Новости по теме

8 Раштав, 2016

Уявра юристсем кăна

Çакăн чухлĕ юриста пĕр залра урăх кун кураймăн: çĕр-çĕр çын — Юстици министерствин ĕçченĕсем, прокурорсем, следовательсем, приставсем, нотариуссем, адвокатсем тата ыттисем. Чăваш патшалăх филармонийĕн залне паян вĕсем çывхарса килекен Конституци кунне тата темиçе кун каялла пулнă Юрист кунне уявлама пухăннă.

8 Раштав, 2016

Улттăн наркăмăшланнă. Телее, чĕрĕ юлнă

ЧР Чрезвычайлă лару-тăру енĕпе ĕçлекен патшалăх комитечĕн ертÿçи Вениамин Петров пĕлтернĕ тăрăх — Куславкка районĕн пĕрлехи дежурнăй диспетчер службине Куславкка хулинчи Пушкин урамĕнчи çуртра çынсем наркăмăшланни çинчен паян çур çĕр хыççăн хыпар çитнĕ. 44 çулти кил хуçи хĕрарăмĕ 0 сехет те 25 минут тĕлнелле вăранса кайнă — 49 çулти упăшки тăнне çухатнине курса хыпăнса ÿкнĕ. Кÿршĕ хĕрарăмне васкавлăн чĕнсе илнĕ. Хĕрарăмсем те хăйсене япăх туйма тытăннине кура кÿршине чĕннĕ. Вăл çитсен васкавлă медпулăшăва шăнкăравланă.

7 Раштав, 2016

Марафона Экологи çулталăкне халалланă

Чăваш Ен Пуçлăхĕ Михаил Игнатьев Мускавра Экологи çулталăкне халалланă пĕрремĕш телемарафона хутшăннă, ăна Пĕтĕм тĕнчери "Чĕрĕ Планета" экологи юхăмĕ, РФ Общество палати тата Çут çанталăк ресурсĕсен министерстви йĕркеленĕ.

6 Раштав, 2016

Чăваш Ен коррупципе кĕрешес енĕпе лидерсен шутĕнче

Ытларикун Чулхулара РФ Президенчĕн Федерацин Атăлçи округĕнчи полномочиллĕ представителĕ Михаил Бабич Атăл тăрăхĕнчи массăллă информаци хатĕрĕсен тĕп редакторĕсемпе йăлана кĕнĕ тĕлпулу ирттернĕ. Унта "Хыпар" хаçатăн тĕп редакторĕн заместителĕ Дмитрий Моисеев, "Грани" хаçатăн тĕп редакторĕ Наталия Колыванова, "Чăваш Ен" ПТРК директорĕ Екатерина Канюка хутшăннă.

5 Раштав, 2016

Кăçалхи бюджета тÿрлетрĕç, çитес çулхисене ырларĕç

 Патшалăх Канашĕн черетлĕ виççĕмĕш сесси уçăлнă кун, чÿк уйăхĕн 22-мĕшĕнче, парламентарисем çирĕм ыйтăва тишкернĕччĕ, паян сесси малалла ĕçлерĕ — депутатсем тата икĕ теçетке ыйтăва пăхса тухрĕç. Апла пулин те кун йĕркинче бюджетпа çыхăннă ыйтусем тĕп вырăнта пулчĕç тейĕттĕм — Патшалăх Канашĕ республикăн çитес виçĕ çуллăх бюджечĕ тата кăçалхи бюджета улшăнусем кĕртесси çинчен калакан саккунсен проекчĕсене пăхса тухса ырларĕ.

5 Раштав, 2016

Ухсай ялĕнче - хăнара

Раштав уйăхĕн 2-мĕшĕнче Чăваш халăх поэчĕ Ухсай Яккăвĕ çуралнăранпа 105 çул çитнине халалласа Пушкăрт Республикинчи Слакпуç ялĕнче поэзи уявĕ иртрĕ. Çыравçăн çуралнă тă-рăхне Чăваш Ен делегацийĕ те çитсе килчĕ.

5 Раштав, 2016

Çыру никĕсĕнче - экономикăпа социаллă политика темисем

 Раштавăн 1-мĕшĕнче Чăваш Ен Пуçлăхĕ Михаил Игнатьев РФ Президенчĕ Владимир Путин Федераци Пухăвне янă Çырупа паллаштарнипе çыхăннă церемоние хутшăннă. Унта çавăн пекех Федераци Канашĕн Аграрипе апат-çимĕç политики тата çут çанталăк ресурсĕсемпе усă курас енĕпе ĕçлекен комитечĕн членĕ Вадим Николаев, ЧР Патшалăх Канашĕн Председателĕ Валерий Филимонов, ЧР Общество палатин председателĕ Алексей Судленков, çавăн пекех РФ Патшалăх Думин депутачĕсем пулнă.

5 Раштав, 2016

Çырăва хаклаççĕ

Вероника СКВОРЦОВА, РФ сывлăх сыхлавĕн министрĕ:

— Çырура палăртнă кăтартусем регионсенче медицина аталаннине çирĕплетеççĕ. Тĕслĕхрен, Чăваш Енре — çĕршыври ача çуратма пулăшакан чи лайăх службăсенчен пĕри. Юлашки çулсенче республикăра ачасен тата çитĕннисен медицини аван аталанать, кунта пысăк технологиллĕ ме-дицина пулăшăвĕ енĕпе çĕршывра чи лайăх практикăсенчен пĕри. Чи кирли, çакна Президент Çырура та палăртрĕ, отрасле малалла укçа хывасси, ăна аталантарасси.

5 Раштав, 2016

Каллех сыснасем вилнĕ

Сыснасен Африка мурне пула вилнисене каллех тупнă май Чăваш Ен Пуçлăхĕ Михаил Игнатьев паян çак ыйтупа канашлу ирттернĕ.

Раштавăн 2-мĕшĕнче федерацин «Присурский» çут çанталăк заповедникĕн хураллакан зонин территорийĕнче пилĕк хир сыснин виллисене тупнă. Лаборатори анализĕ чĕрчунсем сыснасен Африка мурĕн вирусне пула вилнине çирĕплетнĕ.

Pages