Новости по теме

5 Утă, 2016

"Спартака" çĕнетме — 40 миллион ытла тенкĕ

Шупашкарти "Спартак" стадиона реконструкцилеме федераци бюджетĕнчен 40,44 миллион тенкĕ уйăрма йышăннă. Çакна çирĕплетекен документа РФ премьер-министрĕ Дмитрий Медведев алă пуснă, çĕршыв Правительствин сайтĕнче пичетленĕ.

Укçана футбол енĕпе 2018 çулта иртекен Тĕнче чемпионатне хатĕрленмелли программăпа килĕшÿллĕн уйăрма палăртаççĕ. Кунсăр пуçне Чăваш Республикин бюджетĕнчи 11 миллион тенкĕпе стадиона çĕнетме усă курĕç.

Экономика
Спорт
5 Утă, 2016

Регионсен рейтингĕнче - Чăваш Ен 6-мĕш вырăнта

Мĕнпур регионăн, çав шутра Чăваш Республикин влаçĕсемшĕн 2015 çул экономика ÿсĕмĕн майĕсене, вырăнти экономикăна реструктуризацилемелли конкуренци аталанăвĕн çул-йĕрĕсене шыранипе уйрăлса тăни вăрттăнлăх мар. Экспертсем хакланă тăрăх — рынокра конкуренцие вăй пани çĕршывăн шалти пĕтĕмĕшле продукчĕн калăпăшĕнче 5-6% йышăнма пултарать.

5 Утă, 2016

Çĕр çыннин ырлăхĕшĕнех пĕлтерĕшлĕ

Ыйтусене хуравлама хăрамалла мар, çырава налук хурассишĕн ирттермеççĕ

Çанталăк шăрăх тăнине пăхмасăр хăшĕ-пĕри эрех-сăра ĕçсе минренĕ хыççăн шыв хĕррине васкать. Çакнашкал кану тепĕр чухне инкекпе вĕçленет. Аслисен тимсĕрлĕхне пула ачасем путса вилни те пăшăрхантарать. Вăйпитти ÿсĕмрисене тата çамрăк ăрăва çухатнипе ниепле те килĕшме çук. Çавăнпа халăх хушшинче ăнлантару ĕçне куллен туса пымаллине тепĕр хут аса илтерчĕ Чăваш Ен Пуçлăхĕ Михаил Игнатьев эрне пуçламăшĕнчи канашлăва уçнă май.

5 Утă, 2016

Коррупципе кĕрешессине вăйлатмалла

Чăваш Республикинче коррупципе кĕрешессине йĕркелекен комиссин черетлĕ ларăвне уçнă май Чăваш Ен Пуçлăхĕ Михаил Игнатьев çĕршыв ертÿлĕхĕ коррупципе пĕр шелсĕррĕн кĕрешмешкĕн тĕллев лартнине аса илтерчĕ.

5 Утă, 2016

Хушма укçа - 900 миллион тенкĕ

Чăваш Ене бюджет кредичĕ 900 миллион тенкĕ /çăмăллатнă ставкăпа — 0,1 процент/ тата «Этническая Чувашия» проекта пурнăçа кĕртме 182 миллион тенкĕ уйăрса панă. Çакăн çинчен Чăваш Ен Пуçлăхĕ Михаил Игнатьев влаç органĕсен ертÿçисемпе кашни эрнере ирттерекен планеркăра пĕлтерчĕ.

Михаил Игнатьев палăртнă тăрăх — çак çитĕнĕве тума РФ Финанс министерствипе тухăçлă, килĕштерсе ĕçлени пулăшнă. Çавна май иртнĕ эрнере Чăваш Республикине бюджет кредичĕ пурĕ 900 миллион тенкĕ: 768,5 миллион тата 132 миллион /çăмăллатнă ставкăпа — 0,1 процент/ пама йышăннă.

4 Утă, 2016

“Зарница” тата “Орленок” çĕнтерÿçисене чысланă

Утă уйăхĕн 1-мĕшĕнче ЧР Министрсен Кабинечĕн Председателĕн заместителĕ, Чăваш Ен Пуçлăхĕн Администрацийĕн ертÿçи Юрий Васильев Патăрьел районĕнче пулнă, республикăри çамрăк армеецсен юхăмĕн “Зарница” тата “Орленок” XLVIII финал вăййисене хупнă çĕре хутшăннă.

Çамрăксем

Pages

Хыпарсем