Раççей çăлтăрĕсен хушшинче ют çĕр-шыва кайса пурăнакан, ачисене унта вĕрентекен йышлă. Чăвашсем те вĕсенчен юласшăн мар. Пирĕн хăш-пĕр артистăн ачисем те ют çĕр-шывра пурăнма кăмăллаççĕ. ЧР тава тивĕçлĕ артисчĕ Валерий Лукьянов нумаях пулмасть АПШран килнĕ. Вăл унта икĕ çул пурăнать.
Патăрьел салинче Чăваш Республикин Пуçлăхĕн стипендине кăçал илсе тăракан Ольга Храмовăпа курнăçрăм. Вăл - И.Н.Ульянов ячĕллĕ Чăваш патшалăх университечĕн вырăс тата чăваш филологийĕпе журналистика факультечĕн 3-мĕш курс студентки. Кашни çемьерех аслисем кĕçĕннисемшĕн тĕслĕх вырăнĕнче. Храмовсен çемйинче виçĕ хĕр.
Космоспа компьютер тата çĕнĕ ытти технологи саманинче вăхăт иртни пачах сисĕнмест. Уйрăмах тĕрлĕ енлĕ аталаннă, яланах малалла ăнтăлакан çамрăк çыншăн. Маунтинбайк енĕпе тĕнчен икĕ хут чемпионкишĕн, Чăваш Республикин Патшалăх Канашĕн депутачĕшĕн, И.Я.Яковлев ячĕллĕ Чăваш патшалăх педагогика университечĕн аспиранчĕшĕн Ирина Калентьевăшăн уйрăмах.
Иртнĕ эрнере чăваш эстрада концертне кайсан пĕр хыпар илтрĕм: эпĕ питĕ-питĕ килĕштерекен Андрей Шадриков юрăç авланать иккен. Пĕтрĕ пуç! Ку сăмах тĕрĕсех-ши? Суя мар тăк çырса пĕлтерĕр: унăн арăмĕ пулма шăпа кама пÿрнĕ?
Ирина КРОТОВА.
Утă уйăхĕн 6-13-мĕшĕсенче Етĕрне районĕнчи «Сурские зори» кану базинче «Хавал» общество пĕрлешĕвĕн хастарĕсем çуллахи уйлăх йĕркелерĕç. Килĕштерÿ канашĕн пайташĕ Александр Блинов каласа кăтартнă тăрăх - кунашкал мероприятие вĕсем 2009 çултанпа ирттереççĕ. Унта хутшăнакансен йышĕ çулран-çул ÿсет, нумайăшĕ кунта çемйипех килет.
Шел те, этемлĕх хальлĕхе чун пуянлăхне виçмелли тараса шухăшласа кăларайман. Телее, чун туприне хаклама урăх майсем пур. Вĕсенчен пĕри - тăван халăх пуласлăхĕшĕн тăвакан ĕçсем. «Чуна уçса калаçар» тĕпелне хăйне евĕр çынна чĕнме кăмăл çуралчĕ.
Чăваш Енре чиркÿ тĕрмесемпе тачă çыхăнса ĕçлеме тытăннăранпа çурла уйăхĕнче 25 çул çитет. Федерацин айăплава пурнăçлакан службин Чăваш Республикинчи управленийĕн юсанмалли учрежденийĕсенче хальхи вăхăтра 9 чиркÿ, 1 часавай, кĕлĕ тумалли 2 пÿлĕм ĕçлеççĕ. Вĕсене Чăваш Митрополийĕн тĕрмери уйрăмĕсем пăхса тăраççĕ.
Мускаври М.А.Литовчин ячĕллĕ телекуравпа радио хыпарлавăн гуманитари институтĕнче вĕренекен Анастасия Масляева çитес çул диплом ĕçне хÿтĕлемеллине шута илсе темăсем шырама пуçланă. Тÿрех палăртнă: "Ăна чăваш халăхĕпе çыхăнтарăп". Çавна май вĕреннĕ вăхăтрах çĕрлесерен ĕçлесе ÿкерÿ ушкăнне Чăваш Ене илсе килмелĕх укçа тунă.
Украинăри лару-тăру пирки массăллă информаци хатĕрĕсем кунĕн-çĕрĕн пĕлтереççĕ. Унти ĕç-пуç пĕтĕм Раççей халăхĕшĕн чун ыратăвĕ пулса тăчĕ. Чăваш Енре пурăнакансем те кÿршĕллĕ патшалăхран килекен хыпарсене хурланса йышăнаççĕ, инкеке лекнисене пулăшма тăрăшаççĕ.
Раççей шайĕнчи юрă-кĕвĕ телеканалĕсем тахçантанпах кунашкал проектсем йĕркелеççĕ. Анчах Чăваш Енре ун пекки пулманччĕ. Данила Ленский шоумен тата юрăç çине тăнипе, Алина Выйгетова ăна пулăшнипе кăçал ЮТВ телеканал чăваш эстрада «çăлтăрĕсене» чыслама ятарлă преми йышăнчĕ.
Чăвашла верси
Русская версия
