Ольга АВСТРИЙСКАЯ

11 Авăн, 2014

Поэзи, çамрăклăх, малашлăх...

2015 çулхи çу уйăхĕн 27-мĕшĕнче вилĕмсĕр «Нарспи» авторĕ Константин Иванов çуралнăранпа 125 çул çитĕ. Константин Васильевич историе поэт пек кăна кĕрсе юлман. Вăл çавăн пекех – драматург, тăлмачă, прозаик, фольклорист, ÿнерçĕ тата чăваш литературин никĕс-левçисенчен пĕри. Унăн пултарулăхне чăвашсем кăна мар, ытти халăх çыннисем те пысăка хурса хакланă, хаклаççĕ, хаклĕç те.

29 Çу, 2014

«Чун хуралçине» улталасан мĕн пулать?

Ачасем, сирĕнтен кашниех кил хуралçие паллать-и? Мĕнле чĕнеççĕ-ха ăна? Çук, çăраççи мар. Паллах, вăл – шанчăклă тус йытă. Киле пули-пулми çынна кĕртмест, пурлăха кăна мар, кил хуçисен канлĕхне сыхлать. Усал шухăшлă этеме таçтанах туять сисĕмлĕскер – талпăнса вĕрет, хапха яхăнне те ямасть. Теприсене пачах тепĕр май йышăнать, пĕрремĕш хут кăна курать пулин те хÿрине вĕлтĕртеттерсе, хĕпĕртесе кĕтсе илет хайхискерсене. Çапларах кăмăллă вăл кил хуралçи...

30 Ака, 2014

Иленнĕ вăл мĕн пĕчĕкрен асамлă юрă тĕнчине

Паянхи кун тĕлне йышпа пуçтарăнса халăх инструменчĕсемпе юрă-кĕвĕ каласси, ĕлĕкхи юрăсене мăнаçлăн тăсса ярса пĕтĕм таврана тĕлĕнтересси манăçа тухса пыраççĕ пулин те, юрă пурăнать-ха. XXI ĕмĕрте те вăл çынна хавхалантарма, пулăшма пăрахмасть. Анчах унашкалли – кашнин хăйĕн. Пĕрне фольклор çывăх, теприне – тарăн шухăшлă шансон, виççĕмĕшне – аслати пек хăлтăртатакан рок, тăваттăмĕшне – туйăмлă та çăмăлттайрах попса, пиллĕкмĕшĕшĕн сăмахĕ вуçех пĕлтерĕшлĕ мар, ташă кĕввиллĕ, виç-тăват сăмахлă композици те çырлахтарать ăна... Пĕрне те хурламастпăр, тиркеместпĕр; кашнин чунĕ хăйĕнне ыйтать.

27 Пуш, 2014

«Çĕнĕ ятсен» вĕр çĕнĕ кĕнеки

«Çĕнĕ ятсем уçатпăр» («Открываем новые имена») çамрăксен литература пултарулăхĕн регионсем хушшинчи конкурсĕ пирки илтнех-тĕр тантăшăмăрсем. Чăваш Республикин ача-пăча тата çамрăксен библиотекин пуçарăвĕпе 2004 çулта йĕркеленнĕскер пĕлтĕр пиллĕкмĕш хут иртнĕччĕ. Унăн пĕтĕмлетĕвĕсемпе кăна мар, хăш-пĕр хайлавпа та паллаштарнăччĕ сире. Пултарулăх ăмăртăвне чăвашла тата вырăсла çыракан 30 çула çитмен çамрăксем хутшăнма пултарнă.

Pages