Раççейре çăмăл автомобильсен вăтам çулĕ 12,5-пе танлашать — çапла пĕтĕмлетнĕ «Автостат» агентство çĕршыври транспорт хатĕрĕсен паркне тĕпченĕ май. Тĕпчевре Чăваш Ен кăтартăвĕсем те пур.
Утă уйăхĕн 14-мĕшĕнче ЧР ĕçпе социаллă хÿтлĕх министрĕ Сергей Дмитриев ĕç сыхлавĕпе çыхăннă видиоçыхăну мелĕпе йĕркеленĕ регионсен хушшинчи конференцие хутшăннă. Унта производствăри хăрушсăрлăхпа çыхăннă йывăрлăхсене, вĕсене мĕнле парăнтармаллине сÿтсе явнă. Регионсем пĕр-пĕрин опычĕпе паллаштарнă. Видеоконференцие РФ ĕçпе социаллă хÿтлĕх министрĕн заместителĕ Григорий Лекарев та хутшăннă.
Ĕнер, утă уйăхĕн 13-мĕшĕнче, тĕп хулари "Олимпийский" стадионта Чăваш Республикин Правительствин тата ВТБ 24 командисем мини-футбол енĕпе юлташла тĕлпулу ирттернĕ.
«Хыпар» Издательство çурчĕн кăларăмĕсене II çур çулшăн çырăнма ĕлкĕреймерĕр пулсан — ан пăшăрханăр. Утă / июль/ уйăхĕн 25-мĕшĕччен çырăнсан — вĕсене çурла / август/ уйăхĕнчен илсе тăма пуçлатăр.
Вырăнти хăйтытăмлăх тата тĕрĕслев-надзор органĕсем пĕр-пĕринпе çыхăнса та ăнланса ĕçлени кăтартусене лайăхлатма май парать, çапах ку енĕпе тăрăшмалли тата нумай-ха — шăпах çак шухăш тĕпре пулчĕ Чăваш Республикинчи вырăнти хăйтытăмлăх органĕсем тĕлĕшпе ирттерекен тĕрĕслев-надзор ĕç-хĕлĕн тухăçлăхне тишкерекен ведомствăсен хушшинчи комиссин черетлĕ ларăвĕнче.
ЧР Пуçлăхĕ Михаил Игнатьев ĕç тăвакан влаç органĕсен, районсемпе хуласен ертÿçисемпе тунтикунсерен ирттерекен планерка ку хутĕнче кăмăллинчен пуçланчĕ: министерствăсемпе ведомствăсен ĕçченĕсене патшалăх служащийĕн черетлĕ званийĕсене панă та — вĕсене чысларĕç. Михаил Васильевич кашнинех алă тытса саламларĕ. "Тивĕçлĕ шайра бюрократ пулмалла, çав вăхăтрах халăх ыйтăвĕсене çывăха илмелле. Сирĕн хамăрăн пĕчĕк Тăван çĕршывăн патриочĕсем пулмалла. Эсир — влаç органĕсен представителĕсем, çакна нихăçан та ан манăр, чыса упрăр", — пехил евĕр янăрарĕç унăн сăмахĕсем.