Каникулта — Ача çурчĕн тулашĕнче
Хĕллехи каникул вăхăтĕнче республикăри ача çурчĕсен воспитанникĕсем лагерьсенче каннă, çемьесенче хăналаннă.
Çĕнĕ çул тата Раштав уявĕсемпе пĕр килнĕ тапхăрта ашшĕ-амăшĕн хÿтлĕхĕсĕр юлнисем Раççей Çут ĕç министерствин, Федерацин Атăлçи округĕн, Чăваш Ен Пуçлăхĕн Елкисенче савăннă.
Кăрлачăн 2-12-мĕшĕсенче тăлăхсен çурчĕсенче пурăнакан 15 ача ăш пиллĕ çемьере хăналаннă. Ача çурчĕн стенисен тулашĕнче ирттернĕ кану лагерьте сывлăхне пиçĕхтернисене те килĕшнĕ.
Сăмах май, Чăваш Республикин Вĕрентÿ министерствин тытăмĕнчи организацисенче — ашшĕ-амăшĕн хÿтлĕхĕсĕр юлнă çул çитмен 57 ача.
Ирина ПУШКИНА.