Çур акине - çăмăллатнă кредит
Раççей ял хуçалăх банкĕн Чăваш Енри филиалĕнче умри ака-сухана кредитлассипе ятарлă координаци штабĕ ĕçлеме пуçланă. Унăн тĕллевĕ - сезонри ĕç-хĕле вăхăтра финанслассине тивĕçтересси.
«Раççей ял хуçалăх банкĕ» акционерсен пĕрлешĕвĕн Чăваш Енри филиалĕн директорĕ Ирина Письменская каланă тăрăх - кредит илессине ансатлатма çурхи уй-хир ĕçĕсем валли тăратнă заявкăсене пĕрремĕш черетпе пăхаççĕ. Сезон ĕçĕсене ирттерме паракан кредитсен списокне сарнă, салук хывассине çăмăллатнă.