Тӗп хулари Хӗрлӗ тӳремре Чаваш Енри районсемпе хуласен этнокультура кил картишӗ ĕҫлеме пуҫларӗ.
Кунта республикăри пĕтӗм ял-хула хутшӑнать. Унсӑр пуҫне Саратов тӑрăхĕнчи чăвашсен "Ентеш" наципе культура автономийӗ хӑйӗн кил картишӗпе килсе ҫитнĕ. Калмантай ялӗнчи этнографи музей ертӳҫи Василий Андюков тĕрлӗ экспонат тăратнă.
Паян ирхи 8 сехет те 22 минутра Шупашкарти Мускав тата Ленин районĕсене çыхăнтаракан Мускав кĕперĕн Республика кунĕ тĕлне туса пĕтернĕ çĕнĕ тăрăхĕпе пуçласа спортсменсемпе физкультурниксем, тĕп хулари «Дорекс» ООО автотранспорчĕ, Шупашкарти Ленин, Калинин тата Мускав районĕсенче пурăнакансен йышлă представителĕсем иртрĕç.
Паян, ҫӗртме уйӑхӗн 23-мӗшӗнче, Шупашкарта "Бизнес-Ӑнӑҫу" премийӗн кӑтартӑвӗсене пӗтӗмлетрӗҫ. Пирӗн ҫӗршывра вӑл 7-мӗш хут йӗркеленет, Шупашкарта - пӗрремӗш хут.
Крым тутарӗсем ташларӗҫ, пушкӑртсем юрларӗҫ...
Этнокультура конференцийĕ тĕрлĕ секцисене пайланса малалла ĕçлерĕ. Чăваш патшалăх культура училищин халăх инструменчĕсен ансамлĕ музыкăна юратакансене пуçтарчĕ. Ансамбль ертÿçи — Геннадий Русскин асăннă училищĕре студентсене халăх пултарулăхĕн вăрттăнлăхĕсене алла илме вĕрентет.
Паян Шупашкарта "Тимĕрĕн асамлă сасси" мастер-класс иртрĕ. Тимĕре Николай Балтаев, Чăваш Республикин тава тивĕçлĕ художникĕ, Культурăпа искусство институчĕн доценчĕ асамлăх кĕртрĕ.
Этнокультура конференцийĕ тĕрлĕ секцие пайланса малалла ĕçлерĕ. Чăваш çипуçĕллĕ Евгения Жачева Чăваш Республикин культурăн тава тивĕçлĕ ĕçченĕ, тĕрĕ ăсти халăха «Çĕр пин тĕрĕ тĕнчине» пуçтарчĕ.
Паян, çĕртме уйăхĕн 23-мĕшĕнче, Чăваш патшалăх ял хуçалăх академийĕнче 2016 çулхи ĕç кăтартăвĕсем тăрăх «Агро-100» клуб çÿнтерÿçисене чысларĕç. Малти виçĕ вырăна Вăрнарти аш-какай комбиначĕ, «Авангард» тулли мар яваплă обществăн Çĕрпÿри «Цивильский бекон» филиалĕ тата «Сувар-2» суту-илÿ предприятийĕ йышăннине палăртрĕç.
Республика кунне халалланă савăнăçлă мероприятисене хутшăнмашкăн Шупашкара РАН академикĕ, СССР Патшалăх премийĕн лауреачĕ, РФ ăслăлăхĕн тава тивĕçлĕ ĕçченĕ, биологи наукисен докторĕ, А.В. Ломоносов ячĕллĕ Мускав патшалăх университечĕн медицина биофизикин кафедрин заведующийĕ Юрий Владимиров мăшăрĕпе Галина Алексеевнăпа, медицина ăслăлăхĕн докторĕ, Раççей Федерацийĕн тава тивĕçлĕ врачĕ, Раççей Оборона министерствин тĕп аритмологĕ, медицина службин полковникĕ Владимир Стеклов икĕ кунлăха килнĕ.
Чăваш патшалăх академи драма театрĕнче РФ тава тивĕçлĕ тата Мари халăх артисчĕ, Мари Элти патшалăх ташă ансамблĕн илемлĕх ертÿçи Славик Асмаев пирĕн республикăри тĕрлĕ районпа хулари ташă ушкăнĕсен ертÿçисемпе хореографсене халăх тата сцена ташшисен хăйне евĕрлĕхĕсемпе паллаштарчĕ. Ташă ансамблĕнче 20 çул ытла ĕçленĕ хăна чăваш хореографĕсене çармăс ташшисене вĕрентрĕ.
Чăвашла верси
Русская версия
