Кĕтнĕ çул тинех хута кайрĕ
Паян Шупашкарти Айхи проспекчĕпе Фучик урамне çыхăнтаракан çула уçрĕç. Уява ЧР Министрсен Кабинечĕн Председателĕ Иван Моторин хутшăнчĕ.
— Çак çула хута яни пысăк пĕлтерĕшлĕ, — палăртрĕ Иван Борисович. — Вăл Хмельницкий урамĕнчи транспорт куçăмне пĕчĕклетме май парать.
Трассăна 2015 çулхи авăн уйăхĕнче тума пуçланă. Хула влаçĕ тĕп подряд организацийĕпе — «СУОР» обществăпа — 350 млн тенкĕлĕх килĕшÿ тунă.