Раштавăн 25-мĕшĕнче Чăваш Республикин Журналистсен союзĕн XVIII съезчĕ ĕçлерĕ. Чăваш Республикин Журналистсен союзĕн председателĕ Валерий Комиссаров Чăваш Енри журналистсен пĕрлĕхĕн 2010-2015 çулсенчи ĕç-хĕлĕ çинчен каласа пачĕ, çитес тапхăрти тĕллевĕсемпе паллаштарчĕ.
Чăваш Ен Пуçлăхĕ Михаил Игнатьев раштав уйăхĕн 25-мĕшĕнче Шупашкар тата Чăваш митрополичĕпе Варнавăпа тĕл пулнă.
Калаçура обществăри тăнăçлăхпа пĕрлĕхе сыхласа хăварассипе, республика çыннисен ырлăхĕшĕн чиркÿпе влаç пĕр чĕлхе тупса ĕçлессипе çыхăннă ыйтусене хускатнă.
Шупашкарти Калинин районĕнче вырнаçнă 78-мĕш ача сачĕ - "Колосок" - тĕпрен çĕнетнĕ хыççăн раштавăн 25-мĕшĕнче уçăлчĕ. Çак ятпа асăннă вĕренÿ организацийĕнче кунта савăнăçлă пуху иртрĕ. Унта Михаил Игнатьев та хутшăнчĕ.
Раштав уйăхĕн 25-мĕшĕнче Чăваш патшалăх оперăпа балет театрĕнче РФ Çăлавçă кунне тата çĕршывăн чрезвычайлă ведомствине туса хунăранпа 25 çул çитнине халалласа савăнăçлă мероприяти иртрĕ. Çăлавçăсене уявсен ячĕпе Чăваш Ен Пуçлăхĕ Михаил Игнатьев саламларĕ.
Паян Чăваш Ен Пуçлăхĕ Михаил Игнатьев акционерсен «АККОНД» пĕрлешĕвĕнче çĕнĕ производство линийĕ уçма хутшăнчĕ. Савăнăçлă уявра ЧР вĕренÿ тата ял хуçалăх министрĕсем Владимир Ивановпа Сергей Артамонов, Шупашкар хула пуçлăхĕ Леонид Черкесов, «АККОНД» АО гендиректорĕ, ЧР Патшалăх Канашĕн депутачĕ Валерий Иванов тата тĕп хулари 5-мĕш гимназин чи хастар вĕренекенĕсем пулчĕç.
Ачасем сумлă хăнасенчен маларах çитнĕ. Предприятире экскурсире пулма, Çĕнĕ çул уявĕнче Хĕл мучипе, Юр пикепе пĕрле кăмăл туличчен савăнма, пылак çимĕç тултарнă кучченеç илме ĕлкĕрнĕ.
Раштавăн 23-мĕшĕнче Мускавра Раççей Президенчĕ Владимир Путин Патшалăх Канашĕн çĕршыври пĕтĕмĕшле вĕрентÿ тытăмне лайăхлатассине халалланă ларăвне ирттернĕ. Унта ЧР Пуçлăхĕ Михаил Игнатьев та хутшăннă.
Шупашкарта çак кунсенче вут-çулăмпа кĕрешекен паттăрсене халалласа лартма палăртнă палăк вырăнĕнче чул хучĕç. Çак палăк 4-мĕш пушар-çăлав чаçĕ çывăхĕнче пулĕ. Ун умĕнче кашни çынах инкеке лекнисене пулăшас тесе сывлăхĕпе пурнăçне хĕрхенмен пушарнăйсене тав тума пултарĕ.
Федерацин республикăри тĕп инспекторĕ Геннадий Федоров Чăваш Енри биологи пуянлăхне упрассипе канашлу ирттернĕ. Право йĕркине тата çутçанталăка хÿтĕлекен органсен ертÿçисем пулă ресурсне ытлашшипех пĕтерекен браконьерсемпе еплерех кĕрешмеллине, вĕсем саккуна ан пăсчăр тесе мĕн тумаллине сÿтсе явнă.
Кăрлачăн 7-мĕшĕнче «Шупашкар-Арена» Пăр керменте ачасемпе вĕсен ашшĕ-амăшĕ валли «Çĕнĕ Щелкунчик» шоу иртет.
Раççей Спорт министерстви регионсенче физкультурăпа спорт ĕçне йĕркелессипе ирттернĕ Пĕтĕм Раççей конкурсне пĕтĕмлетнĕ. Унта Чăваш Республикин спорта аталантарас ĕçри тÿпине те палăртнă.
Чăвашла верси
Русская версия
