Новости по теме

27 Утă, 2016

Пысăкланакан бюджет та — çителĕксĕр...

Министрсен Кабинечĕн юнкун иртнĕ ларăвĕн кун йĕркине анлă палăртнă тееймĕн — ыйтусен шучĕ чылай пысăкраххи те пайтах пулнă, çапах лару пурпĕр самай вăраха кайрĕ. Республикăн 2016 çулхи бюджетне улшăнусем кĕртмелли саккун проектне сÿтсе яврĕç — вăл чылай калаçтарчĕ.

26 Утă, 2016

Республикăна хушма укçа килет

2016 çулхи утă уйăхĕн 18-мĕшĕнчи 1526р №-лĕ хушупа Раççей Федерацийĕнчи 19 субъект хушшинче 12,1 миллиард тенкĕлĕх субсиди пайланă. Ку укçана федерацин 2016 çулхи бюджетĕнче пăхса хăварнă. Документа Раççей Федерацийĕн Правительствин ларăвĕнче утă уйăхĕн 13-мĕшĕнче пăхса тухса ырланă.

26 Утă, 2016

Чăваш Ен те — малтисен йышĕнче

ЖКХ тытăмне инвестицисем явăçтарма хатĕр регионсен рейтингĕнче — ăна Раççей Стройминĕ хатĕрленĕ — 2016 çулхи иккĕмĕш кварталта Чулхула облаçĕ лидер пулса тăнă, иккĕмĕш вырăнта — Вологда облаçĕ. Виççĕмĕшĕнче — Хакаси, унтан — Мускав, Ямал-Ненец округĕ тата Чăваш Республики.

22 Утă, 2016

Чăваш Республикин экспорт потенциалĕ пысăк

Çапла палăртнă «Раççей экспорт центрĕн» ертÿçи Петр Фрадков Чăваш Ен Пуçлăхĕпе Михаил Игнатьевпа Мускавра тĕл пулсан. Тĕлпулура çавăн пекех Чăваш Республикин Министрсен Кабинечĕпе «Раççей экспорт центрĕ» АО экспорт ĕçĕ-хĕлĕн ыйтăвĕсемпе пĕрле ĕçлесси çинчен килĕшÿ тунă.

22 Утă, 2016

«Çăлтăршăн» тав тунă

ЧР Пуçлăхĕн Михаил Игнатьев ячĕпе Владимир облаçĕн администрацийĕн аппарачĕн ертÿçин пĕрремĕш заместителĕнчен Виктор Кауровран тата Пĕтĕм Раççейри «Вăрçăри Тăванлăх» общество организацийĕн председателĕн заместителĕнчен Валерий Малышевран Чăваш Ен Пĕтĕм тĕнчери «Пирĕн Аслă Çĕнтерÿ çăлтăрĕ» обществăпа патриотизм проектне пурнăçлама пулăшнăшăн тата унта хутшăннăшăн тав çырăвĕ килнĕ.

22 Утă, 2016

Чăрмав сахалрах пултăр

Раççей Стройминĕ пурăнмалли çурт-йĕр строительствинчи процедурăсене пăхăнассине тивĕçтерес енĕпе ăнăçлă ĕçлекен 6 региона палăртнă. Çакăн çинчен ведомство пуçлăхĕ Михаил Мень влаç органĕсем строительство ĕçĕсем çинчен калакан саккунсене мĕнле пăхăннине тишкерекен штаб ларăвĕнче пĕлтернĕ.

Асăннă регионсен шутĕнче — Саха /Якути/ Республики, Чăваш Республики, Ярославль, Липецк облаçĕсем, Ямал-Ненец автономи округĕ, Байкал леш енчи край.

Pages