Комментари хушас

Ĕнерхи япăх çанталăка пула Шупашкарти аэропортра çĕршывăн тĕп хулинчи «Внуково» аэропортран вĕçсе килнĕ самолета анса ларма май пулман. «Победа» авиакомпанин DP457 борчĕ Мускава каялла таврăннă.

Самолетăн каçхи 21:20 сехетре Шупашкарта анса лармалла пулнă, анчах республикăн аэропорчĕ чăрмава пула рейса йышăнайман.

«Победа» авиакомпанин сайтĕнче Шупашкара тепĕр хут вĕçекен самолет 22:45-ре тухса вырăна 23:45 сехетре çитессине пĕлтернĕ. Рейс Мускава каялла та кая юлса тухассине палăртнă.

www.hypar.ru

Елена ЛУКИНА. «Победа» авиакомпани сайтĕнчи сăн ÿкерчĕк.