«Макăрмашкăн маншăн кирлĕ мар - эп вилмен»

21 Ака, 2016

Кĕнеке алăран яман

«Кăвак пĕлĕт тăрăх хĕвел шăвăнать,

Ешĕл уй-хир тăрăх çилĕ йăпшăнать.

Ман пуç çур çилпе çăвăнать,

Çур çилпе эп хам савăнап.

...Манăн ăшăмра иртенпе

Шăпчăк чарăнмасăр юрлать,

Манăн чунăмçăм пĕтĕмпе

Çутă пурнăçа савать...» -

ку йĕркесем çурхи кунсемпе хавхаланнă, çуралнă тăрăха савнă, пурнăçа юратнă Андрей Петтоки чĕринче çуралнă. Утса тухнă кун-çул пĕр тикĕссĕн шуман пулин те поэт пуç усмасăр малалла талпăннă. Вăл кăтартнă тĕслĕх унăн тăван халăхне куçнă.

Андрей Петухов /малтанхи хушамачĕ/ Муркаш районĕнчи Ахмане салинче 1905 çулхи юпа уйăхĕн 7-мĕшĕнче вăтам хресчен çемйинче çуралнă. Унăн шăллĕсем пулнă - Василипе Николай. Ашшĕпе амăшĕ - Трофим Степановичпа София Ивановна - хутла пĕлмен, çапах тĕпренчĕкĕсене вĕрентме тăрăшнă. Çемьери чи аслă ывăлĕ уйрăмах çыру-вулав ĕçне хăнăхма ăнтăлнă. Вăл алă айне мĕнле кĕнеке лекнĕ - пĕтĕмпех вуланă: чăваш, вырăс писателĕсен хайлавĕсене, ют çĕршыв авторĕсен куçарнă сăвви-калавне шĕкĕлченĕ.

Комментари хушас

Image CAPTCHA
Введите символы, которые показаны на картинке.