Вăрнар районĕнчи паллă нумай çынна хăйĕн сăпкинче сиктернĕ Авруй ялĕ Раççей Федерацийĕн аслă шкулĕн тава тивĕçлĕ ĕçченне Николай Кириллов ăсчаха та сипетлĕ сывлăшĕпе лăпкаса ÿстернĕ. Тăван çĕршывăн Аслă вăрçи хыççăн çуралнăскер пурнăç йывăрлăхĕсене ачаллах тутаннă.
Хатидже... Манăн аса тахçанах кĕрсе вырнаçнă ят. "Домашний" телеканал эфирĕнче кăтартакан "Великолепный век" сериала пăхнă чухне кăмăлларăм ăна. Унти Хатидже - Осман патшин I Селимăн хĕрĕ, Сулейман султанăн тăван йăмăкĕ.
«Вăхăта хăваласа тытаймăн», - теççĕ халăхра. Питĕ тĕрĕс каларăш. Тĕлĕнмелле хăвăрт шăвать вăхăт: кунпа çĕр, эрнепе эрне, уйăхпа уйăх ылмашăнсах çулталăк иртет. Акă 2014 çул вĕçне çитсе тăтăмăр. Тепĕр 5 кунран Раççейри Литература çулталăкне кĕрĕпĕр. Унччен вара иртсе пыракан çула пĕтĕмлетмелле, кăçал мĕн пулнине тепĕр хут аса илмелле. 2014 çул... Пăшăрханмалли те, хĕпĕртемелли те сахал мар пулчĕ республика, çĕршыв, тĕнче шайĕнче. Раççей анлăланчĕ! Крымпа Севастополь мăнаçлă Раççей Федерацийĕпе пĕрлешрĕç. Патшалăх лаптăкĕ пысăкланчĕ кăна мар, халăх йышĕ те ÿсрĕ.
Азербайджанри Баку хулине, тĕрĕк халăхĕсен çамрăк çыравçисен форумне, кайма пуçтарăнсан пуçра тĕрлĕ шухăш капланчĕ. Чи малтанах тĕнчери тĕрĕк халăхĕсен литератури епле аталаннине, вĕсене патшалăх мĕнле пулăшнине пĕлес, çамрăк авторсен пултарулăхĕпе паллашас килчĕ. Çавăнпа форум программипе килĕшÿллĕн йĕркеленнĕ мероприятисенчен пушансанах тĕрлĕ çĕршывран пухăннă çыравçăсемпе çывăх хутшăнтăм, пĕрле тĕрлĕ ыйту тавра калаçрăмăр, сăмах çăмхи кашнинчех çур çĕр иртни икĕ-виçĕ сехетчен сÿтĕлчĕ.
И.Н.Ульянов ячĕллĕ Чăваш патшалăх университетне 20 çул ертсе пынă экономика ăслăлăхĕсен докторне Лев Куракова пĕлмен чăваш сахал.
Чăвашла верси
Русская версия
