Пĕтĕм тĕнчери «Пурçăн çул» 7-мĕш раллие хутшăнакан спорстменсене тĕнчери телеканалсем кăтартĕç. Аса илтерер: марафон утă уйăхĕн 7-мĕшĕнче Мускаври Хĕрлĕ тÿремре старт илĕ.
Çĕртме уйăхĕн 24-мĕшĕнче тăван республикăмăр хăйĕн черетлĕ çуралнă кунне шавлăн та савăнăçлăн паллă турĕ. Çав вăхăтрах Красноярск тăрăхĕнчи йăхташăмăрсем те Чăваш Енпе пĕрле савăннă.
Республика кунĕнче Çĕнĕ Шупашкарти А.Г. Николаев ячĕллĕ тĕп стадионра Чăваш Республикин Пуçлăхĕн парнисемшĕн ирттерекен Пĕтĕм тĕнчери Хĕвел тухăç кĕрешĕвĕсен турнирĕ иртрĕ.
Мероприятие Чăваш Республикин Патшалăх Канашĕн депутачĕ Сергей Михеев, физкультурăпа спорт министерствин заместителĕ Игорь Головин, Çĕнĕ Шупашкар хула пуçлăхĕ Олег Матвеев тата администрацийĕн пуçлăхĕ Ольга Чепрасова, Хĕвел тухăç кĕрешĕвĕ енĕпе Раççей спорт мастерĕ, тĕнчен пилĕк хут чемпионĕ Алексей Соловьев хутшăнчĕç.
Чăваш Республикин кунне Çĕнĕ Шупашкарта та анлă паллă турĕç. Каç кÿлĕм «Химик» культура керменĕ умне халăх йышлă пуçтарăнчĕ. «Пурăн, чечеклен, тăван ен» уяв концертне хулари пултарулăх ушкăнĕсем — «Сăрнай», «Кăмăл», «Теветкел», «Успех», «Шевле», «Узоры» ансамбльсем тата ыттисем те — хутшăнчĕç.
Пухăннисене уявпа Чăваш Республикин Патшалăх Канашĕн депутачĕ Сергей Михеев, Çĕнĕ Шупашкар хулин пуçлăхĕ Олег Матвеев тата администрацийĕн пуçлăхĕ Ольга Чепрасова саламларĕç.
Республика кунĕ «Хыпар» хаçата, çавăн пекех пĕр харăсах «Тантăш» хаçата тата «Самант» , «Тетте» журналсене 2017 çулăн иккĕмĕш çурринче илсе тăмашкăн çырăннисемшĕн чăнласах та икĕ хут уяв пулчĕ теме юрать.
Паян, çĕртме уйăхĕн 24-мĕшĕнче, 19 сехетре Шупашкарти Чăваш патшалăх академи драма театрĕ умĕнче Республика кунне халалланă "Мухтав сана, Чăваш Енĕм, манăн килĕм!" тетрализациленĕ представлени иртрĕ.
Тĕрлĕ наци çынни пĕрле юрласа ташланине сăнама çав тери кăмăллă. Туслăх пĕрлештерет пире. Хăнана чăваш яланах хапăл. Пĕрле пуçтарăнни уяв сумне ÿстерет.