Новости по теме

21 Çĕртме, 2016

Туслăхпа килĕшÿ чупăвĕ

Элĕк районĕ Пĕтĕм тĕнчери “Тăнăçлăх чупăвĕ” çулăм эстафетине йышăннă. Сывă пурнăç йĕркине тытса пыма тата туслăхпа килĕшÿре пурăнма чĕнекен мероприяти планетăри çĕршывсемпе регионсен хушшинчи культура çыхăнăвĕсене çирĕплетет.

21 Çĕртме, 2016

Çимĕкре – Асăну хăми

Çимĕкре Элĕк районĕнчи Чулкаçра Алексей Николаевич Иванова, Чечня Республикинчи çапăçусене хутшăнса 2000 çулта пуç хунăскере, вилнĕ хыççăн Паттăрлăх орденĕпе наградăланăскере, халалласа Асăну хăми уçнă. Ăна хăюллă салтак çуралса ÿснĕ çурт çине вырнаçтарнă.

21 Çĕртме, 2016

Архив пуянланать

ЧР патшалăх электрон тата кинодокумендаци архивĕнче кăçалхи ака уйăхĕнче Парне кунĕ пĕрремĕш хут иртнĕ.

Архивистсем республикăра пурăнакансенчен кино-, фото-, видеоаппаратура, сăнÿкерчĕксем, кĕскен каласан — кинематограф историйĕпе çыхăннă пур документа та йышăннă. Шăпах çавăн чухне кинотехнологи оборудованийĕн куравĕ «Украина-4» тата çутă хатĕрĕсен комплекчĕпе пуянланнă. Вĕсене Шупашкарта пурăнакан Людмила Крыловăпа Евгений Гордеев парнеленĕ.

21 Çĕртме, 2016

Вар-хырăм пăсăлнăран...

Çĕнĕ Шупашкарти 40-мĕш ача садĕнче çак кунсенче ачасене вăхăтлăх йышăнма чарăннă. Сăлтавĕ — темиçе ача вар-хырăм пăсăлнипе аптăранăран больницăна лекни. Ĕç-пуç çĕртме уйăхĕн 17-18-мĕшĕсенче пулнă. Хальхи вăхăтра 13 ача хула больницин инфекци уйрăмĕнче сипленет.

21 Çĕртме, 2016

Цех тума, техника туянма

ЧР Ял хуçалăх министерстви пурлăх никĕсне çирĕплетес тĕллевпе потребитель кооперативĕсен конкурсне ирттернĕ. Патăрьелпе Комсомольски районĕсенчи «Али» тата «НУР» кооперативсене суйласа илнĕ. Вĕсене пурĕ 11,73 миллион тенкĕлĕх грант парĕç. «Али» выльăх пусмалли, ашне тирпейлемелли, унран кăлпасси хатĕрлемелли цех тăвать.

21 Çĕртме, 2016

Малтисене чысларĕç

Патăрьел районĕнчи тĕрлĕ харпăрлăхлă хуçалăхсен ертÿçисем иртнĕ çулсенчи пекех пухăнса кашни ял тăрăхне çитнĕ, ял хуçалăх культурисен калчисем еплерех шăтнине пахаланă. Район администрацийĕ çуракине пысăк пахалăхпа йĕркелесе ирттернĕшĕн «Батыревский» обществăна — 1-мĕш, «Исток» агрофирмăпа Н.Федоров хресчен хуçалăхне — 2-мĕш, «Малалла» эртеле, Р.Санзяповпа Ф.Чабатов фермер хуçалăхĕсене 3-мĕш вырăнсене панă.

21 Çĕртме, 2016

Тутарпа чăваш пĕрле

Чăваш Енри тата Тутарстанри аграрисем лайăх пĕлекен Николай Курчаткин генеральнăй директор ертсе пыракан «Авангард» общество уй-хир ĕçĕсене вĕçлесен Пăва районĕнчи вăрман уçланкинче Сабантуй ирттернĕ. Акана хутшăннисене Н.Курчаткин, Пăва тата Çĕрпÿ райадминистрацийĕсен пуçлăхĕсем А.Айзетулловпа А.Казаков, «Воддорстрой» общество ертÿçи А.Федоров саламланă. «Авангардра» тĕштырăпа пăрçа йышши культурăсене — 12 пин, выльăх апачĕлĕх — 3 пин, техника культурисене 2 пин ытла гектар акнă, калча парка шăтнă.

21 Çĕртме, 2016

Самăртма — вăкăрсем

Ял хуçалăх культурисем, аш, сĕт туса илсен тата вĕсене ăнăçлă сутсан çеç кассăна укçа кĕрет. Çакна Вăрнар районĕнчи Чăрăш Ишек ялĕнчи Станислав Волков фермер лайăх пĕлет. Продукци ытларах тăвассишĕн тăрăшать. Иртнĕ уйăхра вăл 34 çамрăк вăкăр туяннă. Çитĕнтерсе, самăртса сутасшăн. Фермер тĕллевĕ — пушмак пăрусенчен ĕне кĕтĕвĕ тăвасси.

17 Çĕртме, 2016

Чăваш Республикин Пуçлăхĕ Михаил Игнатьев Медицина ӗҫченӗсен кунӗ ячӗпе саламлани

Медицинăн хисеплĕ ĕçченĕсем тата сывлăх сыхлавĕн ветеранĕсем!

Сире професси уяв ячĕпе ăшшăн саламлатăп.

Кун-çулăра çынна халалланăскерсем ăна çут тĕнчене килме пулăшатăр, чи йывăр самантра та унпа юнашарах эсир.

Медицинăра ыркăмăллăх, ыттисемшĕн хыпса çунни, тÿсĕмлĕх тата тивĕçе чĕре хушнă пек пурнăçлани уйрăмах пĕлтерĕшлĕ.

Pages