"Хыпар" Издательство çурчĕн тĕп редакторĕн çумĕ Дмитрий Моисеев ĕнер Чăваш нацио радиовĕпе эфира тухакан "Çичĕ юрă" кăларăма хутшăннă. Тÿрĕ эфирти калаçу 20 сехет те 20 минутран пуçласа 22 сехетчен тăсăлнă.
Чăваш Енĕн информаци политикин тата массăллă коммуникацисен министерстви ирттернĕ Тĕп редактор кунĕнче "Хыпар" Издательство çурчĕн "Тăван Атăл" журналĕн корреспондентне Елена Атамановăна отрасль ведомствин Хисеп грамотипе чысланă.
Çеçпĕл Мишши ячĕллĕ Чăваш патшалăх çамрăксен театрĕнче нумаях пулмасть ача-пăча пултарулăх театрĕсен "АВАНсцена" республикăри III фестивалĕ иртнĕ. Унта "Хыпар" ИÇ ача-пăча кăларăмĕсен ("Тантăш" хаçат, "Тетте", "Самант" журналсен) редакторĕ Алина Изман диплома тивĕçнĕ.
М.В. Ломоносов ячĕллĕ Мускав патшалăx yниверситетěнче вĕренекенсем ĕнер чăваш халăхĕн тумтирĕпе паллашнă. Тухья, хушпу тата ытти ытарайми илеме çĕршывăн теп хулине Чăваш патшалăх культура тата искусство институчĕн студенчĕсем илсе кайнă. Ĕçсен авторĕ - Шупашкарти çак аслă шкулăн доценчĕ Зинаида Воронова тата студентсем.
Чăваш чĕлхи кунне халалласа паян, ака уйăхĕн 25-мĕшĕнче, Чăваш наци библиотеки умĕнчи И.Я. Яковлев палăкĕ умĕнче митинг иртнĕ. Ăна Чăваш Республикинчи профессилле çыравçăсен пĕрлĕхĕ йĕркеленĕ.
Ĕнер Патăрьел районĕнчи Нăрваш Шăхалĕнчи вăтам шкулта Чăваш чĕлхи кунне халалласа "Сарпи вулавĕсем" иртнĕ. Кăçалхипе 16-мĕш хут иртекен мероприятие ЧР вĕренÿ министрĕ Юрий Исаев, Вĕренÿ институчĕн проректорĕ Светлана Петрова, чăваш халăх поэчĕ Юрий Сементер, Раиса Сарпипе Альбина Юрату сăвăçсем, Патăрьел районĕн администрацийĕн вĕрентÿ, çамрăксен политикин, физкультурăпа спорт управленийĕн пуçлăхĕ Ирина Рубцова хутшăннă.
Паян "Хыпар" Издательство çуртĕнче ĕç хăрушсăрлăхĕ пирки пуху иртрĕ. Унта ĕçре инкек сиксе ан тухтăр тесен туса ирттермеллине сÿтсе яврĕç.
Ĕнер, ака уйăхĕн 24-мĕшĕнче, пирĕн республикăра "Пĕтĕм чăваш диктанчĕ – 2017" акци пиллĕкмĕш хут иртрĕ. Чăваш чĕлхин пĕлтерĕшне, сум-хисепне ÿстерес тĕллевĕллĕ мероприятие кăçал, малтанласа шутланă тăрăх, 5 пин ытла çын хутшăннă.
Ĕнер Чăваш Енĕн шыравпа çăлав службин ĕçченĕсем хăйĕн çине алă хурас шухăш тытнă арçынна вилĕмрен çăлнă.
Паян "Хыпар" Издательство çурчĕн журналисчĕсем Пĕтĕм чăваш диктантне хутшăнчĕç. Ытти чухне те алăран калем яманскерсем хăйсен пĕлĕвне халăхпа пĕрле тĕрĕслеме шут тытрĕç. Текста Чăваш наци радиовĕн тата "Тăван радио" эфирĕсенче вуланă май хаçатçăсем ĕç пÿлĕмĕнче ларсах диктант çырчĕç.
Чăвашла верси
Русская версия
