Комментари хушас

22 Пуш, 2019

ГТО паллишĕн — хушма балсем

Чăваш Енри шкул ачисем аслă шкула вĕренме кĕнĕ чухне хушма балл илме пултарĕç. Ку тĕлĕшрен вĕсене ГТО палли пулăшĕ. Çакна Чăваш Енри физкультурăпа спорт министерствин пресс-служби пĕлтернĕ.

Апла пулсан шкул ачисен пуш уйăхĕн 31-мĕшĕччен ГТО нормине пурнăçлама ĕлкĕрмелле. Анчах çакна та шута илмелле: хăш-пĕр аслă шкул ГТОн ылтăн паллине çеç пăхать.

ГТО паллишĕн мĕн чухлĕ балл парассине кашни аслă вĕренӳ заведенийĕ хăй палăртать. Çĕршыври хăш-пĕр аслă шкулта çапларах: Мускав патшалăх университечĕ — 2 балл, Халăхсен хушшинчи çыхăнусен Мускав патшалăх институчĕ — 1 балл, Бауман ячĕллĕ Мускав патшалăх техника университечĕ — 4 балл, Экономикăн аслă шкулĕ — 5 балл таран, Мускаври физикăпа техника институчĕ — 2 балл, Мускав патшалăх инженерипе физика институчĕ — 1 балл, Санкт-Петербург патшалăх университечĕ — 3 балл тата ыттисем те.

16-17 çулсенчи хĕрсемпе каччăсен ГТО паллине илес тесен 5-мĕш картлашкари нормативсене пурнăçламалла, 18 çул тултарнисен вара — 6-мĕш картлашкарисене. Тĕплĕнрех пĕлес тесен Пĕтĕм Раççейри ГТО комплексĕн порталĕнче пăхмалла.

www.hypar.ru

Рубрика: