"Шупашкар районĕн сучĕ РФ Наркотĕрĕслев службин Чăваш Республикинчи управленийĕн материалĕсене пăхса тухнă хыççăн приговор çирĕплетнĕ: 44 çулти арçынна саккуна пăсса наркотик сутма хатĕрленнĕшĕн айăпланă", - пĕлтерчĕ ведомствăн пресс-служби.
Елчĕк районĕн прокуратури вĕренÿ учрежденийĕсен ертÿçисем коррупципе кĕрешесси çинчен калакан саккуна уяманнине тăрă шыв çине кăларнă - вĕсем тупăшпа тăкак, пурлăх çинчен калакан кăтартусене панă май йĕркене пăснă.
Чăваш патшалăх университечĕн Канашри филиалĕн директорĕ пулнă Борис Волкова следовательсем кăна мар, судсенче те лайăх палласа çитрĕç пуль ĕнтĕ. Виççĕмĕш хут приговор итлерĕ те...
Ку хутĕнче те ăна взятка илнĕ-шĕн /пĕтĕмпе 11 тĕслĕх/ тата должноç полномичийĕсемпе киревсĕр тĕллевпе усă курнăшăн /12 тĕслĕх/ айăпланă.
Биатлон ăмăртăвĕн тĕнче Кубокĕн Çурçĕр Америкăра иртекен тапхăрĕнче Раççей чысне кам хÿтĕлессе палăртнă. Çĕршыв пĕрлештернĕ командин йышĕнче Ольга Подчуфаровăпа, Екатерина Юрловăпа, Дарья Виролайненпа, Екатерина Шумиловăпа пĕрлех чăваш хĕрĕ Татьяна Акимова та пур.
Арçынсен командинче: Антон Шипулин, Евгений Гараничев, Максим Цветков, Дмитрий Малышко, Алексей Слепов тата Алексей Волков.
Етĕрне район сучĕ çак тăрăх çыннинчен кроншнеп тытнăшăн 170544 тенкĕ шыраса илме йышăннă.
Етĕрне çыннине пĕлтĕрхи ака уйăхĕнчех тытнă. Вăл Хĕрлĕ Чутай сунар территорийĕнче шыв шултра йышши чăххине персе ÿкернĕ. Çак кайăка Раççей Федерацийĕн Хĕрлĕ кĕнекине кĕртнĕ - ăна тытма юрамасть.
Йĕркене пăсакана авăн уйăхĕнче административлă майпа 2000 тенкĕ штраф тÿлеттернĕ. Çавăн чухнех патшалăха кÿнĕ тăкака - 170544 тенкĕ - саплаштарма ыйтнă. Вăл çав укçана хăйĕн ирĕкĕпе пама килĕшмен. Çавăнпах ĕçе суда ярса панă.
Мария РОМАНСКАЯ.
Кăрлач уйăхĕн 29-мĕшĕнче ЧР Профессионал писательсен союзĕн отчетпа суйлав пухăвĕ иртрĕ. Унăн ĕçне ЧР культура министрĕн тивĕçĕсене пурнăçлакан Константин Яковлев, ЧР Патшалăх Канашĕн депутачĕ, Чăваш наци конгресĕн президенчĕ Николай Угаслов хутшăнчĕç. Сăмах тухса каларĕç.
Владимир Путинпа Михаил Игнатьевăн Мускавра ĕнер иртнĕ ĕçлĕ тĕлпулăвĕнчи диалогпа паллаштаратпăр:
В.Путин: Михаил Васильевич, республика иртнĕ çула мĕнле вĕçлерĕ?
Кăрлачăн 26-мĕшĕнче ЧР Пуçлăхĕн Администрацийĕн Ертÿçи Юрий Васильев Чулхулара РФ Президенчĕн федерацин Атăлçи округĕнчи полномочиллĕ представителĕ çумĕнчи Хăрушсăрлăх ыйтăвĕсемпе ĕçлекен коллеги ларăвне хутшăннă. Унта коррупципе кĕрешессипе çыхăннă темăна сÿтсе явнă.
ЧР Министрсен Кабинечĕн Председателĕ Иван Моторин Правительство çуртĕнче Китай Халăх Республикин /КХР/ Сычуань провинцийĕн делегацине йышăннă. Ĕçлĕ тĕлпулăва Китай провинцийĕн Халăх Правительствин Канцелярийĕн представителĕсем, ЧР Министрсен Кабинечĕн Председателĕн тата экономика аталанăвĕн, промышленноçпа суту-илÿ министрĕн заместителĕсем Михаил Резниковпа Виталий Емельянов, "Чăваш Республикин Корпораци аталанăвĕн" ПАО гендиректорĕн тивĕçĕсене пурнăçлакан Виктор Гриншпун хутшăннă.
Раççей Общество палатин членĕсем ĕнер Чăваш Енĕн туризмпа, культурăпа тата инвестицисемпе çыхăннă хăвачĕпе паллашма пултарчĕç. Республикăн унта иртнĕ презентацине ЧР Пуçлăхĕ
Михаил Игнатьев ертсе пыракан сумлă делегаци хутшăннă.
Чăвашла верси
Русская версия
