Новости по теме

5 Кăрлач, 2021

Тÿрĕ эфирта кăтартĕç

Православи тĕнне ĕненекенсемшĕн Иисус Христос Çуралнă кунĕ чи пĕлтерĕшлĕ уявсенчен пĕри. Кăçал ăна Роспотребнадзор сĕнĕвĕсене шута илсе паллă тăвĕç.

Шупашкар-Чăваш Ен митрополичĕ Савватий раштав службине тĕп хуламăрти Введени соборĕнче ирттерĕ. Чăваш наци телекуравĕнче, «Контактра» соцсетьри «Православиллĕ Чăваш Ен» ушкăнра тÿрĕ эфирсем пулĕç.

Трансляци кăрлачăн 6-мĕшĕнче 22 сехетре пуçланĕ те кăрлачăн 7-мĕшĕнче ирхи 2 сехетре вĕçленĕ.

5 Кăрлач, 2021

Парне илме — троллейбуса

Кăрлачăн 6-мĕшĕнче Çĕнĕ Шупашкар урамĕсене асамлă троллейбус тухĕ.

54-мĕш маршрутпа çÿрекенскерте Хĕл Мучипе Юр пикене курма, вĕсене сăвăпа савăнтарма май пулĕ. Чи маттуррисене парнепе хавхалантарĕç.

Ятарлă троллейбусра билет туянмалла мар — вăл тÿлевсĕр турттарĕ. Асăнмалла, çакнашкал акци раштавăн 27-мĕшĕнче иртнĕ. Хула çыннисем пуçарăва ырласа йышăннă, ăна татах та ирттерме ыйтнă. Хула администрацийĕ сĕнĕве шута илнĕ. Харпăр хÿтĕлев хатĕрĕсем пирки ан манăр çеç — троллейбуса кĕртмĕç.

2 Кăрлач, 2021

«Чăваш ташши илемĕ» фестивале пĕтĕмлетнĕ

Чăваш наци конгресĕн культура комитечĕ  йĕркеленипе «ЧĂВАШ ТАШШИ ИЛЕМĔ» фестиваль  кăçал 3-мĕш хут иртрĕ. Ытти çул республика шайĕнче ирттернĕ пулсан, 2020-мĕш çулта ЧНК культура комитечĕн «Аваллăха упраса, малашлăха ĕненсе» проектпа килĕшÿллĕн, регионсен шайĕнче пулчĕ ку фестиваль. 
 
30 Раштав, 2020

Программăсем «хакланчĕç»

Министрсен Кабинечĕн юнкун ЧР Пуçлăхĕ ертсе пынипе иртнĕ ларăвĕнче патшалăхăн пĕр программине çирĕплетрĕç, тата иккĕшне улшăнусем кĕртессине ырларĕç.

Граждансене çитес виçĕ çулта тÿлевсĕр медпулăшупа тивĕçтермелли патшалăх гарантийĕсен программи 2021 çулта пур енĕпе те «хакланать», çав шутра онкологи чирĕсемпе кĕрешмелли тăкаксем 9,1% пысăкланаççĕ. Çавна май кăçалхипе танлаштарсан ăна пурнăçлама уйăракан укçа виçи 1,3 миллиард тенкĕ хушăнать.

29 Раштав, 2020

«Хыпар» Издательство çурчĕн ĕçченĕсене чысларĕç

Кăçал ЧР Цифра аталанăвĕпе информаци политикин тата массăллă коммуникацисен министерстви 7 конкурс йĕркеленĕ. Çавна май вун-вун журналист хăйĕн ăсталăхне тĕрĕсленĕ. 3 конкурс çĕнтерÿçисене маларах палăртнă. Çак эрнере вара хальтерех пĕтĕмлетнĕ конкурссенче мала тухнисене чысларĕç.

29 Раштав, 2020

Ĕçсĕррисем сахалланнă

Чăваш Енре ĕçсĕрисен шучĕ сахалланнă. Кун пирки республикăн ĕç министрĕ Алена Елизарова раштав уйăхĕн 28-мĕшĕнче Правительство çуртĕнче иртнĕ канашлура пĕлтернĕ.

Çурла уйăхĕн 26-мĕшĕ тĕлне пирĕн республикăра ĕçсĕррисен йышĕ 30 пине çывхарнă. Халĕ ун пеккисем – 15 пин. Кăçал 38 пин ытла çынна ĕçе вырнаçтарма май килнине палăртнă министр. Вăл шутра яланлăх ĕç вырăнне 19 пин ытла çын тупнă.

www.hypar.ru

 

29 Раштав, 2020

«Пацанки» телепроектра çĕнтернĕ

Шупашкар хĕрĕ Костья Купер «Пятница» телеканалăн «Пацанки» шоувĕнче çĕнтернĕ. Унта вăл иккĕмĕш вырăна тухса 250 пин тенкĕлĕх сертификата тивĕçнĕ. Вăл укçана вĕреннĕшĕн тăкаклама юрать.

29 Раштав, 2020

Уявра та тĕрĕслĕç

Çĕнĕ çул каçхине Шупашкар хулинче общество транспорчĕ ытти çулти евĕр çурçĕр иртиччен çÿремĕ.

Коронавируса пула ял-хулара массăллă мероприятисем ирттерме юрамасть. Çавна май раштав уйăхĕн 31-мĕшĕнче республикăн тĕп хулинче троллейбуссемпе автобуссем ĕç кунĕсенчи евĕр ĕçлĕç, вĕсем 23 сехетчен çеç çÿрĕç.

29 Раштав, 2020

Беларуçри конкурсра палăрнă

Чăваш режиссерĕ тата сценарисчĕ Владимир Галошев ÿкернĕ «Батальон моей Родины» документлă фильм Беларуç Республикинче ирттернĕ «Эпĕ кино ÿкеретĕп» конкурсри номинацисенчен пĕринче çĕнтернĕ.

Юрий Тарич ячĕллĕ конкурса ирттерме Беларуç Республикин Культура министерстви укçа-тенкĕ уйăрса пулăшнă. Пултарулăх ăмăртăвне ярса панă ĕçсене 9 номинаципе хакланă.

29 Раштав, 2020

Больницăсем епле ĕçлесси паллă

Чăваш Ен Сывлăх сыхлав министерстви республикăри пульницăсем уяв кунĕсенче епле графикпа ĕçлессине пĕлтернĕ.

Раштав уйăхĕн 31-мĕшĕнче, 2021 çулхи кăрлач уйăхĕн 2, 3, 4, 5, 6, 8, 9, 10-мĕшĕсенче сывлăх сыхлав учрежденийĕсем шăматкунхи графикпа ĕçлĕç.

Кăрлач уйăхĕн 1 тата 7-мĕшĕсенче пулăшу кирлĕ пулса тухсан тухтăрсене киле чĕнсе илме май килĕ. Пульницăсенчи васкавлă пулăшу пÿлĕмĕсене ун чухне ирхи 8 сехетрен пуçласа 13 сехетчен шăнкăравлама юрать.

Pages