Шыв мар - юхать, тимĕр мар - шăранать. Мĕн-ши вăл? Унсăр пурнăç та кичем. Унпала вара ăмăр çанталăкра та кăмăл çĕкленÿллĕ. Йывăр ĕçре хавхалану кÿрет, çунат хушма хистет вăл. Инкек-синкек чÿречерен шаккасан та уйрăлмастпăр унран.
«Çапăçура пулмасăр пурнăç хакне чухлаймăн», - тенĕ ваттисем. Тен, чăннипех те, çапла. Сăмахăм вăрçăри çапăçу пирки кăна пымасть. Кулленхи ырăпа усал кĕрешĕвĕнче те вĕçĕмсĕр суйлав тума тивет-çке-ха. Хури е шурри енче-ха эпир. Мĕн е кам хĕтĕртет пире пĕрешкел лару-тăрурах тĕрлĕрен хăтланма.
Тăван çĕршывăн аслă вăрçи кашни çемьере хăйĕн йĕрне хăварнă. Пиншер, миллионшар çын пурнăçне татнă вăл. Мĕн чухлĕ яш-кĕрĕм çут тĕнче илемĕпе киленме ĕлкĕреймесĕрех ĕмĕрлĕхех пуç хунă. Юнпа та куççульпе туптаннă Çĕнтерÿ. Совет салтакĕсен вышкайсăр пысăк паттăрлăхне пула кăна паян мирлĕ те тăнăç пурăнатпăр эпир. Çавăнпа та пирĕн, çамрăксен, çакна самантлăха та манмалла мар. Тĕрĕссипе, Аслă çĕнтерÿ хыççăн килнĕ кашни ăру ветерансемпе тыл ĕçченĕсем умĕнче ĕмĕрлĕх парăмра.
Чăвашла верси
Русская версия
