Archive - 2014 - Тантăш

ноябрь 20th

20 Чÿк, 2014

Кăвар чĕреллĕ поэтăмăр

Чÿк уйăхĕнче кăвар чĕреллĕ поэтăмăр Çеçпĕл Мишши çуралнăранпа 115 çул çитрĕ. Ытла кĕске пулнă унăн ĕмĕрĕ. Хăйĕн пурнăçне пултаруллă чăваш каччи ахаль ирттермен, тăван халăхĕн пуласлăхĕшĕн пăшăрханнă, сăвă хыççăн сăвă шăрçаланă.

ноябрь 13th

13 Чÿк, 2014

Аттепе аннене пĕрремĕш хут курни асрах-ха...

Пысăк уяв çывхарса килнине шута илсе вĕрентекен ачасене «Юратнă анне» ятлă сочинени çырса килме хушрĕ. Çак сăмахсене илтсен Маша Конева йăл кулчĕ. Унтан хĕрача тарăн шухăша путрĕ.

13 Чÿк, 2014

«Эпир сахаллăн, анчах тельняшкăпа»

«Эпир сахаллăн, анчах тельняшкăпа», - теççĕ хăшĕ-пĕрисем пĕчĕк йышпах курăмлă ĕç тума пултарасса шантарса. Хĕрлĕ Чутай районĕн- чи Штанаш шкулĕн-че вĕренекенсем те çапла калассăнах туйăнать. Пĕлÿ çурчĕ пĕчĕкех те мар пек. Илемĕ те хăйне евĕр.

13 Чÿк, 2014

Кăкшăмăн вăрăм кун-çулĕ

Ăçтан тата хăçан килсе вырнаçнă-ха чăвашсем Сăрпа Çавал хушшинчи сĕм вăрмана? Историрен эпир çакна пĕлетпĕр: X ĕмĕр пуçла-мăшĕнче Атăлăн сулахай çыранĕнче Чулман Атăл (Кама) шывĕнчен кăнтăралла Пăлхар патшалăхĕ чăмăртаннă.

13 Чÿк, 2014

Юркка тÿррĕн илсе каять...

«Ан хăра, мăнукăм...»

Тĕттĕм каç. Пÿртре тăрпасăр лампа çути аран çеç палăрать. Юркка койка çинче тутлă ыйхăра. Ун çумĕн-че ларакан Прокоп мучи вăхăт-вăхăтăн сисчĕвленсе таврари сасăсене тăнлать. Пĕчченшерĕн пени тата çынсем кăшкăрашни илтĕнет урамра. Унтан каллех шăп.

Сасартăк таçта бомба сирпĕнчĕ. Юркка шартах сикрĕ.

- Нимĕçсем... переççĕ... - терĕ те вăл аслашшĕне хул пуççирен тытрĕ.

- Çывăр, Юрочка. Ним те мар ку, ахаль çеç...

Пăшал сасси çине-çинех янăрарĕ.

- Асатте, атя вăрмана тарар, - Юрккан шикленĕвĕ вăйланчĕ.

ноябрь 6th

6 Чÿк, 2014

«Тантăш» 45 (4407), ноябрь, 6

Когда в семье царят дружба и понимание - то все невзгоды нипочем. Это подтверждает и семья Митрофановых, проживающая в деревне Ойкас-Яуши Вурнарского района. Подробнее - на 1-ой странице.

6 Чÿк, 2014

«Тантăш» 45 (4407), ноябрь (чÿк), 6

Çемьере туслăхпа ăнлану хуçалансан темĕнле йывăрлăха та çĕнтерейĕн. Çакна Вăрнар районĕнчи Уйкас Явăшра пурăнакан Митрофановсем те çирĕплетсе параççĕ. Вĕсемпе хаçатăн 1-мĕш страницинче паллашăр.

6 Чÿк, 2014

Пĕр ĕмĕтпе çунатланакансем

Этем пин-пин çул каяллах уçă тÿпе айĕнчен хÿтлĕхе куçнă, хăйне тата çемйине валли пурăнмалли вырăн тума пуçланă. Тахçан çынсем чул хăвăлĕсенче е çĕр пÿртсенче, çавăн пекех йывăç çинчи «пÿртсенче» пурăннă. Хальхи çуртсем мĕнлерех чаплă вĕт-ха. Строитель алли асамлă тейĕн.

Çак ачасене пĕр шухăш çывăхлатать - вĕсем пурте строитель пулма ĕмĕтленеççĕ. Кашниех ашшĕнчен тĕслĕх илсе унăн çулĕпе утасшăн, халăхшăн пархатарлă ĕç тăвасшăн.

6 Чÿк, 2014

Викăпа Валерия шкула кайма хатĕрленеççĕ

Виктория тата Валерия Митрофановăсем - çав тери туслăскерсем. Килес çул шкула кайма хатĕрленекен хĕрачасем сас паллисене пĕлеççĕ, çырма та тĕшмĕртеççĕ. Тепĕр чухне алла шурă хутпа ручка илсе хăйсен ячĕсене тăрмашса чĕркелеççĕ.

Pages