Паян ЧР Правительство çуртĕнче Чăваш Енре пурăнакансен сывлăхне сыхлас ыйтусемпе çыхăннă Патшалăх комиссийĕн ларăвĕ иртрĕ. ЧР информаци политикин тата массăллă коммуникацисен министрĕн çумĕ Юлия Стройкова массăллă информаци хатĕрĕсенче сывă пурнăç йĕркине сыхлас ыйтусене епле çутатни пирки пĕлтерчĕ. Пĕлтĕр пичет кăларăмĕсенче пурĕ 1812 материал кун çути курнă. Телевиденире те, радиора та чылай кăларăм эфира тухнă.
Республикăри туризма аталантарас енĕпе ĕçлекен ведомствăсем хушшинчи тата курав-ярмăркка ĕçĕ-хĕлне йĕркелесе пыракан канашсен ларăвĕсене пĕрле ирттернĕренпе сÿтсе явмалли ытлах пулмасть те пулĕ тенĕччĕ. Çук иккен. Сехет çура яхăн тăсăлнă калаçу хĕрÿ пулчĕ.
Иртнĕ канмалли кунсенче республикăра çил-тăман алхасрĕ, çумăр çурĕ, çулсене пăрлаклантарчĕ - автотранспорта çул çÿреме йывăрланчĕ. Тивĕçлĕ органсем чăрмава пĕтерес тĕлĕшпе мĕнле ĕçленĕ-ха?
«Хыпарăн» авăн уйăхĕнчи номерĕнче федерацин М-7 çулĕ çинчи Çĕрпÿ кĕперне туса пĕтермен пирки канмалли кунсенче автотранспорт майĕпен çÿрени, çавна пула водительсем тарăхни çинчен çырса кăтартнăччĕ.
Шупашкартан Куславккана час-часах кайнăран ун урлă каçма тивет. Юлашки вăхăтра канмалли кунсенче çеç мар, куллен - пăкă! 7-8 çухрăма тăсăлать. Унта лекетĕн те 1,5-2 сехетсĕр машинăсен черетĕнчен тухаймастăн. Ахăртнех, «Хыпар» тусĕсенчен нумайăшĕ ку пăкăра пулса курман-ха. Турă ан хуштăр сире унта çакланма! Чăннипех те кăмăла пăтратать.
ЧР ял хуçалăх министрĕ Сергей Артамонов ĕнер аслă вĕренÿ заведенийĕн ĕçченĕсене Чăваш патшалăх ял хуçалăх академийĕн ректорĕн тивĕçĕсене вăхăтлăх пурнăçлакан Александр Акимовпа паллаштарнă.
Улатăр хулипе Луганск Халăх Республикинчи боксерсем туслă çыхăну çĕнĕ ĕмĕр пуçламăшĕнчех йĕркеленĕ. Паян Украинăра лару-тăру çăмăл мар пулин те çак çыхăнăва татмаççĕ вĕсем. Çулсерен турнира пухăнаççĕ.
Саранскра РФ федерацин Атăлçи округĕнче иртнĕ «Православи вĕрентекенĕ - 2015» конкурс çĕнтерÿçисемпе лауреачĕсене савăнăçлă лару-тăрура чысланă.
Асăннă проект Михаил Бабич полпред пуçарăвĕпе, Мускав тата Пĕтĕм Руç Патриархĕ Кирилл сăвапланипе иртнĕ. Конкурса пурĕ округри 14 регионран 230 ĕç тăратнă. Вĕсене пуçламăш классен, вырăс чĕлхипе литературин, истори, ÿнер, православи культурин никĕсĕсен вĕрентекенĕсем хатĕрленĕ. Конкурс пĕтĕмлетĕвĕ тăрăх çĕнтерÿçĕ ятне - 6, лауреат ятне 28 учитель тивĕçнĕ.
РФ Президенчĕн Чăваш Республикинчи йышăну пÿлĕмĕнче Патшалăх управленийĕн пĕчĕк академийĕн слушателĕсен тата унтан вĕренсе тухнисен тĕлпулăвĕ иртнĕ.
Чăваш патшалăх ял хуçалăх академийĕн пултаруллă çамрăк ăсчахĕсене çĕнĕ сăнав-тĕпчев ирттермешкĕн йышăнма чикĕ леш енче те хапăл.
Тепĕр тесен упăшки тарăхтарса çитерни 27 çулти Екатерина Козловăна тÿрре кăлармасть. Вăл хăй те ÿсĕр пулнине кура - пушшех.
Урлă пулассине ĕçкĕ сăлтавланă темелле. Çав кун, авăн уйăхĕн пуçламăшĕнче, çемье çĕр улми кăларнă. Кил хуçин çăмăл мар çак ĕçре пулăшмалла ĕнтĕ, анчах вăл килне 21 сехет тĕлнелле тин таврăннă. Хăй тĕллĕн çитеймен - ÿсĕрскере юлташĕ сĕтĕрсе килнĕ. Çĕрулмине вара кÿршĕсем пулăшнипе кăларса пĕтернĕ. Ниме вĕт - паллах, эрехпе сăйланнă.
Чăвашла верси
Русская версия
