн. Чăваш Ен наци телерадиокомпанийĕн редакторĕ Алена Арсентьева ача чухне радиожурналистика енĕпе кайма палăртман. «Шкул пĕтернĕ хыççăн пачах урăх енпе вĕренме каясшăнччĕ. Гуманитари дисциплинисем кăсăклантарман мар-ха — вырăс чĕлхипе литературине кăмăллаттăм. Тĕрлĕ аслă шкула документсене кайса патăм. «Пĕрне вырнаçаймасан теприне кĕретĕпех», — тесе шухăшларăм. Çапла И.Н.Ульянов ячĕллĕ ЧПУн чăваш тата вырăс филологийĕпе журналистика факультечĕн чăваш филологи уйрăмĕн студенчĕ пулса тăтăм», — каласа кăтартрĕ Алена.

23 Пуш, 2017

Вăрман ÿстересси - çĕрулми лартасси мар

Вăрмана çитсе курман çын пур-ши? Епле илемлĕ унта, сывлăш уçă. Хăвна урăх тĕнчене лекнĕн, утăм тумассерен кулленхи пурнăçран аяккалла тарнăн туятăн. Çÿллĕ йывăçсем пĕлĕтелле кармашаççĕ, пĕчĕк хунавсем вĕсенчен юлас мар тесе тапаçланаççĕ. Ача чухне çак илемлĕх çут çанталăк асамĕ тесе шухăшлаттăм. Ку ĕçре этемĕн тÿпи те пур. Вăл асамçă пекех: йывăçсене пурнăç парать, хунав лартсан ăна хăйĕн ачине пăхнă пекех ÿстерет, вăл симĕсленсе ешерме тытăнсан савăнать, вăй илеймесен пăшăрханать... Сăмахăм — вăрман ĕçченĕ пирки. Çĕрпÿри участок лесничествин участок ертÿçи Александр Егоров хăйĕн ĕçĕ пирки сехечĕ-сехечĕпе каласа кăтартма пултарать. Вăрман уншăн тахçанах тупмалли юмах евĕр мар.

23 Пуш, 2017

«Лайăх туртакан лашана» алăран вĕçертмен

Вăрмар районĕнчи Аслă Пинерти Лидия Алексеевнăпа Николай Иванович Ефремовсем 56 çул пĕрле кун кунланине пĕлсен тÿрех çакнашкал ыйту çуралчĕ: «Пĕр-пĕрне тÿссех пурăнтăр-и?» «Çук, тÿссе мар, савăнса пурăнатпăр. Тÿпелешсе курман, кăвак пит-куçпа çÿремен», — хуравларĕç хисеплĕ ватăсем.

«Ку салтак хăçан каять?»

23 Пуш, 2017

Мĕнле пурăнма аванрах, хăв пĕлнĕ пек-и е?..

Эпĕ мĕнле пурăнатăп: хам пурăнас тенĕ пек-и е урăхла-и? Пушăн 17-мĕшĕнче К.В.Иванов ячĕллĕ Чăваш патшалăх академи драма театрĕнче иртнĕ премьера хыççăн çак ыйту нумай куракана хумхантарчĕ-тĕр. ЧР тава тивĕçлĕ артистки Наталия Сергеева Александр Островскин «Хăв пурăнас килнĕ пек ан пурăн» хайлавне çĕнĕрен сцена çине кăларни драмтеатр 100 çул тултарнă тĕле чăн-чăн парне пулчĕ. Спектакль художникĕ — Светлана Зверева, ташăсене ЧР тава тивĕçлĕ культура ĕçченĕ Зоя Александрова лартнă, постановкăна ЧР искусствисен тава тивĕçлĕ ĕçченĕн Лолита Чекушкинăн тата Алексей Айгин кĕввисемпе илемлетнĕ. Пьесăна вырăсларан чăвашла И.Антонов куçарнă

23 Пуш, 2017

Хырăмĕ выçăран столовăй умĕнче явăнать

«Алло! Изман кирлĕччĕ! — шăнкăртатрĕ редакци телефонĕ, ăна шăпах эпĕ тытнăччĕ. — Çĕрпÿ районĕнчи Йĕкĕрвартан шăнкăравлатăп. Пирĕн ялти пĕр çемьере тĕлĕнмелле лару-тăру: амăшĕ Мускавра ĕçлесе пурăнать, икĕ ывăлне пăрахса хăварнă. Выçăпа, хĕç пек, типсе хытса ларчĕç, çимелли çук вĕсен. Ачасем эрни-эрнипе шкула каймаççĕ. Килте питĕрĕнсе лараççĕ те алăкран шаккасан никама та уçмаççĕ. Кун пирки шкул та, ял тăрăхĕн, район администрацийĕсем те, опекăпа попечительлĕх органĕ те, çул çитменнисемпе ĕçлекен комисси те, инспектор та пĕлеççĕ. Тÿсейменнипе прокуратурăна шăнкăравларăм, асăрхавсăр ачасем çинчен пĕлтертĕм. «Хут çырса парăр», — терĕç. Юлашки шанчăк — «Çамрăксен хаçачĕ» кăна. Изман корреспондент пирĕн яла темиçе хутчен те килнĕччĕ, çивĕч материалсем çырса пĕтĕм яла тĕлĕнтернĕччĕ. Килĕр, тархасшăн». Хăйĕнпе шкулти ашшĕ-амăшĕн комитечĕн представителĕ тесе паллаштарнă хĕрарăмăн чун ыратăвне хуравсăр хăвармарăмăр.

март 16th

16 Пуш, 2017

«Çамрăксен хаçачĕ» 10 (6154) №. 16.03.2017

16 Пуш, 2017

Ура ыратсан та ташлама тивет

Тулли кĕлеткеллĕ хĕртен чылай чухне: «Санран нихăçан та балерина пулмасть», — тесе тăрăхлаççĕ. «Çамрăксен хаçачĕн» паянхи хăни экономист профессине юратмасть. Чăваш патшалăх оперăпа балет театрĕн артистки, ЧР Пуçлăхĕн стипендиатки Ульяна Альпидовская сцена валлиех çуралнă. Шупашкарта çуралса ÿснĕскере амăшĕ /сăмах май, вăл Чăваш халăх артистки Татьяна Альпидовская/ театра пĕчĕк чухнех çавăтса килнĕ. Хĕрача кулиса хыçĕнче артистсен хусканăвĕсене тимлĕн сăнанă. Çавăн хыççăн унăн балет шкулне çÿрес кăмăл çуралнă. Ульяна 6-7 çулта чухне гимнастика секцийĕнче ăсталăхне туптама тытăннă. Вăл халĕ кордебалетра çеç мар, уйрăм та ташлать.

16 Пуш, 2017

«Тĕрмере çуралнă эпĕ…»

Тĕрмесенче /следстви изоляторĕсенче/ ача çурчĕсем — улттă. Мускаври 6-мĕш СИЗО пуçлăхĕ Татьяна Кириллова каласа панинчен /2013 çулхи нарăс уйă­хĕнче тухнă «Казенный дом» хаçатран/:

16 Пуш, 2017

Чăваш халăх юррине шăрантарма амăшĕнчен вĕреннĕ

«Чуна уçса ка­­­­ла­çар» рубрика тĕпелĕн паянхи хăни — Роза БЕЛЯЕВА вĕрентекен, юрăç, сă­вăç тата композитор. Унăн пул­тарулăхĕпе тах­çантанпах интересленетĕп. Вăл йĕркеленĕ «Юрату.ru» ушкăнăн юррисене нумай илтнĕ. Ро­за Беляева Чăваш радиовĕнчи «Кайри-мала» хит-па­радра пĕрре мар çĕнтерÿçĕ пулнă, Çĕрпÿ районĕн администрацийĕн вĕрентÿ та­та социаллă ата­лану пайĕ йĕркеленĕ конкурсра «Çулталăкри вĕ­­­­­­­­­рентекен» ята çĕнсе илнĕ, Чăваш эс­трада артисчĕсен союзĕ çулталăк вĕçĕнче ирттерекен «Çулталăкри юрă» конкурсра «Çулталăкри чи лайăх юрă» номинацире мала тухнă.

16 Пуш, 2017

Музыка «генералĕ»

Кану центрĕсем, клубсемпе радиостанцисем йышлансах пыраççĕ. Кашниех хăйне евĕрлĕхĕпе халăха илĕртмелле тăрăшать. Ку ĕçре шăпах ди-джейăн /акăлчан чĕлхинчен: DJ, disc – jockey – «диск – жокей»/ тÿпи пысăк. Вăл музыка композицийĕсем тупса хатĕрлессишĕн, ăна клубра, радиохумсем çинче янăраттарассишĕн яваплă. Музыка «генералĕнчен» мĕнле кăмăл, сывлăш, стиль хуçаланни килет. Денис Григорьев, DJ DENIS DEN ятпа çÿрекенскер, хăйĕн карьерине 13 çулта чухнех пуçланă. Халĕ вăл — Чăваш Енри тата Атăлçи тăрăхĕнчи чи лайăх ди-джейсенчен пĕри.

Pages