22 Кăрлач, 2015

Пĕр ĕç пĕрлештерет

Раштав сиввине пăхмасăр республикăри 14 районтан килнĕ çынсене курма май пулчĕ. Мероприятие çавăн пекех яваплă хăнасем те хутшăнчĕç. Вĕсен йышĕнче: ТР Президенчĕн департаменчĕн шалти политика ыйтăвĕсемпе ĕçлекен управлени пуçлăхĕ Данил Мустафин, Тутарстанри халăхсен ассамблейин председателĕн заместителĕ Николай Владимиров, Тутарстанри Халăхсен туслăх çурчĕн директорĕ Ирек Шарипов, Аксу муниципалитет районĕн пуçлăхĕ Камиль Гилманов.

22 Кăрлач, 2015

Килне таврăнать кинемей...

Хулаçум автовокзалтан çĕнни патне каçмалли çĕр айĕнчи çул хĕрринче кивĕ фуфайка тăхăннă, тĕссĕрленнĕ тутăр çыхнă ватă карчăк ларать. Умĕнче - вараланчăк савăт. Иртен-çÿрен унта укçа пăрахса хăварать. Параканни - парать, паманни - пăрăнса каять...

Шупашкартан Шăмăрша çÿрекен автобуса билет илтĕм те, тепĕр сехет вăхăт пуррине кура, хулана тухма шухăшларăм. Каллех чăваш карчăкĕ умĕнчен иртме тиврĕ. Хальхинче те вунă тенкĕлĕх тимĕр укçа хутăм.

- Турă сывлăх патăрах сана, ырă çыннăм... - хуллен пăшăлтатрĕ ватă хĕрарăм.

21 Кăрлач, 2015

ПŸЛĔМРИ ŸСЕН-ТĂРАН ВИТĔМĔПЕ ТРАДЕСКАНЦИ

Ÿсен-тăран /традесканция зебрина/ сĕткенĕ микроба хирĕçле тата диабет чухне сахăра чакаракан витĕмпе палăрса тăрать.

Мĕнле хатĕрлемелле. Çулçисемпе хунавĕсене çумалла. Блендерта е вакласа вĕтетмелле, марля витĕр пăчăртаса сĕткенне юхтармалла.

21 Кăрлач, 2015

ТАСАТМАН ХĔВЕЛÇАВРĂНĂШ ÇĂВĔ

Хĕвелçаврăнăш çăвĕ пуç ырат¬нипе, фронтитпа, тромбофлебитпа, хырăмăлăхăн, пыршăлăхăн, чĕрен, ÿпкен, пĕверĕн вăрах чирĕсемпе, хĕрарăм чирĕсемпе, шăл ыратнипе, ытти чирпе аптрасан сипленме пулăшать. Çавăн пекех вăл усал шыçăран витĕмлĕ хÿтĕленине те палăртаççĕ

Чи анлă сарăлнă меслет - ирхине выç хырăмла тата каçхине çывăрас умĕн 1 апат кашăкĕ тасатман хĕвелçаврăнăш çăвне 10-12 минут ĕмни. Çу çăварта шĕвелсе кайсанах ăна сурса пăрахмалла, çăвара шывпа чÿхемелле.

Шута илме: çăва çăтма юрамасть, ĕмнĕ май вăл организмри шлаксене туртса илет.

21 Кăрлач, 2015

СИВĔРЕ АЛĂ ШĂНАТЬ...

Ал-ура ялан шăннин сăлтавĕ чылай. Сахал хускануллă пурнăç йĕрки тытни те, çанталăк условийĕсене шута илсе тумланманни те. Чылай чухне атеросклероза пула та алă шăнать. Организма çак лару-тăрура пулăшма халăх медицинин мелĕсемпе анлă усă кураççĕ.

Атеросклероз чухне пылпа çурмалла хутăштарнă сухан сĕткенĕ усăллă. Ăна кунне 3 хут апатчен 1 сехет маларах 1-ер апат кашăкĕ ĕçмелле. Курс - виçĕ эрне. Кирлĕ пулсан икĕ уйăх ĕçме юрать.

21 Кăрлач, 2015

БРОНХИТРАН - ХĔРЕН ЭМЕЛĔ

Сиплевре, тĕпрен илсен, хĕрен тымарĕпе усă кураççĕ. Вăл нÿхрепре хăйăрпа хурсан лайăх упранать. Тымарне типĕтсе çăнăх пуличчен те вĕтетме пулать. Ăна кĕленче банкăна тултарса хупăлчапа тачă витмелле.

Хĕрен препарачĕсемпе шăк çулĕсем, лăймака сийсем шыçсан, подагра, ревматизм аптратсан сипленнĕ чухне усă кураççĕ.

Шăк хăмпи шыçсан /цистит/. 1 апат кашăкĕ вĕтетнĕ чĕрĕ е типĕ тымара тин вĕренĕ 1 стакан сĕте ямалла, 15 минутран сăрăхтармалла. Пĕчĕк сыпкăмсемпе пĕр кунра ĕçсе ямалла. Курс - 10 кун.

21 Кăрлач, 2015

ГРИПА ХИРĔÇ КĔРЕШМЕ

Грипп вирусĕ çÿлти сывлав çулĕсене лексе çирĕпленет, йÿçеке килĕштерет. Çак йÿçеке мелисса çулçи ярса пиçĕхтернĕ шывпа сиенсĕрлетме пулать.
Сиплĕ шĕвек хатĕрлеме 1 апат кашăкĕ чĕртавара тин вĕренĕ 1,5 стакан шыва ямалла, хупăлчапа витсе шыв мунчине лартмалла, 15 минут пиçĕхтермелле. Илсен 45 минутран сăрăхтармалла. 1 стакан шĕвекпе пыра кун тăршшĕпе чÿхеме усă курмалла. Юлнине ĕçмелле.

21 Кăрлач, 2015

Илем тĕнчин авăрĕнче

«Хĕрсем валли минтер пичĕ тĕрлерĕм, анчах вĕсене кирлĕ мар, - пăшăрханарах пĕлтерчĕ Зоя Николаевна пĕр тĕркем «туприне» пÿрте йăтса кĕнĕ май. - Мускавра тĕрĕпе кама тĕлĕнтерĕн? Атя, ялта юрать».

«Тĕрĕ - пурнăç, савăнăç»

21 Кăрлач, 2015

Савăнăçпа куляну - пĕр тĕвĕре

Ватă çын ытларах килте пусăрăнса пурăнма кăмăллать. Канаш районĕнчи Çĕнĕ Мамири кинемейсемпе мучисем вара юрлама-ташлама юратаççĕ. Вĕсем вырăнти юханшыв ячĕпе çыхăнтарса «Пуранар» фольклор ушкăнĕ йĕркеленĕ.

Пурăнать «Пуранар»

21 Кăрлач, 2015

Тымарсăр йывăç хăрать

Етĕрне районĕнчи «Ленинская искра» хуçалăха нумай çул ертсе пынă Аркадий Айдак ял культурине аталантарассишĕн тăрăшнă. Çавна май Тури Ачак ял тăрăхĕнче хăй вăхăтĕнче вун-вун объект - культура çурчĕсем, ача сачĕсем, сыватмăшсем, лавккасем, аптекăсем - хута янă.

Pages